អន្តរជាតិ
ធនាគារវិនិយោគ AIIB ត្រៀមចាប់ដៃម៉ាឡេស៊ីដើម្បីគាំទ្រគម្រោងហេដ្ឋារចនាសម្ព័ន្ធអាស៊ាន
×![]()
ដោយ: ថ្មីៗ
ប្រធានធនាគារវិនិយោគហេដ្ឋារចនាសម្ព័ន្ធអាស៊ី (AIIB) បានបញ្ជាក់ថា ស្ថាប័នលោកត្រៀមសហការជាមួយរដ្ឋាភិបាលម៉ាឡេស៊ីដើម្បីគាំទ្រគម្រោងសាងសង់ហេដ្ឋារចនាសម្ព័ន្ធក្នុងតំបន់។ ក្នុងរយៈពេលពីរឆ្នាំមកនេះធនាគារដែលបង្កើតឡើងក្រោមគំនិតផ្តួចផ្តើមរបស់ចិននេះបានគាំទ្រចំនួន ២២ ដែលមានទំហំទឹកប្រាក់ ៤,២ពាន់លានដុល្លារអាមេរិក។
ថ្លែងពីវេទិកាមូលធនពិភពលោកនៅប្រទេសម៉ាឡេស៊ីនាថ្ងៃអង្គារទី ៦ ខែកុម្ភៈ ប្រធានធនាគារវិនិយោគហេដ្ឋារចនាសម្ព័ន្ធអាស៊ី (AIIB) លោក Jin Liqun បានប្រាប់អ្នកសារព័ត៌មានថា ធនាគារអភិវឌ្ឍនេះត្រៀមខ្លួនរួចជាស្រេចដើម្បីសហការជាមួយម៉ាឡេស៊ីដើម្បីផ្គត់ផ្គង់ និងគាំទ្ររាល់គម្រោងហេដ្ឋារចនាសម្ព័ន្ធអាស៊ាន។
យោងតាមទីភ្នាក់ងារព័ត៌មាន Xinhua ប្រមុខស្ថាប័នហិរញ្ញវត្ថុរូបនេះបានបន្ថែមថា គម្រោងហេដ្ឋារចនាសម្ព័ន្ធដែលធនាគារវិនិយោគហេដ្ឋារចនាសម្ព័ន្ធត្រៀមជួយគាំទ្រនោះមានទាំង ផ្លូវថ្នល់សម្រាប់សម្រួលដល់ការដឹកជញ្ជូន គម្រោងចែកចាយថាមពលអគ្គីសនី កំពង់ផែ និងព្រលានយន្តហោះផង។
«ខ្ញុំគិតថានៅក្នុងតំបន់អាស៊ាននៅតែត្រូវការពង្រឹងការវិនិយោគសម្រាប់ការដឹកជញ្ជូនដូចជាផ្លូវរថភ្លើងលឿន ផ្លូវថ្នល់ និងកំពង់ផែសមុទ្រជាដើម»។ នេះជាការបញ្ជាក់របស់ប្រធានាធនាគារ AIIB។
លោក Jin បានកត់សម្គាល់ផងដែរថា ម៉ាឡេស៊ីបានអភិវឌ្ឍហេដ្ឋារចនាសម្ព័ន្ធក្នុងស្រុករបស់ខ្លួនគួរឲ្យកោតសរសើរក្នុងរយៈពេលដប់ឆ្នាំកន្លងមក។ ដូច្នេះហើយ លោករំពឹងថា ម៉ាឡេស៊ីក្នុងនាមជាមសមាជិកស្ថាបនិកមួយដែររបស់ AIIB នោះអាចសហការគ្នាដើម្បីគាំទ្រការកសាងហេដ្ឋារចនាសម្ព័ន្ធនៅក្នុងបណ្តាប្រទេសអាស៊ានផ្សេង ក៏ដូចជានៅតំបន់ឯទៀត។
ក្រៅពីរៀបរាប់ពីផែនការជួយគាំទ្រប្រទេសអាស៊ាន លោក Jin ក៏បានសង្កត់ធ្ងន់ផងដែរពាក់ព័ន្ធប្រតិបត្តិការរបស់ធនាគារ AIIB។ លោកនៅតែព្យាយាមពន្យល់ថា ធនាគារ AIIB គ្មានគោលដៅប្រកួតប្រជែងជាមួយធនាគារតំបន់ដូចជាធនាគារអភិវឌ្ឍន៍អាស៊ីឡើយ តែខ្លួនជួយបំពេញប៉ុណ្ណោះ។ ក្រោយចាប់ផ្តើមដំណើរការរយៈពេលពីរឆ្នាំមកនេះ ធនាគារ AIIB បានគាំទ្រគម្រោងហេដ្ឋារចនាសម្ព័ន្ធសរុបចំនួន ២២ ដែលមានទំហំចំនួន ៤,២ ពាន់លានដុល្លារអាមេរិកដោយជោគជ័យ។
សូមបញ្ជាក់ថា ធនាគារវិនិយោគហេដ្ឋារចនាសម្ព័ន្ធអាស៊ីត្រូវបានគេស្នើបង្កើតឡើងនៅចុងឆ្នាំ ២០១៥ ហើយវាចាប់ផ្តើមដំណើរការជាផ្លូវការនៅដើមឆ្នាំ ២០១៦។ មកដល់បច្ចុប្បន្ននេះ ធនាគារនេះមានសមាជិកសរុបចំនួន ៨៤ ហើយ។
ថ្លែងពីវេទិកាមូលធនពិភពលោកនៅប្រទេសម៉ាឡេស៊ីនាថ្ងៃអង្គារទី ៦ ខែកុម្ភៈ ប្រធានធនាគារវិនិយោគហេដ្ឋារចនាសម្ព័ន្ធអាស៊ី (AIIB) លោក Jin Liqun បានប្រាប់អ្នកសារព័ត៌មានថា ធនាគារអភិវឌ្ឍនេះត្រៀមខ្លួនរួចជាស្រេចដើម្បីសហការជាមួយម៉ាឡេស៊ីដើម្បីផ្គត់ផ្គង់ និងគាំទ្ររាល់គម្រោងហេដ្ឋារចនាសម្ព័ន្ធអាស៊ាន។
យោងតាមទីភ្នាក់ងារព័ត៌មាន Xinhua ប្រមុខស្ថាប័នហិរញ្ញវត្ថុរូបនេះបានបន្ថែមថា គម្រោងហេដ្ឋារចនាសម្ព័ន្ធដែលធនាគារវិនិយោគហេដ្ឋារចនាសម្ព័ន្ធត្រៀមជួយគាំទ្រនោះមានទាំង ផ្លូវថ្នល់សម្រាប់សម្រួលដល់ការដឹកជញ្ជូន គម្រោងចែកចាយថាមពលអគ្គីសនី កំពង់ផែ និងព្រលានយន្តហោះផង។
«ខ្ញុំគិតថានៅក្នុងតំបន់អាស៊ាននៅតែត្រូវការពង្រឹងការវិនិយោគសម្រាប់ការដឹកជញ្ជូនដូចជាផ្លូវរថភ្លើងលឿន ផ្លូវថ្នល់ និងកំពង់ផែសមុទ្រជាដើម»។ នេះជាការបញ្ជាក់របស់ប្រធានាធនាគារ AIIB។
លោក Jin បានកត់សម្គាល់ផងដែរថា ម៉ាឡេស៊ីបានអភិវឌ្ឍហេដ្ឋារចនាសម្ព័ន្ធក្នុងស្រុករបស់ខ្លួនគួរឲ្យកោតសរសើរក្នុងរយៈពេលដប់ឆ្នាំកន្លងមក។ ដូច្នេះហើយ លោករំពឹងថា ម៉ាឡេស៊ីក្នុងនាមជាមសមាជិកស្ថាបនិកមួយដែររបស់ AIIB នោះអាចសហការគ្នាដើម្បីគាំទ្រការកសាងហេដ្ឋារចនាសម្ព័ន្ធនៅក្នុងបណ្តាប្រទេសអាស៊ានផ្សេង ក៏ដូចជានៅតំបន់ឯទៀត។
ក្រៅពីរៀបរាប់ពីផែនការជួយគាំទ្រប្រទេសអាស៊ាន លោក Jin ក៏បានសង្កត់ធ្ងន់ផងដែរពាក់ព័ន្ធប្រតិបត្តិការរបស់ធនាគារ AIIB។ លោកនៅតែព្យាយាមពន្យល់ថា ធនាគារ AIIB គ្មានគោលដៅប្រកួតប្រជែងជាមួយធនាគារតំបន់ដូចជាធនាគារអភិវឌ្ឍន៍អាស៊ីឡើយ តែខ្លួនជួយបំពេញប៉ុណ្ណោះ។ ក្រោយចាប់ផ្តើមដំណើរការរយៈពេលពីរឆ្នាំមកនេះ ធនាគារ AIIB បានគាំទ្រគម្រោងហេដ្ឋារចនាសម្ព័ន្ធសរុបចំនួន ២២ ដែលមានទំហំចំនួន ៤,២ ពាន់លានដុល្លារអាមេរិកដោយជោគជ័យ។
សូមបញ្ជាក់ថា ធនាគារវិនិយោគហេដ្ឋារចនាសម្ព័ន្ធអាស៊ីត្រូវបានគេស្នើបង្កើតឡើងនៅចុងឆ្នាំ ២០១៥ ហើយវាចាប់ផ្តើមដំណើរការជាផ្លូវការនៅដើមឆ្នាំ ២០១៦។ មកដល់បច្ចុប្បន្ននេះ ធនាគារនេះមានសមាជិកសរុបចំនួន ៨៤ ហើយ។
Tag:
ចិន
អាស៊ាន
AIIB
Jin Liqu
© រក្សាសិទ្ធិដោយ thmeythmey.com
