សមត្ថកិច្ច ចាប់ជនជាតិចិន១០០នាក់ ដែលជំរិតទារប្រាក់តាមអ៊ីនធឺណិត

ជាតិ

សមត្ថកិច្ច ចាប់ជនជាតិចិន១០០នាក់ ដែលជំរិតទារប្រាក់តាមអ៊ីនធឺណិត

12, Mar 2018 , 10:19 pm

រូបភាព

ដោយ: ថ្មីៗ

ជនជាតិចិន១០០នាក់ ដែលលាក់ខ្លួននៅកម្ពុជា ហើយរួមគ្នាជំរិតទារប្រាក់អ្នកដទៃ ដោយប្រើប្រព័ន្ធអ៊ីនធឺណិត (Internet VOIP) ត្រូវសមត្ថកិច្ច ចាប់បាន នៅថ្ងៃទី១២ ខែមីនា ឆ្នាំ២០១៨នេះ ក្នុងសង្កាត់បឹងសាឡាង ខណ្ឌទួលគោក។ នេះបើតាមការចុះផ្សាយរបស់អគ្គស្នងការនគរបាលជាតិកម្ពុជា។

ការចាប់ខ្លួនជនជាតិចិនទាំងនោះ ស្ថិតនៅក្រោមប្រតិបត្តិការរបស់ការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ និងនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ រួមទាំងសមត្ថកិច្ចពាក់ព័ន្ធផ្សេងទៀត។

ជនជាតិចិនទាំង១០០នាក់នាក់នោះ មានស្រី១៩នាក់។ អគ្គស្នងការនគរបាលជាតិ បានឲ្យដឹងថា ក្រោយចាប់ខ្លួន ពួកគេ ក៏ត្រូវបានបញ្ជូនទៅកាន់អគ្គនាយកដ្ឋានអន្តោប្រវេសន៍នៃក្រសួងមហាផ្ទៃ ដើម្បីអនុវត្តនីតិវិធីបន្ត៕