អន្តរជាតិ
អគ្គរដ្ឋទូតអាមេរិកប្រចាំអង្គការសហប្រជាជាតិ Nikki Haley (រូបភាព AFP)
×![]()
ដោយ: តន ចាន់រិទ្ធារ៉ា
តំណាងអាមេរិកនៅអង្គការសហប្រជាជាតិលោកស្រី Nikki Haley នៅថ្ងៃទី៨ ខែឧសភា បាននិយាយការពារអ៊ីស្រាអែលដែលជាសម្ព័ន្ធមិត្តដ៏ជិតស្និទ្ធរបស់អាមេរិក។ ដោយយកករណីរិះគន់អ៊ីស្រាអែលជុំវិញការសាងសង់លំនៅដ្ឋាននៅលើទឹកដីប៉ាឡេស្ទីន និងការបង្ក្រាបបាតុកម្មរបស់ជនជាតិប៉ាឡេស្ទីនប្រឆាំងអ៊ីស្រាអែល លោកស្រី Haley អះអាងថា អ៊ីស្រាអែលត្រូវបានចោមរោមធ្វើបាបនៅអង្គការសហប្រជាជាតិ។ លោកស្រីរំឭកថា ការបង្ករឿងដាក់អ៊ីស្រាអែល គឺដូចរករឿងអាមេរិកដែរ។
មិត្តល្អជួយគ្នាទៅវិញទៅមក។ នេះជាគោលការណ៍ដែលអាមេរិកកំពុងអនុវត្តក្នុងទំនាក់ទំនងជាមួយអ៊ីស្រាអែល។ អាមេរិកតែងចេញមុខការពារអ៊ីស្រាអែលស្ទើរគ្រប់កាលៈទេសៈ និងគ្រប់ទីកន្លែងទៅហើយ ជាពិសេសនៅវេទិកាអង្គការសហប្រជាជាតិតែម្ដង។ អគ្គរដ្ឋទូតអាមេរិកនៅអង្គការសហប្រជាជាតិ Nikki Haley បានប្រដូចការរករឿងអ៊ីស្រាអែលនៅស្ថាប័នអន្តរជាតិដ៏នេះទៅនឹងកូនក្មេងដែលត្រូវគេធ្វើបាននៅសួនកុមារ។
ថ្លែងក្នុងសន្និសីទប្រចាំស្ដីពីតំបន់អាមេរិកនៅក្រសួងការបរទេសនៅថ្ងៃទី៨ ខែឧសភា លោកស្រី Haley ចាត់ទុកសកម្មភាពរបស់សមាជិកអង្គការសហប្រជាជាតិផ្សេងទៀតលើអ៊ីស្រាអែលជារឿងអាក្រក់ហួសហេតុ។ តំណាងអាមេរិករូបនេះចង់សំដៅដល់ការថ្កោលទោសរបស់អន្តជាតិលើអ៊ីស្រាអែលក្នុងករណីពង្រីកការតាំងលំនៅដ្ឋានលើទឹកដីប៉ាឡេស្ទីនដោយខុសច្បាប់ និងការបង្ក្រាបយ៉ាងសាហាវលើអ្នកតវ៉ាប៉ាឡេស្ទីន។
ជុំវិញទង្វើរបស់អ៊ីស្រាអែល អង្គការសហប្រជាជាតិបានទាមទារឲ្យអ៊ីស្រាអែលបញ្ឈប់ទង្វើរបស់ខ្លួន និងដកខ្លួនចេញពីទឹកដីរបស់ប៉ាឡេស្ទីនទាំងនៅតំបន់ហ្កាស្សា តំបន់ត្រើយខាងលិច និងនៅហ្ស៊េរុយសាឡិមខាងកើតផង។ អ៊ីស្រាអែលបានគ្រប់គ្រងតំបន់ទាំងនេះក្រោយឈ្នះសង្គ្រាមជាមួយរដ្ឋអារ៉ាប់ក្នុងឆ្នាំ១៩៦៧ ។ លោកស្រី Haley បានហៅសកម្មភាពរបស់ស្ថាប័នពិភពលោកនេះជាវប្បធម៌ក្នុងការវាយប្រហារអ៊ីស្រាអែល។
«ខ្ញុំមិនអាចទទួលយកបានទេ។ វាជារឿងខកចិត្តដែលជួបបញ្ហានេះ ហើយខ្ញុំបានស្រែកដាក់មនុស្សគ្រប់គ្នា។» នេះជាសម្ដីមិនពេញចិត្តរបស់តំណាងអាមេរិកក្នុងកម្មវិធីសំណួរ-ចម្លើយ មុននឹងនិយាយបែបព្រមានប្រទេសផ្សេងទៀតថា អាមេរិកគាំទ្រអ៊ីស្រាអែល ហើយអ្នកណាបង្កបញ្ហាឲ្យអ៊ីស្រាអែល គឺជាការបង្កបញ្ហាជាមួយអាមេរិកដែរ។ នេះបើតាមការផ្សាយរបស់សារព័ត៌មាន RT ។
មន្ត្រីការទូតអាមេរិករូបនេះក៏ឆ្លៀតនិយាយការពារការសម្រេចចិត្តរបស់ប្រធានាធិបតី ដូណាល់ ត្រាំ ដែលប្រកាសរើស្ថានទូតទៅកាន់ទីក្រុងហ្ស៊េរុយសាឡិម។ លោកស្រី Haley ពន្យល់ថា ការសម្រេចចិត្តនេះជារឿងចាំដែលត្រូវកើតឡើងប៉ុណ្ណោះ ខណៈប្រធានាធិបតីអាមេរិកជាច្រើនជំនាន់ត្រូវបានប្រាប់ថា បើហ៊ានប្ដូរស្ថានទូត មេឃនឹងធ្លាក់ចុះមិនខាន។ យ៉ាងណាមិញ លោកស្រីបាននិយាយបកវិញថា មកទល់ពេលនេះ មេឃនៅលើដដែល៕
មិត្តល្អជួយគ្នាទៅវិញទៅមក។ នេះជាគោលការណ៍ដែលអាមេរិកកំពុងអនុវត្តក្នុងទំនាក់ទំនងជាមួយអ៊ីស្រាអែល។ អាមេរិកតែងចេញមុខការពារអ៊ីស្រាអែលស្ទើរគ្រប់កាលៈទេសៈ និងគ្រប់ទីកន្លែងទៅហើយ ជាពិសេសនៅវេទិកាអង្គការសហប្រជាជាតិតែម្ដង។ អគ្គរដ្ឋទូតអាមេរិកនៅអង្គការសហប្រជាជាតិ Nikki Haley បានប្រដូចការរករឿងអ៊ីស្រាអែលនៅស្ថាប័នអន្តរជាតិដ៏នេះទៅនឹងកូនក្មេងដែលត្រូវគេធ្វើបាននៅសួនកុមារ។
ថ្លែងក្នុងសន្និសីទប្រចាំស្ដីពីតំបន់អាមេរិកនៅក្រសួងការបរទេសនៅថ្ងៃទី៨ ខែឧសភា លោកស្រី Haley ចាត់ទុកសកម្មភាពរបស់សមាជិកអង្គការសហប្រជាជាតិផ្សេងទៀតលើអ៊ីស្រាអែលជារឿងអាក្រក់ហួសហេតុ។ តំណាងអាមេរិករូបនេះចង់សំដៅដល់ការថ្កោលទោសរបស់អន្តជាតិលើអ៊ីស្រាអែលក្នុងករណីពង្រីកការតាំងលំនៅដ្ឋានលើទឹកដីប៉ាឡេស្ទីនដោយខុសច្បាប់ និងការបង្ក្រាបយ៉ាងសាហាវលើអ្នកតវ៉ាប៉ាឡេស្ទីន។
ជុំវិញទង្វើរបស់អ៊ីស្រាអែល អង្គការសហប្រជាជាតិបានទាមទារឲ្យអ៊ីស្រាអែលបញ្ឈប់ទង្វើរបស់ខ្លួន និងដកខ្លួនចេញពីទឹកដីរបស់ប៉ាឡេស្ទីនទាំងនៅតំបន់ហ្កាស្សា តំបន់ត្រើយខាងលិច និងនៅហ្ស៊េរុយសាឡិមខាងកើតផង។ អ៊ីស្រាអែលបានគ្រប់គ្រងតំបន់ទាំងនេះក្រោយឈ្នះសង្គ្រាមជាមួយរដ្ឋអារ៉ាប់ក្នុងឆ្នាំ១៩៦៧ ។ លោកស្រី Haley បានហៅសកម្មភាពរបស់ស្ថាប័នពិភពលោកនេះជាវប្បធម៌ក្នុងការវាយប្រហារអ៊ីស្រាអែល។
«ខ្ញុំមិនអាចទទួលយកបានទេ។ វាជារឿងខកចិត្តដែលជួបបញ្ហានេះ ហើយខ្ញុំបានស្រែកដាក់មនុស្សគ្រប់គ្នា។» នេះជាសម្ដីមិនពេញចិត្តរបស់តំណាងអាមេរិកក្នុងកម្មវិធីសំណួរ-ចម្លើយ មុននឹងនិយាយបែបព្រមានប្រទេសផ្សេងទៀតថា អាមេរិកគាំទ្រអ៊ីស្រាអែល ហើយអ្នកណាបង្កបញ្ហាឲ្យអ៊ីស្រាអែល គឺជាការបង្កបញ្ហាជាមួយអាមេរិកដែរ។ នេះបើតាមការផ្សាយរបស់សារព័ត៌មាន RT ។
មន្ត្រីការទូតអាមេរិករូបនេះក៏ឆ្លៀតនិយាយការពារការសម្រេចចិត្តរបស់ប្រធានាធិបតី ដូណាល់ ត្រាំ ដែលប្រកាសរើស្ថានទូតទៅកាន់ទីក្រុងហ្ស៊េរុយសាឡិម។ លោកស្រី Haley ពន្យល់ថា ការសម្រេចចិត្តនេះជារឿងចាំដែលត្រូវកើតឡើងប៉ុណ្ណោះ ខណៈប្រធានាធិបតីអាមេរិកជាច្រើនជំនាន់ត្រូវបានប្រាប់ថា បើហ៊ានប្ដូរស្ថានទូត មេឃនឹងធ្លាក់ចុះមិនខាន។ យ៉ាងណាមិញ លោកស្រីបាននិយាយបកវិញថា មកទល់ពេលនេះ មេឃនៅលើដដែល៕
Tag:
UN
អាមេរិក
អ៊ីស្រាអែល
Nikki Haley
© រក្សាសិទ្ធិដោយ thmeythmey.com
