អន្តរជាតិ
លីប៊ីសុំឲ្យចិនជួយកសាងសេដ្ឋកិច្ចប្រទេសឡើងវិញ និងគាំទ្រដំណោះស្រាយនយោបាយ
រូបភាព៖ Xinhua
×![]()
ចិនបញ្ជូនមន្ត្រីទូតជាន់ខ្ពស់ខ្លួនទៅទស្សនកិច្ចនៅប្រទេសលីប៊ីដើមសប្តាហ៍នេះ ដើម្បីជួបជាមួយមន្ត្រីជាន់ខ្ពស់លីប៊ី និងពិភាក្សាពីការអនុវត្តដំណោះស្រាយនយោបាយ និងអភិវឌ្ឍប្រទេសឡើងវិញ។ មន្ត្រី ចិនរូបនេះសន្យាថា ចិននឹងជួយគាំទ្រដំណោះស្រាយនយោបាយ និងជំរុញក្រុមហ៊ុនចិនទៅវិនិយោគនៅលីប៊ីពេលស្ថានភាពសន្តិសុខល្អប្រសើរ។
លោក Wang Qimin ភារធារីចិនប្រចាំប្រទេសលីប៊ី បានជួបពិភាក្សាជាមួយប្រធានក្រុមប្រឹក្សាជាតិជាន់ខ្ពស់លីប៊ី Abdurrahman Swehli នៅថ្ងៃចន្ទទី ១៩ ខែកុម្ភៈដើម្បីពិភាក្សាពីទំនាក់ទំនងទ្វេភាគី និងការជួយជ្រោមជ្រែងលីប៊ីកសាងប្រទេសជាតិឡើងវិញ។ លោក Qimin នេះជាមន្ត្រីទូតជាន់ខ្ពស់របស់ចិនដំបូងគេដែលបំពេញទស្សនកិច្ចនៅប្រទេសលីប៊ី ចាប់ពីពេលចិនសម្រេចបិទស្ថានទូតរបស់ខ្លួននៅឆ្នាំ ២០១៤។
យោងតាមទីភ្នាក់ងារព័ត៌មានចិន Xinhua ភារធារីចិនខាងលើបានលើកឡើងថា ជំនួបរវាងលោក និងមន្ត្រីលីប៊ីគឺផ្តោតលើស្ថានការនយោបាយ និងសារសំខាន់នៃការគាំទ្រផែនការសកម្មភាពដាក់ចិនដោយអង្គការសហប្រជាជាតិដើម្បីដោះស្រាយវិបត្តិលីប៊ីតាមរយៈការអនុវត្តកិច្ចព្រមព្រៀងនយោបាយ។ ចិនជឿជាក់ថា វាមានតែដំណោះស្រាយនេះមួយគត់ដែលអាចបង្រួមបង្រួមស្ថាប័នលីប៊ី និង ធានាការផ្សះផ្សាជាតិផង។
លោក Wang បញ្ជាក់ដូច្នេះ៖ «កិច្ចប្រជុំរបស់យើងក៏គ្របដណ្តប់លើតួនាទីរបស់ចិនក្នុងការជំរុញការអភិវឌ្ឍ និងធ្វើឲ្យសេដ្ឋកិច្ចលីប៊ីលូតលាស់ទៅមុខដែរ»។ លោកសង្កត់ធ្ងន់ថា ក្រុមហ៊ុនចិនមានចំណែកសំខាន់ក្នុងការកសាងឡើងវិញនៃសេដ្ឋកិច្ចជាតិ និងអភិវឌ្ឍហេដ្ឋរចនាសម្ព័ន្ធរូបវ័ន្តដែលជាសរសៃឈាមនៃសេដ្ឋកិច្ចនៅលីប៊ី។ ហើយលោកនឹងជំរុញឲ្យក្រុមហ៊ុនចិនត្រឡប់ទៅបណ្តាក់ទុននៅលីប៊ីវិញ នៅនៅពេលដែលសន្តិសុខ និងស្ថិរភាពលីប៊ីនោះ។
ចំណែកប្រធានក្រុមប្រឹក្សាជាតិលីប៊ី Swehli បានកោតសរសើរចិន ដែលបន្តជួយគាំទ្រដល់ការអនុវត្តកិច្ចព្រមព្រៀងនយោបាយលីប៊ីកន្លងមកដែរ។ មន្ត្រីជាន់ខ្ពស់រូបនេះបង្ហើបផងដែរថា លីប៊ីបើកចំហក្នុងការចាប់ដៃសហការជាមួយគ្រប់បណ្តភាគីទាំងដើម្បីធានាការផ្សះផ្សាជាតិ និង រក្សាស្តិរភាពជាតិដែរ៕
លោក Wang Qimin ភារធារីចិនប្រចាំប្រទេសលីប៊ី បានជួបពិភាក្សាជាមួយប្រធានក្រុមប្រឹក្សាជាតិជាន់ខ្ពស់លីប៊ី Abdurrahman Swehli នៅថ្ងៃចន្ទទី ១៩ ខែកុម្ភៈដើម្បីពិភាក្សាពីទំនាក់ទំនងទ្វេភាគី និងការជួយជ្រោមជ្រែងលីប៊ីកសាងប្រទេសជាតិឡើងវិញ។ លោក Qimin នេះជាមន្ត្រីទូតជាន់ខ្ពស់របស់ចិនដំបូងគេដែលបំពេញទស្សនកិច្ចនៅប្រទេសលីប៊ី ចាប់ពីពេលចិនសម្រេចបិទស្ថានទូតរបស់ខ្លួននៅឆ្នាំ ២០១៤។
យោងតាមទីភ្នាក់ងារព័ត៌មានចិន Xinhua ភារធារីចិនខាងលើបានលើកឡើងថា ជំនួបរវាងលោក និងមន្ត្រីលីប៊ីគឺផ្តោតលើស្ថានការនយោបាយ និងសារសំខាន់នៃការគាំទ្រផែនការសកម្មភាពដាក់ចិនដោយអង្គការសហប្រជាជាតិដើម្បីដោះស្រាយវិបត្តិលីប៊ីតាមរយៈការអនុវត្តកិច្ចព្រមព្រៀងនយោបាយ។ ចិនជឿជាក់ថា វាមានតែដំណោះស្រាយនេះមួយគត់ដែលអាចបង្រួមបង្រួមស្ថាប័នលីប៊ី និង ធានាការផ្សះផ្សាជាតិផង។
លោក Wang បញ្ជាក់ដូច្នេះ៖ «កិច្ចប្រជុំរបស់យើងក៏គ្របដណ្តប់លើតួនាទីរបស់ចិនក្នុងការជំរុញការអភិវឌ្ឍ និងធ្វើឲ្យសេដ្ឋកិច្ចលីប៊ីលូតលាស់ទៅមុខដែរ»។ លោកសង្កត់ធ្ងន់ថា ក្រុមហ៊ុនចិនមានចំណែកសំខាន់ក្នុងការកសាងឡើងវិញនៃសេដ្ឋកិច្ចជាតិ និងអភិវឌ្ឍហេដ្ឋរចនាសម្ព័ន្ធរូបវ័ន្តដែលជាសរសៃឈាមនៃសេដ្ឋកិច្ចនៅលីប៊ី។ ហើយលោកនឹងជំរុញឲ្យក្រុមហ៊ុនចិនត្រឡប់ទៅបណ្តាក់ទុននៅលីប៊ីវិញ នៅនៅពេលដែលសន្តិសុខ និងស្ថិរភាពលីប៊ីនោះ។
ចំណែកប្រធានក្រុមប្រឹក្សាជាតិលីប៊ី Swehli បានកោតសរសើរចិន ដែលបន្តជួយគាំទ្រដល់ការអនុវត្តកិច្ចព្រមព្រៀងនយោបាយលីប៊ីកន្លងមកដែរ។ មន្ត្រីជាន់ខ្ពស់រូបនេះបង្ហើបផងដែរថា លីប៊ីបើកចំហក្នុងការចាប់ដៃសហការជាមួយគ្រប់បណ្តភាគីទាំងដើម្បីធានាការផ្សះផ្សាជាតិ និង រក្សាស្តិរភាពជាតិដែរ៕
Tag:
ចិន
លីប៊ី
Wang Qimin
© រក្សាសិទ្ធិដោយ thmeythmey.com
