ព្រឹទ្ធសភានីតិកាលថ្មី ត្រូវបានប្រកាសសុពលភាពជាផ្លូវការ នៅព្រឹកនេះ

ជាតិ

ព្រឹទ្ធសភានីតិកាលថ្មី ត្រូវបានប្រកាសសុពលភាពជាផ្លូវការ នៅព្រឹកនេះ

23, Apr 2018 , 9:29 am

រូបភាព

ដោយ: ថ្មីៗ

ព្រឹទ្ធសភា នីតិកាលទី៤ ដែលជានីតិកាលថ្មី បានបើកកិច្ចប្រជុំលើកដំបូងនៅព្រឹកថ្ងៃទី២៣ ខែមេសា ឆ្នាំ២0១៨នេះ ក្រោមព្រះរាជវត្តមានរបស់ព្រះមហាក្សត្រ។ សមាជិកថ្មីទាំង៦២រូប នៃព្រឹទ្ធសភា នឹងត្រូវប្រកាសសុពលភាពក្នុងកិច្ចប្រជុំនេះ។

ឯប្រធាន និងអនុប្រធានទាំង២រូបនៃព្រឹទ្ធសភាសម្រាប់នីតិកាលទី៤ ក៏នឹងត្រូវជ្រើសរើសក្នុងកិច្ចប្រជុំនេះដែរ។ បន្ទាប់មក សមាជិកព្រឹទ្ធសភាទាំង៦២រូប នឹងចូលទៅស្បថនៅក្នុងព្រះបរមរាជវាំង។

ក្នុងចំណោមសមាជិកព្រឹទ្ធសភាទាំងអស់ ៥៨រូប កើតចេញពីការបោះឆ្នោតអសកល ២រូប ត្រូវបានតែងតាំងដោយព្រះមហាក្សត្រ និង២រូបទៀត ត្រូវបានជ្រើសតាំងដោយរដ្ឋសភា។

សមាជិកព្រឹទ្ធសភាទាំង៥៨រូប ដែលកើតចេញពីការបោះឆ្នោតអសកល កាលពីថ្ងៃទី២៥ ខែកុម្ភៈ ឆ្នាំ២0១៨ សុទ្ធតែមកពីគណបក្សប្រជាជនកម្ពុជា។ ចំណែក គណបក្សផ្សេងទៀត ពុំបានទទួលអាសនៈព្រឹទ្ធសភាឡើយ៕