អត្ថបទពាណិជ្ជកម្ម
បឹងកេតនឹងផ្តោតខ្លាំងលើការអភិវឌ្ឍយុវជន ដើម្បីរួមចំណែកស៊ីហ្គេមឆ្នាំ២០២៣
×![]()
ថ្នាក់ដឹកនាំក្រុមជើងឯកលីគកំពូលកម្ពុជាឆ្នាំ២០១៧បឹងកេតអះអាងថា នៅឆ្នាំ២០១៨នេះបឹងកេតនឹងផ្តោតសំខាន់លើការអភិវឌ្ឍធនធានកីឡាករយុវជន ដើម្បីរួមចំណែកក្នុងព្រឹត្តិការណ៍កីឡាស៊ីហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះ។ ការអះអាងនេះ ធ្វើឡើងក្នុងពិធីចុះកិច្ចសន្យាភាពជាដៃគូជាមួយក្រុមហ៊ុនស្រាបៀរកម្ពុជាក្នុងការបន្តឧបត្ថម្ភគាំទ្រសម្រាប់រដូវកាលឆ្នាំ២០១៨។
អ្នកចាត់ការទូទៅក្លិបបឹងកេតលោក បែ មករា បានបញ្ជាក់ថា នៅឆ្នាំ២០១៨នេះ ក្លិបនឹងផ្តោតសំខាន់លើការអភិវឌ្ឍធនធានថ្នាលនិងយុវជនក្នុងន័យជួយអភិវឌ្ឍន៍វិស័យកីឡាបាល់ទាត់នៅកម្ពុជាឲ្យកាន់តែប្រសើរឡើង។ ម្យ៉ាងទៀត ដើម្បីរួមចំណែកបណ្តុះបណ្តាលធនធានស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
«យើងនឹងផ្តល់ឱកាសភាគច្រើនដល់យុវជន ព្រោះយុវជនជាធនធានសំខាន់សម្រាប់វិស័យកីឡាបាល់ទៅថ្ងៃអនាគត ជាពិសេសដូចយើងដឹងហើយថា ទិសដៅរបស់យើងទាំងអស់គ្នា របស់កម្ពុជា ក៏ដូចជាសហព័ន្ធ(បាល់ទាត់) គឺស៊ីហ្គេមឆ្នាំ២០២៣។ ដូច្នេះយើងត្រូវរួមចំណែកជួយបង្កើតឲ្យមានក្រុមកីឡាករជម្រើសជាតិកម្ពុជាដ៏ខ្លាំងមួយ ដើម្បីដណ្តើមមេដាយនៅឆ្នាំ២០២៣»។ នេះជាទិសដៅ ដែលលោក បែ មករា បានលើកឡើងក្នុងពិធីចុះកិច្ចសន្យាជាមួយម្ចាស់ឧបត្ថម្ភកាលពីថ្ងៃទី១ មីនា ឆ្នាំ២០១៨។
ក្លិបបឹងកេតទទួលបានការឧបត្ថម្ភគាំទ្រ១រដូវកាលពេញពីក្រុមហ៊ុនស្រាបៀរកម្ពុជាដែលមានទំហំទឹកប្រាក់១០ម៉ឺនដុល្លារ។ ក្រៅពីឧបត្ថម្ភជាថវិកាក្រុមហ៊ុនដែលទើបចុះអនុសារណយោគយល់គ្នាជាមួយក្លិបបាល់ទាត់ Man City មួយនេះ សន្យាជួយបណ្តុះបណ្តាលផ្នែកបច្ចេកទេសថែមទៀតផង។ ក្រុមហ៊ុននឹងបញ្ជូនកីឡាករទៅបណ្តុះបណ្តាលរយៈពេលខ្លីនៅទីនោះ ឬក៏ហៅគ្រូមកចែករំលែកបទពិសោធនៅកម្ពុជាផ្ទាល់។ ប៉ុន្តែការបណ្តុះបណ្តាលនេះផ្តោតសំខាន់លើតែក្រុមយុវជនតែប៉ុណ្ណោះ។
ទោះបីថវិកា១០ម៉ឺនដុល្លារក្នុង១ឆ្នាំរបស់ក្រុមហ៊ុនខាងលើមិនអាចផ្គត់ផ្គង់ការចំណាយរបស់ក្លិបក៏ដោយ តែលោក បែ មករា បានចាត់ទុកថវិកានេះ ជាការរួមចំណែកដ៏ធំក្នុងការជួយអភិវឌ្ឍសមត្ថភាពក្លិបបឹងកេតឲ្យកាន់តែប្រសើរឡើង។ ជាមួយគ្នានេះ លោក ប្តេជ្ញាថា ក្លិបនឹងខិតខំប្រឹងប្រែងឲ្យកាន់តែខ្លាំងថែមទៀតក្នុងរដូវកាលឆ្នាំ២០១៨ នេះ៕
អ្នកចាត់ការទូទៅក្លិបបឹងកេតលោក បែ មករា បានបញ្ជាក់ថា នៅឆ្នាំ២០១៨នេះ ក្លិបនឹងផ្តោតសំខាន់លើការអភិវឌ្ឍធនធានថ្នាលនិងយុវជនក្នុងន័យជួយអភិវឌ្ឍន៍វិស័យកីឡាបាល់ទាត់នៅកម្ពុជាឲ្យកាន់តែប្រសើរឡើង។ ម្យ៉ាងទៀត ដើម្បីរួមចំណែកបណ្តុះបណ្តាលធនធានស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
«យើងនឹងផ្តល់ឱកាសភាគច្រើនដល់យុវជន ព្រោះយុវជនជាធនធានសំខាន់សម្រាប់វិស័យកីឡាបាល់ទៅថ្ងៃអនាគត ជាពិសេសដូចយើងដឹងហើយថា ទិសដៅរបស់យើងទាំងអស់គ្នា របស់កម្ពុជា ក៏ដូចជាសហព័ន្ធ(បាល់ទាត់) គឺស៊ីហ្គេមឆ្នាំ២០២៣។ ដូច្នេះយើងត្រូវរួមចំណែកជួយបង្កើតឲ្យមានក្រុមកីឡាករជម្រើសជាតិកម្ពុជាដ៏ខ្លាំងមួយ ដើម្បីដណ្តើមមេដាយនៅឆ្នាំ២០២៣»។ នេះជាទិសដៅ ដែលលោក បែ មករា បានលើកឡើងក្នុងពិធីចុះកិច្ចសន្យាជាមួយម្ចាស់ឧបត្ថម្ភកាលពីថ្ងៃទី១ មីនា ឆ្នាំ២០១៨។
ក្លិបបឹងកេតទទួលបានការឧបត្ថម្ភគាំទ្រ១រដូវកាលពេញពីក្រុមហ៊ុនស្រាបៀរកម្ពុជាដែលមានទំហំទឹកប្រាក់១០ម៉ឺនដុល្លារ។ ក្រៅពីឧបត្ថម្ភជាថវិកាក្រុមហ៊ុនដែលទើបចុះអនុសារណយោគយល់គ្នាជាមួយក្លិបបាល់ទាត់ Man City មួយនេះ សន្យាជួយបណ្តុះបណ្តាលផ្នែកបច្ចេកទេសថែមទៀតផង។ ក្រុមហ៊ុននឹងបញ្ជូនកីឡាករទៅបណ្តុះបណ្តាលរយៈពេលខ្លីនៅទីនោះ ឬក៏ហៅគ្រូមកចែករំលែកបទពិសោធនៅកម្ពុជាផ្ទាល់។ ប៉ុន្តែការបណ្តុះបណ្តាលនេះផ្តោតសំខាន់លើតែក្រុមយុវជនតែប៉ុណ្ណោះ។
ទោះបីថវិកា១០ម៉ឺនដុល្លារក្នុង១ឆ្នាំរបស់ក្រុមហ៊ុនខាងលើមិនអាចផ្គត់ផ្គង់ការចំណាយរបស់ក្លិបក៏ដោយ តែលោក បែ មករា បានចាត់ទុកថវិកានេះ ជាការរួមចំណែកដ៏ធំក្នុងការជួយអភិវឌ្ឍសមត្ថភាពក្លិបបឹងកេតឲ្យកាន់តែប្រសើរឡើង។ ជាមួយគ្នានេះ លោក ប្តេជ្ញាថា ក្លិបនឹងខិតខំប្រឹងប្រែងឲ្យកាន់តែខ្លាំងថែមទៀតក្នុងរដូវកាលឆ្នាំ២០១៨ នេះ៕
Tag:
បាល់ទាត់
បែ មករា
បឹងកេត
© រក្សាសិទ្ធិដោយ thmeythmey.com
