អន្តរជាតិ
វៀតណាមចាប់ដៃមហាយក្សឥណ្ឌាដើម្បីពង្រឹងកិច្ចសហប្រតិបត្តិការយោធា ទប់ទល់ចិន?
×![]()
ចំណងមិត្តភាពរវាងវៀតណាម និងឥណ្ឌាកាន់តែស្អិតល្មួតខ្លាំងរយៈពេលប៉ុន្មានឆ្នាំចុងក្រោយនេះ។ ក្នុងដំណើរទស្សនកិច្ចរបស់ប្រមុខរដ្ឋវៀតណាមទៅឥណ្ឌាកាលពីសប្តាហ៍មុន បានបង្ហាញឲ្យឃើញកាន់តែច្បាស់ពីការប្រឹងប្រែងរបស់ភាគីទាំងក្នុងនាមជាដៃគូយុទ្ធសាស្ត្រដើម្បីពង្រឹងទំនាក់ទំនងពហុវិស័យជាពិសេសវិស័យថាមពលនិងសេដ្ឋកិច្ច។ អ្វីដែលគួរឲ្យកត់សម្គាល់វៀតណាម និងឥណ្ឌា បានប្តេជ្ញាពង្រឹងកិច្ចសហប្រតិបត្តិការការពារជាតិដែលត្រួសត្រាយផ្លូវសម្រាប់មហាយក្សអាស៊ីខាងត្បូង និងភាគីជម្លោះសមុទ្រចិនខាងត្បូងនេះអាចប្រកៀកស្មារគ្នាដោះស្រាយបញ្ហាប្រឈមសន្តិសុខតំបន់ផង។ ក្នុងនោះមានទាំងការសហការគ្នាដើម្បីទប់ទល់មហាយក្សចិនដែលកំពុងទន្ទ្រានវាតទីនៅតំបន់ជម្លោះសមុទ្រចិនខាងត្បងផងដែរ។
កាលពីថ្ងៃសុក្រទី ២ ខែមីនា ប្រធានាធិបតីវៀតណាមលោក Tran Dai Quang បានចាប់ផ្តើមដំណើរទស្សនកិច្ចផ្លូវការរយៈពេលបីថ្ងៃទៅកាន់ប្រទេសឥណ្ឌាតបតាមការអញ្ជើញរបស់សមភាគីឥណ្ឌាលោក Ram Nath Kovind។ ទស្សនកិច្ចនេះក៏រៀបចំឡើងស្របពេលដែលប្រទេសឥណ្ឌា និងវៀតណាមប្រារព្ធខួបលើកទី ៤៥ នៃការបង្កើតទំនាក់ទំនងការទូតរួមគ្នាផងដែរ។
ក្នុងដំណើរទស្សនកិច្ចជាប្រវត្តិសាស្ត្រនេះ ប្រធានាធិបតីវៀតណាមបានចូលជួបពិភាក្សាជាមួយប្រធានសភាឥណ្ឌាលោក ស្រី Sumitra Mahajan ប្រធានាធិបតី Ram Nath Kovind និងនាយករដ្ឋមន្ត្រីឥណ្ឌាលោក នារិន្ទ្រា ម៉ូឌីផងដែរ។ ក្នុងកិច្ចពិភាក្សានោះ មេដឹកនាំឥណ្ឌា និងវៀតណាមបានផ្លាស់ប្តូរមតិយោបល់គ្នាជុំវិញបញ្ហាក្នុងទំនាក់ទំនងទ្វេភាគី និងស្វែងរកវិធីពង្រឹងចំណងមិត្តភាពដែលស្អិតល្មួតស្រាប់នេះឲ្យកាន់តែស៊ីជម្រៅថែមទៀតដែរ។ ភាគីទាំងពីរចង់ពង្រឹងបន្ថែមលើវិស័យការពារជាតិ ថាមពល និងកសិកម្មផងដែរ។
១.កិច្ចព្រមព្រៀងសំខាន់បីរួមទាំងកិច្ចសហប្រតិបត្តិការថាមពលនុយក្លេអ៊ែរ ត្រូវបានភាគីទាំងពីរចុះរួមគ្នា
ក្នុងជំនួបជាមួយជាមួយលោក នារិន្ទ្រា ម៉ូឌី លោក Tran Dai Quang បានប្រកាសពីជំហររបស់វៀតណាមក្នុងការគាំទ្រឥណ្ឌាជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិតាមរយៈការកែទម្រង់ស្ថាប័នពិភពលោកនេះផងដែរ។ បន្ថែមពីនេះ វៀតណាមក៏ប្រកាសគាំទ្រគោលនយោបាយធ្វើសកម្មភាពនៅទិសខាងកើត (Act East Policy) និងតួនាទីដ៏សំខាន់របស់ឥណ្ឌាក្នុងការថែរក្សាសន្តិសុខ និងស្ថិរភាពនៅតំបន់ឥណ្ឌូប៉ាស៊ីហ្វិកកន្លងមកដែរ។
ក្រោយជំនួបរវាងមេដឹកនាំទាំងពីរ ឥណ្ឌា និងវៀតណាមក៏បានឯកភាពគ្នាចុះកិច្ចព្រមព្រៀងសំខាន់ចំនួនបីផងដែរក្រោមកិច្ចសហប្រតិបត្តិការនៃគោលនយោបាយធ្វើសកម្មភាពនៅទិសខាងកើតរបស់ឥណ្ឌា ផងដែរ។
បើតាមការចុះផ្សាយរបស់សារព័ត៌មានឥណ្ឌា Economic Times ដៃអនុស្សារណៈចំនួនបីដែលភាគីបង្កើតរួមគ្នានោះគ្របដណ្តប់លើកិច្ចសហប្រតិបត្តិការថាមពលនុយក្លេអ៊ែរ ពាណិជ្ជកម្ម និងកសិកម្មផងដែរ។ ក្រៅពីនោះ មេដឹកនាំឥណ្ឌា និងវៀតណាមក៏ចង់ឃើញមានការពង្រីកទំនាក់ទំនងបន្ថែមទៀតលើវិស័យរុករកប្រេងនិងឧស្ម័ន។
ទាក់ទិននឹងវិស័យពាណិជ្ជកម្ម មេដឹកនាំឥណ្ឌា និងវៀតណាមបានប្រកាសប្តេជ្ញាចិត្តពង្រឹងចំណងពាណិជ្ជកម្មទ្វេភាគី ដើម្បីធ្វើយ៉ាងណាសម្រេចឲ្យបាននូវទំហំពាណិជ្ជកម្ម ១៥ ពាន់លានដុល្លារត្រឹមឆ្នាំ ២០២០ ខាងមុខនេះ។ ឆ្នាំ ២០១៧ ទំហំពាណិជ្ជកម្មរវាងប្រទេសទាំងពីរមានទំហំត្រឹមជាង ប្រាំមួយពាន់លានដុល្លារប៉ុណ្ណោះ។
ការរុករកប្រេង និងឧស្ម័នក៏ជាចំណុចស្នូលមួយនៃកិច្ចសហប្រតិបត្តិការវាងប្រទេសទាំងពីរដែរ ហើយក្រុមហ៊ុនឥណ្ឌាជាច្រើនបានចូលទៅបណ្តាក់ទុនរកស៊ីនៅវៀតណាមដើម្បីអភិវឌ្ឍវិស័យប្រេង។ ពាក់ព័ន្ធកិច្ចសហប្រតិបត្តិការនេះ ប្រធានាធិបតីវៀតណាមបានប្រកាសស្វាគមន៍ក្រុមហ៊ុនឥណ្ឌាទៀតដោយវៀតណាមលើកទឹកចិត្តឲ្យក្រុមហ៊ុនទាំងនោះពង្រីកការរុករកប្រេង និងឧស្ម័ន និងបូមយកធនធានទាំងនេះនៅក្នុងដែនសេដ្ឋកិច្ចផ្តាច់មុខរបស់ខ្លួនផងដែរ។
យ៉ាងណាក៏ដោយ កន្លងមក ការចូលរុករកប្រេងរបស់ក្រុមហ៊ុនឥណ្ឌាបានធ្វើឲ្យមហាយក្សចិនដែលនៅជិតខាងវៀតណាមនោះមិនពេញចិត្តសោះឡើយ។ ចិនជំទាស់ដាច់ខាតការចូលរុករកប្រេងរបស់ក្រុមហ៊ុនឥណ្ឌា ONGC នៅតំបន់សមុត្រចិនខាងត្បូងដែលជាប់ជម្លោះជាមួយខ្លួនតែវៀតណាមទាមទារយក ប៉ុន្តែឥណ្ឌាវិញបានអះអាងថា ក្រុមហ៊ុន ONGC របស់ខ្លួនធ្វើសកម្មភាពពាណិជ្ជកម្ម និងមិនពាក់ព័ន្ធជាដាច់ខាតជាមួយបញ្ហាជម្លោះនោះ។
២.ឥណ្ឌា និងវៀតណាមពង្រឹងកិច្ចសហប្រតិបត្តិការការពារជាតិ ទប់ទល់ចិននៅសមុទ្រចិនខាងត្បូង?
បន្ថែមពីលើពាណិជ្ជកម្ម កសិកម្ម និងថាមពល មេដឹកនាំឥណ្ឌានិង វៀតណាមរំពឹងថា នៅពេលដ៏ខ្លីខាងមុខ ភាគីទាំងពីរនឹងអាចពង្រឹងកិច្ចសហប្រតិបត្តិការការពារជាតិឲ្យាន់តែរឹងមាំ។តាមពិតទៅ ឥណ្ឌា និងវៀតណាមជាដៃគូយុទ្ធសាស្ត្រ ហើយឥណ្ឌានេះចាត់ទុកវៀតណាមជាដៃគូសំខាន់សម្រាប់ការពង្រឹងការអនុវត្តគោលនយោបាយធ្វើសកម្មភាពនៅទិសខាងកើតផងដែរ។
ហើយការសហការរវាងប្រទេសទាំងពីរលើវិស័យការពារជាតិ អាចនឹងក្លាយជាក្តីបារម្ភសម្រាប់មហាយក្សចិនដែលកំពុងព្យាយាមពង្រីកឥទ្ធិពល និងវាតទីនៅតំបន់ជម្លោះសមុទ្រចិនខាងត្បូងតាមរយៈការកសាងកោះសិប្បនិម្មិតផងដែរ។
ក្នុងជំនួបនោះ ទាំងមេដឹកនាំវៀតណាម និងឥណ្ឌាសុទ្ធតែបានប្រកាសជាថ្មីក្នុងការគាំទ្រឲ្យមានការបន្តអនុវត្តសេចក្តីថ្លែងការណ៍ស្តីពីភាពជម្លោះសមុទ្រចិនខាងត្បូង (DOC) ឲ្យបានខ្ជាប់ខ្ជួន និងជំរុញការពន្លឿនការចរចាបង្កើតក្រមប្រតិបត្តិ (COC)ផងដែរ។ រីឯបញ្ហាសន្តិសុខអាស៊ីវិញ មេដឹកនាំទាំងពីរក៏សង្ឃឹមថា ទំនាក់ទំនងនិងកិច្ចសហប្រតិបត្តិការរវាងវៀតណាម និងឥណ្ឌាចូលរួមចំណែកប្រឆាំងនិងទប់ស្កាត់បញ្ហាសន្តិសុខមិនប្រពៃណីដូចជាសន្តិសុខអ៊ីនធឺណិត និងបទឧក្រិដ្ឋឆ្លងដែនជាដើម តាមរយៈការកាត់ផ្តាច់ចរន្តហិរញ្ញវត្ថុរបស់ក្រុមភេរវជន ទប់ស្កាត់បទឧក្រិដ្ឋឆ្លងដែន ការជួញដូរមនុស្ស ការលាងលុយ ការជួញដូរគ្រឿងញៀន និងអាវុធ។
នាយករដ្ឋមន្ត្រីឥណ្ឌាលោក ម៉ូឌី បានមានប្រសាសន៍ថា កិច្ចសហប្រតិបត្តិការលើវិស័យការពារជាតិ នឹងផ្តោតសំខាន់លើការផលិតផលិតផលការពារជាតិ និងការចែករម្លែកបច្ចេកវិទ្យាការពារជាតិផងដែរ។
យោងតាមសារព័ត៌មាន Indian Express ប្រមុខរដ្ឋាភិបាលឥណ្ឌារូបនេះនិយាយដូច្នេះក្នុងសេចក្តីថ្លែងការណ៍រួម៖«យើងនឹងសហការគ្នាដើម្បីបង្កើតតំបន់ឥណ្ឌូប៉ាស៊ីហ្វិកដែលបើកចំហ ឯករាជ្យ និងវិបុលភាព ហើយអធិបតេយ្យ និងច្បាប់អន្តរជាតិត្រូវបានគេគោរព ខណៈការដោះស្រាយជម្លោះត្រូវធ្វើឡើងតាមការចរចានិងពិភាក្សាគ្នា។ ឥណ្ឌា និងវៀតណាមប្តេជ្ញាចិត្តពង្រីកកិច្ចសហប្រតិបត្តិការតាមសមុទ្រដើម្បីធានាគាំទ្រនិម្មាបនកម្មតំបន់ (Regional Architecture) ដែលបើកចំហ និងមានប្រសិទ្ធភាព ផ្អែកសំខាន់លើច្បាប់»។
បើតាមនាយករដ្ឋមន្ត្រីឥណ្ឌា ឥណ្ឌា និងវៀតណាមបានឯកភាពគ្នាពន្លឿនការអនុវត្តគម្រោងលុយកម្ចីឥណ្ឌាដែលមានទំហំ ១០០លានដុល្លារសម្រាប់ផលិតនាវាល្បាតសម្រាប់ឆ្មាំព្រំដែនវៀតណាម។ បន្ថែមពីនេះ ភាគីទាំងពីរក៏នឹងចាប់ផ្តើមជំរុញការផ្លាស់ប្តូរទស្សនកិច្ចមន្ត្រីយោធាជាន់ខ្ពស់ រៀបចំកិច្ចសន្ទនាកម្រិតខ្ពស់ និងមានកិច្ចសហប្រតិបត្តិការផ្សេងទៀតរវាងកងទ័ពនៃប្រទេសទាំងពីរដែលអាចមានការចូលសំចតរបស់នាវាកងទ័ពជើងទឹក និងគម្រោងកសាងសមត្ថភាពផងដែរ។
ដោយឡែកមេដឹកនាំវៀតណាមឯណោះវិញ ក៏បានឆ្លៀតកោតសរសើរឥណ្ឌាដែលបានបន្តតួនាទីចម្បងរបស់ខ្លួនដើម្បីការពារសេរីភាពនាវាចរណ៍ និងការហោះហើរនៅក្នុងតំបន់សមុទ្រចិនខាងត្បូងដូចគ្នា។ លោកជឿជាក់ថា កិច្ចសហប្រតិបត្តិការរវាងវៀតណាម និងឥណ្ឌាជាគន្លឹះមួយដ៏សំខាន់ដែលអាចធានាបាននូវការអភិវឌ្ឍប្រកបដោយនិរន្តរភាព ការពារច្បាប់អន្តរជាតិ និង ពង្រឹងកិច្ចសហប្រតិបត្តិការរវាងឥណ្ឌានិងអាស៊ានផង។
កាលពីថ្ងៃសុក្រទី ២ ខែមីនា ប្រធានាធិបតីវៀតណាមលោក Tran Dai Quang បានចាប់ផ្តើមដំណើរទស្សនកិច្ចផ្លូវការរយៈពេលបីថ្ងៃទៅកាន់ប្រទេសឥណ្ឌាតបតាមការអញ្ជើញរបស់សមភាគីឥណ្ឌាលោក Ram Nath Kovind។ ទស្សនកិច្ចនេះក៏រៀបចំឡើងស្របពេលដែលប្រទេសឥណ្ឌា និងវៀតណាមប្រារព្ធខួបលើកទី ៤៥ នៃការបង្កើតទំនាក់ទំនងការទូតរួមគ្នាផងដែរ។
ក្នុងដំណើរទស្សនកិច្ចជាប្រវត្តិសាស្ត្រនេះ ប្រធានាធិបតីវៀតណាមបានចូលជួបពិភាក្សាជាមួយប្រធានសភាឥណ្ឌាលោក ស្រី Sumitra Mahajan ប្រធានាធិបតី Ram Nath Kovind និងនាយករដ្ឋមន្ត្រីឥណ្ឌាលោក នារិន្ទ្រា ម៉ូឌីផងដែរ។ ក្នុងកិច្ចពិភាក្សានោះ មេដឹកនាំឥណ្ឌា និងវៀតណាមបានផ្លាស់ប្តូរមតិយោបល់គ្នាជុំវិញបញ្ហាក្នុងទំនាក់ទំនងទ្វេភាគី និងស្វែងរកវិធីពង្រឹងចំណងមិត្តភាពដែលស្អិតល្មួតស្រាប់នេះឲ្យកាន់តែស៊ីជម្រៅថែមទៀតដែរ។ ភាគីទាំងពីរចង់ពង្រឹងបន្ថែមលើវិស័យការពារជាតិ ថាមពល និងកសិកម្មផងដែរ។
១.កិច្ចព្រមព្រៀងសំខាន់បីរួមទាំងកិច្ចសហប្រតិបត្តិការថាមពលនុយក្លេអ៊ែរ ត្រូវបានភាគីទាំងពីរចុះរួមគ្នា
ក្នុងជំនួបជាមួយជាមួយលោក នារិន្ទ្រា ម៉ូឌី លោក Tran Dai Quang បានប្រកាសពីជំហររបស់វៀតណាមក្នុងការគាំទ្រឥណ្ឌាជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិតាមរយៈការកែទម្រង់ស្ថាប័នពិភពលោកនេះផងដែរ។ បន្ថែមពីនេះ វៀតណាមក៏ប្រកាសគាំទ្រគោលនយោបាយធ្វើសកម្មភាពនៅទិសខាងកើត (Act East Policy) និងតួនាទីដ៏សំខាន់របស់ឥណ្ឌាក្នុងការថែរក្សាសន្តិសុខ និងស្ថិរភាពនៅតំបន់ឥណ្ឌូប៉ាស៊ីហ្វិកកន្លងមកដែរ។
ក្រោយជំនួបរវាងមេដឹកនាំទាំងពីរ ឥណ្ឌា និងវៀតណាមក៏បានឯកភាពគ្នាចុះកិច្ចព្រមព្រៀងសំខាន់ចំនួនបីផងដែរក្រោមកិច្ចសហប្រតិបត្តិការនៃគោលនយោបាយធ្វើសកម្មភាពនៅទិសខាងកើតរបស់ឥណ្ឌា ផងដែរ។
បើតាមការចុះផ្សាយរបស់សារព័ត៌មានឥណ្ឌា Economic Times ដៃអនុស្សារណៈចំនួនបីដែលភាគីបង្កើតរួមគ្នានោះគ្របដណ្តប់លើកិច្ចសហប្រតិបត្តិការថាមពលនុយក្លេអ៊ែរ ពាណិជ្ជកម្ម និងកសិកម្មផងដែរ។ ក្រៅពីនោះ មេដឹកនាំឥណ្ឌា និងវៀតណាមក៏ចង់ឃើញមានការពង្រីកទំនាក់ទំនងបន្ថែមទៀតលើវិស័យរុករកប្រេងនិងឧស្ម័ន។
ទាក់ទិននឹងវិស័យពាណិជ្ជកម្ម មេដឹកនាំឥណ្ឌា និងវៀតណាមបានប្រកាសប្តេជ្ញាចិត្តពង្រឹងចំណងពាណិជ្ជកម្មទ្វេភាគី ដើម្បីធ្វើយ៉ាងណាសម្រេចឲ្យបាននូវទំហំពាណិជ្ជកម្ម ១៥ ពាន់លានដុល្លារត្រឹមឆ្នាំ ២០២០ ខាងមុខនេះ។ ឆ្នាំ ២០១៧ ទំហំពាណិជ្ជកម្មរវាងប្រទេសទាំងពីរមានទំហំត្រឹមជាង ប្រាំមួយពាន់លានដុល្លារប៉ុណ្ណោះ។
ការរុករកប្រេង និងឧស្ម័នក៏ជាចំណុចស្នូលមួយនៃកិច្ចសហប្រតិបត្តិការវាងប្រទេសទាំងពីរដែរ ហើយក្រុមហ៊ុនឥណ្ឌាជាច្រើនបានចូលទៅបណ្តាក់ទុនរកស៊ីនៅវៀតណាមដើម្បីអភិវឌ្ឍវិស័យប្រេង។ ពាក់ព័ន្ធកិច្ចសហប្រតិបត្តិការនេះ ប្រធានាធិបតីវៀតណាមបានប្រកាសស្វាគមន៍ក្រុមហ៊ុនឥណ្ឌាទៀតដោយវៀតណាមលើកទឹកចិត្តឲ្យក្រុមហ៊ុនទាំងនោះពង្រីកការរុករកប្រេង និងឧស្ម័ន និងបូមយកធនធានទាំងនេះនៅក្នុងដែនសេដ្ឋកិច្ចផ្តាច់មុខរបស់ខ្លួនផងដែរ។
យ៉ាងណាក៏ដោយ កន្លងមក ការចូលរុករកប្រេងរបស់ក្រុមហ៊ុនឥណ្ឌាបានធ្វើឲ្យមហាយក្សចិនដែលនៅជិតខាងវៀតណាមនោះមិនពេញចិត្តសោះឡើយ។ ចិនជំទាស់ដាច់ខាតការចូលរុករកប្រេងរបស់ក្រុមហ៊ុនឥណ្ឌា ONGC នៅតំបន់សមុត្រចិនខាងត្បូងដែលជាប់ជម្លោះជាមួយខ្លួនតែវៀតណាមទាមទារយក ប៉ុន្តែឥណ្ឌាវិញបានអះអាងថា ក្រុមហ៊ុន ONGC របស់ខ្លួនធ្វើសកម្មភាពពាណិជ្ជកម្ម និងមិនពាក់ព័ន្ធជាដាច់ខាតជាមួយបញ្ហាជម្លោះនោះ។
២.ឥណ្ឌា និងវៀតណាមពង្រឹងកិច្ចសហប្រតិបត្តិការការពារជាតិ ទប់ទល់ចិននៅសមុទ្រចិនខាងត្បូង?
បន្ថែមពីលើពាណិជ្ជកម្ម កសិកម្ម និងថាមពល មេដឹកនាំឥណ្ឌានិង វៀតណាមរំពឹងថា នៅពេលដ៏ខ្លីខាងមុខ ភាគីទាំងពីរនឹងអាចពង្រឹងកិច្ចសហប្រតិបត្តិការការពារជាតិឲ្យាន់តែរឹងមាំ។តាមពិតទៅ ឥណ្ឌា និងវៀតណាមជាដៃគូយុទ្ធសាស្ត្រ ហើយឥណ្ឌានេះចាត់ទុកវៀតណាមជាដៃគូសំខាន់សម្រាប់ការពង្រឹងការអនុវត្តគោលនយោបាយធ្វើសកម្មភាពនៅទិសខាងកើតផងដែរ។
ហើយការសហការរវាងប្រទេសទាំងពីរលើវិស័យការពារជាតិ អាចនឹងក្លាយជាក្តីបារម្ភសម្រាប់មហាយក្សចិនដែលកំពុងព្យាយាមពង្រីកឥទ្ធិពល និងវាតទីនៅតំបន់ជម្លោះសមុទ្រចិនខាងត្បូងតាមរយៈការកសាងកោះសិប្បនិម្មិតផងដែរ។
ក្នុងជំនួបនោះ ទាំងមេដឹកនាំវៀតណាម និងឥណ្ឌាសុទ្ធតែបានប្រកាសជាថ្មីក្នុងការគាំទ្រឲ្យមានការបន្តអនុវត្តសេចក្តីថ្លែងការណ៍ស្តីពីភាពជម្លោះសមុទ្រចិនខាងត្បូង (DOC) ឲ្យបានខ្ជាប់ខ្ជួន និងជំរុញការពន្លឿនការចរចាបង្កើតក្រមប្រតិបត្តិ (COC)ផងដែរ។ រីឯបញ្ហាសន្តិសុខអាស៊ីវិញ មេដឹកនាំទាំងពីរក៏សង្ឃឹមថា ទំនាក់ទំនងនិងកិច្ចសហប្រតិបត្តិការរវាងវៀតណាម និងឥណ្ឌាចូលរួមចំណែកប្រឆាំងនិងទប់ស្កាត់បញ្ហាសន្តិសុខមិនប្រពៃណីដូចជាសន្តិសុខអ៊ីនធឺណិត និងបទឧក្រិដ្ឋឆ្លងដែនជាដើម តាមរយៈការកាត់ផ្តាច់ចរន្តហិរញ្ញវត្ថុរបស់ក្រុមភេរវជន ទប់ស្កាត់បទឧក្រិដ្ឋឆ្លងដែន ការជួញដូរមនុស្ស ការលាងលុយ ការជួញដូរគ្រឿងញៀន និងអាវុធ។
នាយករដ្ឋមន្ត្រីឥណ្ឌាលោក ម៉ូឌី បានមានប្រសាសន៍ថា កិច្ចសហប្រតិបត្តិការលើវិស័យការពារជាតិ នឹងផ្តោតសំខាន់លើការផលិតផលិតផលការពារជាតិ និងការចែករម្លែកបច្ចេកវិទ្យាការពារជាតិផងដែរ។
យោងតាមសារព័ត៌មាន Indian Express ប្រមុខរដ្ឋាភិបាលឥណ្ឌារូបនេះនិយាយដូច្នេះក្នុងសេចក្តីថ្លែងការណ៍រួម៖«យើងនឹងសហការគ្នាដើម្បីបង្កើតតំបន់ឥណ្ឌូប៉ាស៊ីហ្វិកដែលបើកចំហ ឯករាជ្យ និងវិបុលភាព ហើយអធិបតេយ្យ និងច្បាប់អន្តរជាតិត្រូវបានគេគោរព ខណៈការដោះស្រាយជម្លោះត្រូវធ្វើឡើងតាមការចរចានិងពិភាក្សាគ្នា។ ឥណ្ឌា និងវៀតណាមប្តេជ្ញាចិត្តពង្រីកកិច្ចសហប្រតិបត្តិការតាមសមុទ្រដើម្បីធានាគាំទ្រនិម្មាបនកម្មតំបន់ (Regional Architecture) ដែលបើកចំហ និងមានប្រសិទ្ធភាព ផ្អែកសំខាន់លើច្បាប់»។
បើតាមនាយករដ្ឋមន្ត្រីឥណ្ឌា ឥណ្ឌា និងវៀតណាមបានឯកភាពគ្នាពន្លឿនការអនុវត្តគម្រោងលុយកម្ចីឥណ្ឌាដែលមានទំហំ ១០០លានដុល្លារសម្រាប់ផលិតនាវាល្បាតសម្រាប់ឆ្មាំព្រំដែនវៀតណាម។ បន្ថែមពីនេះ ភាគីទាំងពីរក៏នឹងចាប់ផ្តើមជំរុញការផ្លាស់ប្តូរទស្សនកិច្ចមន្ត្រីយោធាជាន់ខ្ពស់ រៀបចំកិច្ចសន្ទនាកម្រិតខ្ពស់ និងមានកិច្ចសហប្រតិបត្តិការផ្សេងទៀតរវាងកងទ័ពនៃប្រទេសទាំងពីរដែលអាចមានការចូលសំចតរបស់នាវាកងទ័ពជើងទឹក និងគម្រោងកសាងសមត្ថភាពផងដែរ។
ដោយឡែកមេដឹកនាំវៀតណាមឯណោះវិញ ក៏បានឆ្លៀតកោតសរសើរឥណ្ឌាដែលបានបន្តតួនាទីចម្បងរបស់ខ្លួនដើម្បីការពារសេរីភាពនាវាចរណ៍ និងការហោះហើរនៅក្នុងតំបន់សមុទ្រចិនខាងត្បូងដូចគ្នា។ លោកជឿជាក់ថា កិច្ចសហប្រតិបត្តិការរវាងវៀតណាម និងឥណ្ឌាជាគន្លឹះមួយដ៏សំខាន់ដែលអាចធានាបាននូវការអភិវឌ្ឍប្រកបដោយនិរន្តរភាព ការពារច្បាប់អន្តរជាតិ និង ពង្រឹងកិច្ចសហប្រតិបត្តិការរវាងឥណ្ឌានិងអាស៊ានផង។
Tag:
ឥណ្ឌា
អាស៊ាន
ចិន
វៀតណាម
Tran Dai Quang
© រក្សាសិទ្ធិដោយ thmeythmey.com
