អន្តរជាតិ
ក្រុមមេធាវីរបស់លោក Trump មិនចង់ឲ្យលោកចូលធ្វើសក្ខីកម្មលើករណីការស៊ើបអង្កេតពីអំពីការជ្រៀតជ្រែករបស់រុស្ស៊ីក្នុងការបោះឆ្នោតស.រ.អា ![](https://image.thmeythmey.com/pictures/2018/06/04/im-12922.jpg)
×![]()
លោក Rudy Giuliani មេធាវីរបស់លោកប្រធានាធិបតីសហរដ្ឋអាមេរិក Donald Trump បាននិយាយថា វាគឺជាសំណួរបើកចំហរថាតើលោក Trump នឹងឆ្លើយសំណួររបស់ក្រុមរដ្ឋអាជ្ញាដែលកំពុងធ្វើការស៊ើបអង្កេតពាក់ព័ន្ធនឹងការចូលជ្រៀតជ្រែករបស់រុស្ស៊ីនៅក្នុងការបោះឆ្នោតកាលពីឆ្នាំ២០១៦ឬយ៉ាងណា ប៉ុន្តែក្រុមមេធាវីរបស់លោកមិនចង់ឲ្យលោក Trump ចូលធ្វើសក្ខីកម្មនោះទេ។
លោក Trump បាននិយាយជាយូរមកហើយថាលោកចង់ចូលឆ្លើយសំណួររបស់លោក Robert Mueller រដ្ឋអាជ្ញាពិសេស ដែលដឹកនាំការស៊ើបអង្កេតនេះប៉ុន្តែកាលពីថ្ងៃអាទិត្យម្សិលមិញលោក Giuliani បានប្រាប់សារព័ត៌មាន ABC ថា «ក្រុមមេធាវីកំពុងពិភាក្សាគ្នាអំពីសំណើមិនអនុញ្ញាតឲ្យមេដឹកនាំសហរដ្ឋអាមេរិករូបនេះចូលឆ្លើយសំណួរពាក់ព័ន្ធក្នុងករណីនេះ។
លោក Giuliani បានថ្លែងថាលោក Trump អាចធ្លាក់ចូលក្នុងអន្ទាក់ដោយមិនដឹងខ្លួន។ លោក Giuliani ដែលជាអតីតចៅហ្វាយក្រុងញូវយ៉ករូបនេះបាននិយាយថា ក្រុមមេធាវីរបស់លោក Trump ប្រហែលជាអនុញ្ញាតឲ្យលោកចូលឆ្លើយសំណួរ ប្រសិនបើត្រូវបានគេសង្ខេបឲ្យដឹងពីសំណួរទាំងនោះជាមុន បើមិនដូច្នោះទេ ក្រុមមេធាវីនឹងមិនអនុញ្ញាតឲ្យលោក Trump ចូលធ្វើសក្ខីកម្មនោះទេ។ លោក Giuliani បានថ្លែងថា ក្រុមមេធាវីរបស់លោក Trump នឹងប្រាប់ទៅក្រុមការងាររបស់លោក Mueller ថា «ពួកគេបានទទួលអ្វីៗគ្រប់យ៉ាងដែលពួកគេត្រូវការរួចទៅហើយ ដូចជាឯកសារកម្រាស់ជាង១លានទំព័រ និងសាក្សីចំនួន២៨នាក់ ដើម្បីបញ្ចប់ការស៊ើបអង្កេតមួយនេះ៕
សូមចុចទៅប្រភពដើម VOA ត្រង់នេះ
© រក្សាសិទ្ធិដោយ thmeythmey.com