ឥន្ធនៈនៅកម្ពុជាឡើងថ្លៃ តាមតម្លៃឥន្ធនៈអន្តរជាតិ

ជាតិ

សេដ្ឋកិច្ច

ឥន្ធនៈនៅកម្ពុជាឡើងថ្លៃ តាមតម្លៃឥន្ធនៈអន្តរជាតិ

09, May 2018 , 7:39 pm

រូបភាព

ដោយ: អ៊ូ សុខមាន (OU Sokmean)

មួយរយៈចុងក្រោយនេះ តម្លៃប្រេងឥន្ធនៈនៅកម្ពុជា បានហក់ឡើងជាបន្តបន្ទាប់។ ហេតុអ្វីប្រេងសាំង, ម៉ាស៊ីត ឡើងថ្លៃខ្ពស់? នេះជាចម្ងល់របស់សាធារណជន។ ឆ្លើយតបនឹងចម្ងល់នេះនៅថ្ងៃទី៤ ខែឧសភា ក្រសួងពាណិជ្ជកម្ម បានចេញមុខបញ្ជាក់ថា តម្លៃប្រេងឥន្ធនៈនៅទីផ្សារកម្ពុជាកើនឡើងថ្លៃ ដោយសារតែ តម្លៃប្រេងឥន្ធនៈអន្តរជាតិ បានកើនឡើងខ្លាំងដែរ។ តាមក្រសួងពាណិជ្ជកម្មប្រេងឥន្ធនៈនៅកម្ពុជាស្ទើរតែទាំងអស់ គឺនាំចូលពីប្រទេសសិង្ហបុរី។

សូមបញ្ជាក់ថា នៅចុងខែមេសាកន្លងទៅប្រេងសាំងធម្មតានៅលើទីផ្សារកម្ពុជា មានតម្លៃ ៤០៨០រៀល ក្នុង១លីត្រ។ តម្លៃនេះ កើនឡើង២៧ភាគរយ បើធៀបនឹងពេលដូចគ្នាក្នុងឆ្នាំ២០១៦ ខណៈពេលដែលតម្លៃប្រេងឥន្ធនៈនៅលើទីផ្សារអន្តរជាតិ កើនឡើង៦៣ភាគរយ៕