វិទ្យាសាស្រ្ត និង បច្ចេកវិទ្យា
អន្តរជាតិ
ភាគហ៊ុននិកដ៏ធំរបស់ Apple បង្ហាញកង្វល់ជុំវិញការប្រើប្រាស់ស្មាតហ្វូនរបស់កុមារ
×![]()
ដោយ: ធីតា
ក្រុមហ៊ុនវិនិយោគធំៗចំនួនពីរ បានសរសេរលិខិតចំហរមួយទៅកាន់ក្រុមហ៊ុន Apple ដើម្បីស្នើសុំឲ្យមានការអភិវឌ្ឍន៍សូហ្វែរក្នុងទិសដៅកំណត់ពេលវេលាជាក់លាក់លើការប្រើប្រាស់ស្មាតហ្វូនរបស់កុមារតូចៗ។ ក្រុមហ៊ុនទាំងនេះ ដែលមានភាគហ៊ុនក្នុងក្រុមហ៊ុន Apple បានព្រមានពីគ្រោះថ្នាក់ដែលអាចកើតឡើងចំពោះកុមារ។
ក្រុមហ៊ុន JANA Partners LLC និង California State Teachers’ Retirement System ដែលមានភាគហ៊ុនរួមគ្នាប្រមាណ២ពាន់លានដុល្លារអាមេរិកនៅក្នុងក្រុមហ៊ុន Apple Inc. បានទាមទារឲ្យក្រុមហ៊ុន Apple សិក្សាឲ្យបានស៊ីជម្រៅលើការប្រើប្រាស់ស្មាតហ្វូនរបស់កុមារ។
ក្នុងលិខិតចំហររបស់ខ្លួន កាលពីថ្ងៃទី៦ ខែមករា ភាគហ៊ុននិកទាំងពីរ ទទួលបានការប្រឹក្សាយោបល់ពីស្ថាប័ន និងអ្នកជំនាញមួយចំនួន ដែលមើលឃើញពីគ្រោះថ្នាក់ដ៏គួរឲ្យព្រួយបារម្ភចំពោះការចំណាយពេលវេលាប្រើប្រាស់ស្មាតហ្វូនរបស់កុមារ។
ក្នុងខ្លឹមសារលិខិតដ៏វែង ភាគហ៊ុននិកទាំងពីរ បានលើកឡើងពីការជះឥទ្ធិពលអវិជ្ជមានលើសុខភាពផ្លូវចិត្ត ការរំខានដល់ការសិក្សា ការបាត់បង់ការផ្ចង់អារម្មណ៍ និងការគេងមិនគ្រប់គ្រាន់ ដោយសារតែការប្រើប្រាស់ស្មាតហ្វូន ជាពិសេសផលិតរបស់ក្រុមហ៊ុន Apple។
ផលិតផលរបស់ក្រុមហ៊ុន Apple ជាពិសេស iPhone ដែលមានវត្តមាននារយៈពេលជាង១០ឆ្នាំកន្លងមកនេះ ទាក់ទាញកុមារ និងយុវជនយ៉ាងខ្លាំង។ ជាមួយនឹងចំណុចវិជ្ជមាន សមាជិកភាគហ៊ុន ក៏បានលើកពីចំណុចអវិជ្ជមានដោយភ្ជាប់នូវតួលេខស្រាវជ្រាវច្បាស់លាស់។
ក្រុមហ៊ុន JANA Partners LLC និង California State Teachers’ Retirement System បានលើកយកពីការសិក្សាថ្មីមួយ ដែលបង្ហាញថា សិស្សក្មេងៗដែលធ្លាប់តែចេញទៅក្រៅញាំបាយ លេងកីឡា និងធ្វើកិច្ចការផ្សេងៗ បែរជាចូលចិត្តនាំគ្នាអង្គុយសំកុកនៅតុបាយ ហើយលេងឧបករណ៍អេឡិចត្រូនិករបស់ខ្លួន។
ជាមួយគ្នា សមាជិកភាគហ៊ុនទាំងពីរ បានពីការសិក្សាមួយទៀតនៅអាមេរិក អំពីតួលេខដ៏គួរឲ្យភ័យខ្លាចលើករណីអត្តឃាត ដែលក្នុងនោះ យុវជនអាមេរិកដែលចំណាយពេលជាង៣ម៉ោងក្នុង១ថ្ងៃលើការប្រើប្រាស់ឧបករណ៍អេឡិចត្រូនិក មាន៣៥ភាគរយ និងជាង៥ម៉ោងក្នុង១ថ្ងៃ មាន៧១ភាគរយ ដែលប្រឈមនឹងការធ្វើអត្តឃាតច្រើនជាងអ្នកដែលចំណាយពេលតិចជាង១ម៉ោង។
ការស្ទង់មតិជាច្រើន បានបង្ហាញពីកង្វល់របស់មាតាបិតាចំពោះការប្រើប្រាស់ឧបករណ៍អេឡិចត្រូនិចរបស់កូនៗ។ ក្រុមហ៊ុន JANA Partners LLC និង California State Teachers’ Retirement System បានទាមទារឲ្យ Apple យកចិត្តទុកដាក់ឲ្យបានខ្លាំងលើករណីនេះ បើមិនដូច្នោះទេ វានឹងប៉ះពាល់ដល់ទីផ្សាភាគហ៊ុនរបស់ក្រុមហ៊ុនយក្សនេះផងដែរ៕
ក្រុមហ៊ុន JANA Partners LLC និង California State Teachers’ Retirement System ដែលមានភាគហ៊ុនរួមគ្នាប្រមាណ២ពាន់លានដុល្លារអាមេរិកនៅក្នុងក្រុមហ៊ុន Apple Inc. បានទាមទារឲ្យក្រុមហ៊ុន Apple សិក្សាឲ្យបានស៊ីជម្រៅលើការប្រើប្រាស់ស្មាតហ្វូនរបស់កុមារ។
ក្នុងលិខិតចំហររបស់ខ្លួន កាលពីថ្ងៃទី៦ ខែមករា ភាគហ៊ុននិកទាំងពីរ ទទួលបានការប្រឹក្សាយោបល់ពីស្ថាប័ន និងអ្នកជំនាញមួយចំនួន ដែលមើលឃើញពីគ្រោះថ្នាក់ដ៏គួរឲ្យព្រួយបារម្ភចំពោះការចំណាយពេលវេលាប្រើប្រាស់ស្មាតហ្វូនរបស់កុមារ។
ក្នុងខ្លឹមសារលិខិតដ៏វែង ភាគហ៊ុននិកទាំងពីរ បានលើកឡើងពីការជះឥទ្ធិពលអវិជ្ជមានលើសុខភាពផ្លូវចិត្ត ការរំខានដល់ការសិក្សា ការបាត់បង់ការផ្ចង់អារម្មណ៍ និងការគេងមិនគ្រប់គ្រាន់ ដោយសារតែការប្រើប្រាស់ស្មាតហ្វូន ជាពិសេសផលិតរបស់ក្រុមហ៊ុន Apple។
ផលិតផលរបស់ក្រុមហ៊ុន Apple ជាពិសេស iPhone ដែលមានវត្តមាននារយៈពេលជាង១០ឆ្នាំកន្លងមកនេះ ទាក់ទាញកុមារ និងយុវជនយ៉ាងខ្លាំង។ ជាមួយនឹងចំណុចវិជ្ជមាន សមាជិកភាគហ៊ុន ក៏បានលើកពីចំណុចអវិជ្ជមានដោយភ្ជាប់នូវតួលេខស្រាវជ្រាវច្បាស់លាស់។
ក្រុមហ៊ុន JANA Partners LLC និង California State Teachers’ Retirement System បានលើកយកពីការសិក្សាថ្មីមួយ ដែលបង្ហាញថា សិស្សក្មេងៗដែលធ្លាប់តែចេញទៅក្រៅញាំបាយ លេងកីឡា និងធ្វើកិច្ចការផ្សេងៗ បែរជាចូលចិត្តនាំគ្នាអង្គុយសំកុកនៅតុបាយ ហើយលេងឧបករណ៍អេឡិចត្រូនិករបស់ខ្លួន។
ជាមួយគ្នា សមាជិកភាគហ៊ុនទាំងពីរ បានពីការសិក្សាមួយទៀតនៅអាមេរិក អំពីតួលេខដ៏គួរឲ្យភ័យខ្លាចលើករណីអត្តឃាត ដែលក្នុងនោះ យុវជនអាមេរិកដែលចំណាយពេលជាង៣ម៉ោងក្នុង១ថ្ងៃលើការប្រើប្រាស់ឧបករណ៍អេឡិចត្រូនិក មាន៣៥ភាគរយ និងជាង៥ម៉ោងក្នុង១ថ្ងៃ មាន៧១ភាគរយ ដែលប្រឈមនឹងការធ្វើអត្តឃាតច្រើនជាងអ្នកដែលចំណាយពេលតិចជាង១ម៉ោង។
ការស្ទង់មតិជាច្រើន បានបង្ហាញពីកង្វល់របស់មាតាបិតាចំពោះការប្រើប្រាស់ឧបករណ៍អេឡិចត្រូនិចរបស់កូនៗ។ ក្រុមហ៊ុន JANA Partners LLC និង California State Teachers’ Retirement System បានទាមទារឲ្យ Apple យកចិត្តទុកដាក់ឲ្យបានខ្លាំងលើករណីនេះ បើមិនដូច្នោះទេ វានឹងប៉ះពាល់ដល់ទីផ្សាភាគហ៊ុនរបស់ក្រុមហ៊ុនយក្សនេះផងដែរ៕
Tag:
ស្មាតហ្វូន
Apple
© រក្សាសិទ្ធិដោយ thmeythmey.com
