អន្តរជាតិ
ហ្វីលីពីន បញ្ជូនយន្តហោះឧបត្ថម្ភដោយជប៉ុនទៅល្បាតក្បែរតំបន់ជម្លោះជាមួយចិនលើកដំបូង
រូបភាព៖ ហ្វេសប៊ុកកងទ័ពជើងគោកហ្វីលីពីន
×![]()
រដ្ឋាភិបាលក្រុងម៉ានីល បានបញ្ជូនយន្តហោះល្បាត ដែលឧបត្ថម្ភដោយរដ្ឋាភិបាលក្រុងតូក្យូ ទៅកាន់តំបន់ដែលមានជម្លោះអធិបតេយ្យសមុទ្រចិនខាងត្បូងជាមួយនឹងរដ្ឋាភិបាលក្រុងប៉េកាំង ។ ក្រុងម៉ានីល ក៏បានអះអាងផងដែរថា វាមិនមានសញ្ញាព្រមានពីក្រុងប៉េកាំងនៅពេលបំពេញបេសកកម្មនោះទេ ។
បញ្ជាការកងទ័ពភាគខាងជើងហ្វីលីពីន នៅថ្ងៃ០១ កុម្ភៈ បានឲ្យដឹងតាមសេចក្តីថ្លែងការណ៍ថា រដ្ឋាភិបាលហ្វីលីពីន បានពង្រាយយន្តហោះប្រភេទ Beechcraft King Air C90 ដើម្បីហោះហើរល្បាតក្នុងកម្ពស់ប្រមាណជាង ២០០ ម៉ែត្រ នៅក្បែរតំបន់ថ្មប៉ប្រះទឹក Scarborough Shoal ដែលជាតំបន់វិវាទក្នុងសមុទ្រចិនខាងត្បូងរវាងហ្វីលីពីន ជាមួយចិន ។ នេះបើយោងតាមការចុះផ្សាយរបស់សារព័ត៌មានហ្វីលីពីន Tampa Bay Times ។
វាជាប្រតិបត្តិការលើកដំបូងហើយរបស់កងទ័ពហ្វីលីពីនទៅកាន់តំបន់នោះ តាមរយៈយន្តហោះ Beechcraft King Air C90 ដែលជាជំនួយឧបត្ថម្ភរបស់ជប៉ុន ។ ជប៉ុនក៏មានជម្លោះអធិបតេយ្យសមុទ្រជាមួយចិនដូចហ្វីលីពីនដែរ នៅសមុទ្រចិនខាងកើត។
យោងតាមសេចក្តីថ្លែងការណ៍របស់បញ្ជាការកងទ័ព ក្នុងប្រតិបត្តិការនោះ ហ្វីលីពីន បានរកឃើញថា មាននាវាមួយចំនួនដែលធ្វើដំណើរក្បែរនោះ ក្នុងនោះក៏រាប់បញ្ចូលនាវានេសាទមានដាក់ទង់ជាតិហ្វីលីពីន ៤ គ្រឿង និងនាវាល្បាតកងទ័ពចិន ៤គ្រឿង ។
អ្វីដែលគួរកត់សម្គាល់នោះ កងទ័ពហ្វីលីពីន បានសង្កត់ធ្ងន់ថា វាមិនមានបញ្ហាអ្វីកើតឡើងឡើយរវាងកងទ័ពហ្វីលីពីន និងចិន ដែលវាខុសពីពេលកន្លងមក។ ពេលមុនឲ្យតែមានភាគីណាមួយ ហ៊ានចូលក្នុងតំបន់កំពុងមានវិវាទនៃសមុទ្រចិនខាងត្បូង ភាគីពាក់ព័ន្ធតែងតែចេញសារព្រមាន ដើម្បីឲ្យចាកចេញវិញនោះដែរ។
គួរជម្រាបផងដែរថា រដ្ឋអាស៊ានរួមមាន ព្រុយណេ ម៉ាឡេស៊ី ហ្វីលីពីន និងវៀតណាម បានមានជម្លោះអធិបតេយ្យជាមួយនឹងចិនក្នុងសមុទ្រចិនខាងត្បូងជាច្រើនទសវត្សរ៍មកហើយ ។ តំបន់ថ្មប៉ប្រះទឹក Scarborough Shoal ក៏ស្ថិតនៅក្នុងតំបន់វិវាទហ្វីលីពីន និងចិនផងដែរ ។ ក៏ប៉ុន្តែ ក្រោយមានការប្តូរ គោលនយោបាយការបរទេសរបស់ប្រធានាធិបតីហ្វីលីពីនបច្ចុប្បន្ន ចិនក៏បានសម្រេចអនុញ្ញាតឲ្យទូកនេសាទហ្វីលីពីនចូលទៅកាន់តំបន់នោះបាន បន្ទាប់ពីចិនបានចូលគ្រប់គ្រងតាំងពីឆ្នាំ២០១២មក ៕
បញ្ជាការកងទ័ពភាគខាងជើងហ្វីលីពីន នៅថ្ងៃ០១ កុម្ភៈ បានឲ្យដឹងតាមសេចក្តីថ្លែងការណ៍ថា រដ្ឋាភិបាលហ្វីលីពីន បានពង្រាយយន្តហោះប្រភេទ Beechcraft King Air C90 ដើម្បីហោះហើរល្បាតក្នុងកម្ពស់ប្រមាណជាង ២០០ ម៉ែត្រ នៅក្បែរតំបន់ថ្មប៉ប្រះទឹក Scarborough Shoal ដែលជាតំបន់វិវាទក្នុងសមុទ្រចិនខាងត្បូងរវាងហ្វីលីពីន ជាមួយចិន ។ នេះបើយោងតាមការចុះផ្សាយរបស់សារព័ត៌មានហ្វីលីពីន Tampa Bay Times ។
វាជាប្រតិបត្តិការលើកដំបូងហើយរបស់កងទ័ពហ្វីលីពីនទៅកាន់តំបន់នោះ តាមរយៈយន្តហោះ Beechcraft King Air C90 ដែលជាជំនួយឧបត្ថម្ភរបស់ជប៉ុន ។ ជប៉ុនក៏មានជម្លោះអធិបតេយ្យសមុទ្រជាមួយចិនដូចហ្វីលីពីនដែរ នៅសមុទ្រចិនខាងកើត។
យោងតាមសេចក្តីថ្លែងការណ៍របស់បញ្ជាការកងទ័ព ក្នុងប្រតិបត្តិការនោះ ហ្វីលីពីន បានរកឃើញថា មាននាវាមួយចំនួនដែលធ្វើដំណើរក្បែរនោះ ក្នុងនោះក៏រាប់បញ្ចូលនាវានេសាទមានដាក់ទង់ជាតិហ្វីលីពីន ៤ គ្រឿង និងនាវាល្បាតកងទ័ពចិន ៤គ្រឿង ។
អ្វីដែលគួរកត់សម្គាល់នោះ កងទ័ពហ្វីលីពីន បានសង្កត់ធ្ងន់ថា វាមិនមានបញ្ហាអ្វីកើតឡើងឡើយរវាងកងទ័ពហ្វីលីពីន និងចិន ដែលវាខុសពីពេលកន្លងមក។ ពេលមុនឲ្យតែមានភាគីណាមួយ ហ៊ានចូលក្នុងតំបន់កំពុងមានវិវាទនៃសមុទ្រចិនខាងត្បូង ភាគីពាក់ព័ន្ធតែងតែចេញសារព្រមាន ដើម្បីឲ្យចាកចេញវិញនោះដែរ។
គួរជម្រាបផងដែរថា រដ្ឋអាស៊ានរួមមាន ព្រុយណេ ម៉ាឡេស៊ី ហ្វីលីពីន និងវៀតណាម បានមានជម្លោះអធិបតេយ្យជាមួយនឹងចិនក្នុងសមុទ្រចិនខាងត្បូងជាច្រើនទសវត្សរ៍មកហើយ ។ តំបន់ថ្មប៉ប្រះទឹក Scarborough Shoal ក៏ស្ថិតនៅក្នុងតំបន់វិវាទហ្វីលីពីន និងចិនផងដែរ ។ ក៏ប៉ុន្តែ ក្រោយមានការប្តូរ គោលនយោបាយការបរទេសរបស់ប្រធានាធិបតីហ្វីលីពីនបច្ចុប្បន្ន ចិនក៏បានសម្រេចអនុញ្ញាតឲ្យទូកនេសាទហ្វីលីពីនចូលទៅកាន់តំបន់នោះបាន បន្ទាប់ពីចិនបានចូលគ្រប់គ្រងតាំងពីឆ្នាំ២០១២មក ៕
Tag:
ហ្វីលីពីន
ចិន
ជប៉ុន
សមុទ្រចិនខាងត្បូង
© រក្សាសិទ្ធិដោយ thmeythmey.com
