អន្តរជាតិ
ចិន៖ អង់គ្លេសលូកដៃចូលក្នុងជម្លោះសមុទ្រចិនខាងត្បូងដើម្បីទាក់ទាញការចាប់អារម្មណ៍ប៉ុណ្ណោះ
កប៉ាល់ប្រមាញ់នាវាមុជទឹក HMS Sutherland (រូបភាព៖ កងទ័ពជើងទឹកអង់គ្លេស)
×![]()
ដោយ: ថ្មីៗ
ក្រោយលឺព័ត៌មានថា អង់គ្លេសនឹងបញ្ជូនកប៉ាល់ប្រមាញ់នាវាមុជទឹកទៅកាន់តំបន់ជម្លោះសមុទ្រចិនខាងត្បូងនៅខែក្រោយនោះ កាសែតរដ្ឋចិនបានចុះផ្សាយអត្ថបទនៅថ្ងៃ ១៥ ខែកុម្ភៈនេះដោយទិតៀនអង់គ្លេសភ្លាមៗ។ ចិនក៏បានចាត់ទុកសកម្មភាពអង់គ្លេសដែលមិនមានចំណែកសូម្បីតែបន្តិចក្នុងជម្លោះនោះជាការទាក់ទាញចំណាប់អារម្មណ៍ប៉ុណ្ណោះ។
សារព័ត៌មានចិន Global Times បានចុះផ្សាយអត្ថបទមួយដោយរិះគន់អង់គ្លេសដែលចេញមុខចេញមាត់លូកដៃចូលក្នុងបញ្ហាជម្លោះសមុទ្រចិនខាងត្បូងដោយបញ្ជូនកប៉ាល់ប្រមាញ់នាវាមុជទឹកទាំងដែលខ្លួនគ្មានចំណែកបន្តិចសោះ។
យោងតាមអត្ថបទរបស់កាសែតរដ្ឋចិននោះ គម្រោងបញ្ជូនកប៉ាល់ប្រមាញ់នាវាមុជទឹករបស់អង់គ្លេសមកកាន់សមុទ្រចិនខាងត្បូងនៅខែមីនាខាងមុខ ជាការបង្ករឿងសុទ្ធសាធ ហើយវាគ្មានអ្វីលើពីការព្យាយាមទាក់ទាញចំណាប់អារម្មណ៍ពីសំណាក់រដ្ឋាភិបាលក្រុងឡុងដ៍ឡើយ។
អត្ថបទនោះបានបញ្ជាក់ដូច្នេះ៖ ការបង្ហាញជំហររឹងត្អឹងប្រឆាំងចិន វាជាការព្យាយាមបង្ហាញថា ខ្លួនមានសិទ្ធិស្របច្បាប់ និងទាញចំណាប់អារម្មណ៍សាធារណជនពីសំណាក់ក្រសួងការពារជាតិអង់គ្លេសប៉ុណ្ណោះ។ បើសិនមិនមែនជាការបង្ករឿងទេ នាវារបស់អង់គ្លេសត្រូវធ្វើសកម្មភាពឲ្យស្រួលនៅពេលធ្វើដំណើរឆ្លងកាត់សមុទ្រចិនខាងត្បូង»។
កប៉ាល់ប្រមាញ់នាវាមុជទឹកដែលត្រូវបញ្ជូនទៅឆ្លងកាត់សមុទ្រចិនខាងត្បូងនោះមានឈ្មោះ HMS Sutherland ។ បើតាមរដ្ឋមន្ត្រីការពារជាតិអង់គ្លេស Gavin Williamson កប៉ាល់របស់អង់គ្លេសនេះនឹងឆ្លងកាត់សមុទ្រចិនខាងត្បូងពេលកប៉ាល់នេះធ្វើដំណើរត្រឡប់ទៅអង់គ្លេសវិញ ហើយលោកជឿជាក់ថា អង់គ្លេសមានសិទ្ធិពេញលេញក្នុងការធ្វើនាវាចរណ៍នៅសមុទ្រចិនខាងត្បូង។
រយៈពេលប៉ុន្មានឆ្នាំកន្លងមកនេះ ចិននៅតែព្យាយាមវាតទី និងកសាងកោះនៅតំបន់ជម្លោះសមុទ្រចិនខាងត្បូងដើម្បីបម្រើប្រយោជន៍ស៊ីវិល និងយោធាផង ដោយមហាអំណាចនេះផ្អែកលើកត្តាប្រវត្តិសាស្ត្រ។ ចំណែកសហរដ្ឋអាមេរិក និងជប៉ុនឯណោះវិញព្យាយាមលូកដៃចូលក្នុងបញ្ហាជម្លោះអធិបតេយ្យនេះ និងធ្វើឲ្យបញ្ហាកាន់តែក្តៅផង។
ដូចមើលឃើញស្រាប់ អាមេរិកបន្តបញ្ជូននាវាចម្បាំងរបស់ខ្លួនទៅឆ្លងកាត់តំបន់ជម្លោះជាច្រើនដង ដែលធ្វើឲ្យចិនក្តៅក្រហាយ មិនតិចឡើយ។ កាលពីខែមុននោះ ចិនបានបញ្ជូននាវាចម្បាំងរបស់ខ្លួនទៅបណ្តេញនាវាចម្បាំងអាមេរិកដែលបានរំលោភដែនទឹករបស់ខ្លួននៅសមុទ្រចិនខាងត្បូងថែមទៀតផង៕
សារព័ត៌មានចិន Global Times បានចុះផ្សាយអត្ថបទមួយដោយរិះគន់អង់គ្លេសដែលចេញមុខចេញមាត់លូកដៃចូលក្នុងបញ្ហាជម្លោះសមុទ្រចិនខាងត្បូងដោយបញ្ជូនកប៉ាល់ប្រមាញ់នាវាមុជទឹកទាំងដែលខ្លួនគ្មានចំណែកបន្តិចសោះ។
យោងតាមអត្ថបទរបស់កាសែតរដ្ឋចិននោះ គម្រោងបញ្ជូនកប៉ាល់ប្រមាញ់នាវាមុជទឹករបស់អង់គ្លេសមកកាន់សមុទ្រចិនខាងត្បូងនៅខែមីនាខាងមុខ ជាការបង្ករឿងសុទ្ធសាធ ហើយវាគ្មានអ្វីលើពីការព្យាយាមទាក់ទាញចំណាប់អារម្មណ៍ពីសំណាក់រដ្ឋាភិបាលក្រុងឡុងដ៍ឡើយ។
អត្ថបទនោះបានបញ្ជាក់ដូច្នេះ៖ ការបង្ហាញជំហររឹងត្អឹងប្រឆាំងចិន វាជាការព្យាយាមបង្ហាញថា ខ្លួនមានសិទ្ធិស្របច្បាប់ និងទាញចំណាប់អារម្មណ៍សាធារណជនពីសំណាក់ក្រសួងការពារជាតិអង់គ្លេសប៉ុណ្ណោះ។ បើសិនមិនមែនជាការបង្ករឿងទេ នាវារបស់អង់គ្លេសត្រូវធ្វើសកម្មភាពឲ្យស្រួលនៅពេលធ្វើដំណើរឆ្លងកាត់សមុទ្រចិនខាងត្បូង»។
កប៉ាល់ប្រមាញ់នាវាមុជទឹកដែលត្រូវបញ្ជូនទៅឆ្លងកាត់សមុទ្រចិនខាងត្បូងនោះមានឈ្មោះ HMS Sutherland ។ បើតាមរដ្ឋមន្ត្រីការពារជាតិអង់គ្លេស Gavin Williamson កប៉ាល់របស់អង់គ្លេសនេះនឹងឆ្លងកាត់សមុទ្រចិនខាងត្បូងពេលកប៉ាល់នេះធ្វើដំណើរត្រឡប់ទៅអង់គ្លេសវិញ ហើយលោកជឿជាក់ថា អង់គ្លេសមានសិទ្ធិពេញលេញក្នុងការធ្វើនាវាចរណ៍នៅសមុទ្រចិនខាងត្បូង។
រយៈពេលប៉ុន្មានឆ្នាំកន្លងមកនេះ ចិននៅតែព្យាយាមវាតទី និងកសាងកោះនៅតំបន់ជម្លោះសមុទ្រចិនខាងត្បូងដើម្បីបម្រើប្រយោជន៍ស៊ីវិល និងយោធាផង ដោយមហាអំណាចនេះផ្អែកលើកត្តាប្រវត្តិសាស្ត្រ។ ចំណែកសហរដ្ឋអាមេរិក និងជប៉ុនឯណោះវិញព្យាយាមលូកដៃចូលក្នុងបញ្ហាជម្លោះអធិបតេយ្យនេះ និងធ្វើឲ្យបញ្ហាកាន់តែក្តៅផង។
ដូចមើលឃើញស្រាប់ អាមេរិកបន្តបញ្ជូននាវាចម្បាំងរបស់ខ្លួនទៅឆ្លងកាត់តំបន់ជម្លោះជាច្រើនដង ដែលធ្វើឲ្យចិនក្តៅក្រហាយ មិនតិចឡើយ។ កាលពីខែមុននោះ ចិនបានបញ្ជូននាវាចម្បាំងរបស់ខ្លួនទៅបណ្តេញនាវាចម្បាំងអាមេរិកដែលបានរំលោភដែនទឹករបស់ខ្លួននៅសមុទ្រចិនខាងត្បូងថែមទៀតផង៕
Tag:
អង់គ្លេស
ចិន
Global Times
សមុទ្រចិនខាងត្បូង
Gavin Williamson
HMS Sutherland
© រក្សាសិទ្ធិដោយ thmeythmey.com
