ជាតិ
អង្គការស្នាមញញឹមកម្ពុជាចុះវះកាត់មាត់ឆែប ក្រអូមឆែបដោយឥតគិតថ្លៃនៅមន្ទីរពេទ្យ ខេត្តសៀមរាប ![](https://image.thmeythmey.com/pictures/2018/01/08/smile__1_.jpg)
×![]()
សៀមរាប៖ អង្គការស្នាមញញឹមកម្ពុជា រួមជាមួយក្រុមគ្រូពេទ្យស្ម័គ្រចិត្តមកពីសហរដ្ឋអាមេរិក ម៉ាឡេស៊ី តៃវ៉ាន់ និងមន្ទីរសុខាភិបាលខេត្ត សៀមរាប នឹងរៀបចំការវះកាត់ មាត់ឆែប ក្រអូមឆែប ពិការស្លឹកត្រចៀកពីកំណើត និងពិការភាពមុខមាត់ផ្សេងៗ ជូនប្រជាពលរដ្ឋ ដោយឥតគិតថ្លៃ។ ការវះកាត់នេះ នឹងធ្វើឡើងចាប់ពីថ្ងៃទី៧ រហូតដល់ថ្ងៃទី១២ ខែមករា ឆ្នាំ២០១៨ នៅមន្ទីរពេទ្យបង្អែកខេត្តសៀមរាប។
តាមរយៈសេចក្តីជូនដំណឹងរបស់អង្គការស្នាមញញឹមកម្ពុជា ការទទួលវះកាត់នេះ បែងចែកជា២ផ្នែក។ ផ្នែកទី១ ការទទួលពិនិត្យ និងចុះឈ្មោះផ្នែក ពិការស្លឹកត្រចៀកពីកំណើត និងពិការមុខមាត់ផ្សេងៗ នៅថ្ងៃទី៧ និងធ្វើការវះកាត់ចាប់ពីថ្ងៃទី៨ ដល់ថ្ងៃទី១០ ខែមករា។ ផ្នែកទី២ ជំងឺមាត់ឆែប ក្រអូមឆែប ការចុះឈ្មោះនៅថ្ងៃទី១០ និងធ្វើការវះកាត់ចាប់ពីថ្ងៃទី១១ ដល់ទី១២ ខែមករា។
ព័ត៌មានបន្ថែមជុំវិញការវះកាត់នេះ សូមទាក់ទងទៅមន្ទីរពេទ្យបង្អែកខេត្តសៀមរាប ឬអង្គការស្នាមញញឹមកម្ពុជា តាមរយៈលេខទូរសព្ទ ០២៣ ២១១ ៤០៥, ០១២ ៦៥៥ ៧៨៦, ០៩៦ ៨៤៦ ៦៩៩១៕
![](https://image.thmeythmey.com/pictures/2018/01/08/thumb2/smile__2_.jpg)
© រក្សាសិទ្ធិដោយ thmeythmey.com