អន្តរជាតិ
រដ្ឋមន្រ្តីការបរទេសនៃសមាជិកអាស៊ានទាំង១០ (រូបភាពពីហ្វេសប៊ុក Vivian Balakrishnan)
×![]()
ដោយ: តន ចាន់រិទ្ធារ៉ា
ប្រធានអាស៊ានសិង្ហបុរី បានស្នើឲ្យមេដឹកនាំប្រទេសទាំងដប់អនុម័តឯកសារទស្សនវិស័យមួយក្នុងកិច្ចប្រជុំនៅខែមេសា ដើម្បីបង្ហាញពីការរួបរួមគ្នារបស់អាស៊ាន ដែលប្រឈមមុខនឹងប្រកួតប្រជែងឥទ្ធិពលរបស់មហាអំណាច។ អាស៊ាន ដែលមានសមាជិកពេញសិទ្ធិចំនួន១០ប្រទេស និងវ័យ៥១ឆ្នាំទៅហើយ មិនទាន់មានសំឡេងតែមួយនៅឡើយទេ ព្រោះសមាជិកខ្លះនៅបន្តគិតប្រយោជន៍ខ្លួនជាងប្រយោជន៍រួម ហើយងាកទៅរកមហាអំណាចផ្សេងៗគ្នា។
ក្នុងកិច្ចប្រជុំរដ្ឋមន្ត្រីការបរទេសអាស៊ានចង្អៀតដែលបញ្ចប់នៅថ្ងៃទី៦ ខែកុម្ភៈ សិង្ហបុរីបានបញ្ចូលសេចក្ដីព្រាងឯកសារទស្សនវិស័យដើម្បីឲ្យប្រមុខការទូតអាស៊ានទាំងអស់ពិនិត្យ។ មន្ត្រីការទូតដែលមិនបញ្ចេញឈ្មោះនិយាយថា រដ្ឋមន្ត្រីការបរទេសទាំងអស់ហាក់បង្ហាញការគាំទ្រលើសំណើរបស់សិង្ហបុរី ដែលមានគោលដៅចងភ្ជាប់អាស៊ានទាំងមូលក្នុងកាលៈទេសៈដែលមហាអំណាចកំពុងប្រជ្រៀតឥទ្ធិពលមកក្នុងតំបន់។
ក្នុងនាមជាប្រធានប្ដូរវេនរបស់អាស៊ានក្នុងឆ្នាំ២០១៨ សិង្ហបុរីបានប្រឹងប្រែងគួរឲ្យកត់សម្គាល់ក្នុងការជំរុញកិច្ចសហប្រតិបត្តិការតំបន់។ សំណើខាងលើរបស់បុរីរដ្ឋមួយនេះ ទំនងជាការទប់ស្កាត់អង្គការប្រចាំតំបន់អាស៊ីអាគ្នេយ៍ពីការបែកបាក់គ្នា បន្ទាប់ពីមានការខ្វែងគំនិតគ្នាយ៉ាងខ្លាំងលើការដោះស្រាយជាមួយចិនលើសំណុំរឿងសមុទ្រចិនខាងត្បូង ដែលមានរដ្ឋសមាជិកចំនួនបួនប្រទេសជាប់ពាក់ព័ន្ធដោយផ្ទាល់។
បើតាមទីភ្នាក់ងារពត៌មាន Kyodo កិច្ចប្រជុំរដ្ឋមន្ត្រីការបរទេសខាងលើដែលបញ្ចប់នៅថ្ងៃទី៦ ខែកុម្ភៈ បានពិភាក្សាលើឯកសារព្រាងកម្រាស់៧ទំព័រ ដែលត្រូវដាក់ឲ្យកិច្ចប្រជុំកំពូលមេដឹកនាំអាស៊ានសម្រេចចុងក្រោយនៅខែមេសា។ ឯកសារព្រាងដែលមានចំណងជើងថា «ទស្សនវិស័យមេដឹកនាំសម្រាប់តំបន់អាស៊ានដែលរឹងមាំនិងច្នៃប្រឌិតថ្មី» មានបញ្ចូលគោលការណ៍សំខាន់ចំនួន១០ ដូចជាការរួបរួមនិងតួនាទីស្នូល សណ្ដាប់ធ្នាប់ពឹងផ្អែកលើច្បាប់ និងការក្រសោបបច្ចេកវិទ្យា។
ជុំវិញគោលការណ៍រួបរួមនិងតួនាទីស្នូល ឯកសារព្រាងខាងលើនេះបញ្ជាក់ថា មេដឹកនាំអាស៊ានទាំង១០ ត្រូវតែបន្តរួបរួមគ្នាចំពោះមុខកម្លាំងបំបែកមកពីខាងក្រៅ។ លើសពីនោះ ការសម្រេចចិត្តដោយលើកុងសង់ស៊ីស នឹងនៅតែជាគោលការណ៍សំខាន់ក្នុងការសម្រេចចិត្តនានារបស់អាស៊ានដដែល ដ្បិតការបោះបង់គោលការណ៍នេះ ហើយចាប់យកការសម្រេចចិត្តតាមមតិភាគច្រើន នឹងធ្វើឲ្យអង្គការនេះបែកបាក់មិនខាន។
ជាងនេះទៅទៀត អង្គការតំបន់ដែលកំពុងក្លាយជាតារារះចាំងចែងលើឆាកអន្តរជាតិ ក៏នឹងបន្តអនុវត្តគោលការណ៍ដើមរបស់ខ្លួនទៀត គឺការមិនលូកដៃចូលកិច្ចការផ្ទៃក្នុងរបស់សមាជិក។ គោលការណ៍នេះជាចំណុចស្នូលដែលត្រូវបានប្រកាន់ខ្ជាប់តាំងពីការកកើតអាស៊ានមកម្ល៉េះ។ ចំពោះទំនាក់ទំនងខាងក្រៅ អាស៊ាននឹងសហការជាមួយដៃគូសំខាន់ៗដើម្បីឆ្លើយតបរួមគ្នាដោយគំនិតវិជ្ជមានលើបញ្ហាពិភពលោក និងបញ្ហារួមផងដែរ៕
ក្នុងកិច្ចប្រជុំរដ្ឋមន្ត្រីការបរទេសអាស៊ានចង្អៀតដែលបញ្ចប់នៅថ្ងៃទី៦ ខែកុម្ភៈ សិង្ហបុរីបានបញ្ចូលសេចក្ដីព្រាងឯកសារទស្សនវិស័យដើម្បីឲ្យប្រមុខការទូតអាស៊ានទាំងអស់ពិនិត្យ។ មន្ត្រីការទូតដែលមិនបញ្ចេញឈ្មោះនិយាយថា រដ្ឋមន្ត្រីការបរទេសទាំងអស់ហាក់បង្ហាញការគាំទ្រលើសំណើរបស់សិង្ហបុរី ដែលមានគោលដៅចងភ្ជាប់អាស៊ានទាំងមូលក្នុងកាលៈទេសៈដែលមហាអំណាចកំពុងប្រជ្រៀតឥទ្ធិពលមកក្នុងតំបន់។
ក្នុងនាមជាប្រធានប្ដូរវេនរបស់អាស៊ានក្នុងឆ្នាំ២០១៨ សិង្ហបុរីបានប្រឹងប្រែងគួរឲ្យកត់សម្គាល់ក្នុងការជំរុញកិច្ចសហប្រតិបត្តិការតំបន់។ សំណើខាងលើរបស់បុរីរដ្ឋមួយនេះ ទំនងជាការទប់ស្កាត់អង្គការប្រចាំតំបន់អាស៊ីអាគ្នេយ៍ពីការបែកបាក់គ្នា បន្ទាប់ពីមានការខ្វែងគំនិតគ្នាយ៉ាងខ្លាំងលើការដោះស្រាយជាមួយចិនលើសំណុំរឿងសមុទ្រចិនខាងត្បូង ដែលមានរដ្ឋសមាជិកចំនួនបួនប្រទេសជាប់ពាក់ព័ន្ធដោយផ្ទាល់។
បើតាមទីភ្នាក់ងារពត៌មាន Kyodo កិច្ចប្រជុំរដ្ឋមន្ត្រីការបរទេសខាងលើដែលបញ្ចប់នៅថ្ងៃទី៦ ខែកុម្ភៈ បានពិភាក្សាលើឯកសារព្រាងកម្រាស់៧ទំព័រ ដែលត្រូវដាក់ឲ្យកិច្ចប្រជុំកំពូលមេដឹកនាំអាស៊ានសម្រេចចុងក្រោយនៅខែមេសា។ ឯកសារព្រាងដែលមានចំណងជើងថា «ទស្សនវិស័យមេដឹកនាំសម្រាប់តំបន់អាស៊ានដែលរឹងមាំនិងច្នៃប្រឌិតថ្មី» មានបញ្ចូលគោលការណ៍សំខាន់ចំនួន១០ ដូចជាការរួបរួមនិងតួនាទីស្នូល សណ្ដាប់ធ្នាប់ពឹងផ្អែកលើច្បាប់ និងការក្រសោបបច្ចេកវិទ្យា។
ជុំវិញគោលការណ៍រួបរួមនិងតួនាទីស្នូល ឯកសារព្រាងខាងលើនេះបញ្ជាក់ថា មេដឹកនាំអាស៊ានទាំង១០ ត្រូវតែបន្តរួបរួមគ្នាចំពោះមុខកម្លាំងបំបែកមកពីខាងក្រៅ។ លើសពីនោះ ការសម្រេចចិត្តដោយលើកុងសង់ស៊ីស នឹងនៅតែជាគោលការណ៍សំខាន់ក្នុងការសម្រេចចិត្តនានារបស់អាស៊ានដដែល ដ្បិតការបោះបង់គោលការណ៍នេះ ហើយចាប់យកការសម្រេចចិត្តតាមមតិភាគច្រើន នឹងធ្វើឲ្យអង្គការនេះបែកបាក់មិនខាន។
ជាងនេះទៅទៀត អង្គការតំបន់ដែលកំពុងក្លាយជាតារារះចាំងចែងលើឆាកអន្តរជាតិ ក៏នឹងបន្តអនុវត្តគោលការណ៍ដើមរបស់ខ្លួនទៀត គឺការមិនលូកដៃចូលកិច្ចការផ្ទៃក្នុងរបស់សមាជិក។ គោលការណ៍នេះជាចំណុចស្នូលដែលត្រូវបានប្រកាន់ខ្ជាប់តាំងពីការកកើតអាស៊ានមកម្ល៉េះ។ ចំពោះទំនាក់ទំនងខាងក្រៅ អាស៊ាននឹងសហការជាមួយដៃគូសំខាន់ៗដើម្បីឆ្លើយតបរួមគ្នាដោយគំនិតវិជ្ជមានលើបញ្ហាពិភពលោក និងបញ្ហារួមផងដែរ៕
Tag:
អាស៊ាន
សិង្ហបុរី
ចិន
អាមេរិក
© រក្សាសិទ្ធិដោយ thmeythmey.com
