រ៉ឺម៉កកង់បីមួយប្រភេទទៀត ចូលទីផ្សារកម្ពុជា

ជាតិ

សេដ្ឋកិច្ច

រ៉ឺម៉កកង់បីមួយប្រភេទទៀត ចូលទីផ្សារកម្ពុជា

28, Apr 2018 , 2:59 pm

រូបភាព

រូបពីក្រសួងទេសចរណ៍

ដោយ:

ភ្នំពេញ៖ រ៉ឺម៉កកង់បីមួយប្រភេទទៀតឈ្មោះ Ape របស់អ៊ីតាលី បានចូលទីផ្សារកម្ពុជា។ ក្រុមហ៊ុន Italian Motors បានសម្ពោធដាក់ឲ្យប្រើប្រាស់រ៉ឺម៉កកង់បីរបស់ខ្លួននៅកម្ពុជា នៅថ្ងៃទី២៦ខែមេសា ក្រោមអធិបតីភាពលោក ថោង ខុន រដ្ឋមន្ត្រីក្រសួងទេសចរណ៍។

លោក ថោង ខុន មានប្រសាសន៍ក្នុងពិធីសម្ពោធនោះថា មធ្យោបាយថ្មីនេះ ពិតជាមានសារសំខាន់ណាស់ទៅដល់ការចូលរួមចំណែកបម្រើឲ្យភាពរីកចម្រើននៃវិស័យទេសចរណ៍។

រ៉ឺម៉កកង់បី Ape នេះ គឺជាផលិតផលស្ថិតនៅក្រោមម៉ាក Piaggio ដ៏ល្បីរបស់អ៊ីតាលី។ បើតាមតំណាងក្រុមហ៊ុន Italian Motors នៅកម្ពុជា រ៉ឺម៉កកង់បីរបស់ក្រុមហ៊ុនខ្លួននឹងធ្វើចរាចរនៅក្នុងទីក្រុង ដោយប្រើប្រាស់កម្មវិធី APP តាមទូរសព្ទដៃ ដូចជា Grab, PassApps, WeGo, Tos Tos, CamGo, 711Go Taxi ជាដើម។

មុនរ៉ឺម៉កកង់បីរបស់អ៊ីតាលីនេះចូលមកដល់កម្ពុជា រ៉ឺម៉កកង់បីរបស់ឥណ្ឌាកំពុងវាយលុកទីផ្សារមួយនេះ ដែលរ៉ឺម៉កកង់បីប្រភេទដូចនេះ កំពុងពេញនិយមជាងរ៉ឺម៉កកង់ខ្មែរក្នុងស្រុក៕