ជាតិ
សេដ្ឋកិច្ច
ក្រសួងពាណិជ្ជកម្ម ៖ម្សៅទឹកដោះគោទារក Dumex-Step1 មានផ្ទុកបាក់តេរី ដែលមានគ្រោះថ្នាក់ជីវិត ![](https://image.thmeythmey.com/pictures/2018/08/29/20180821_dumex.jpg)
×![]()
ភ្នំពេញ៖ ម្សៅទឹកដោះគោទារក Dumex Mamil Gold Infant Milk Formula-Step1 ដែលមានប្រភពដើមនៅប្រទេសម៉ាឡេស៊ី និងនាំចូលដោយក្រុមហ៊ុន Danone Dumex មានផ្ទុកបាក់តេរី Cronobacter sakazakii ដែលរកឃើញដោយបសុពេទ្យប្រទេសសិង្ហបុរី ។ បាក់តេរីនេះ បង្កឲ្យមានជំងឺរលាកពោះវៀនធំ-តូច រលាកស្រោមខួរក្បាលជាដើម ដែលអាចឲ្យមានគ្រោះថា្នក់ដល់ជីវិតទារក។ នេះបើយោងតាមអគ្គនាយកដ្ឋានកាំកុងត្រូល នៃក្រសួងណាណិជ្ជកម្ម នៅថ្ងៃទី២៩សីហា។
សេចក្តីជូនដំណឹងរបស់អគ្គនាយកដ្ឋានកាំកុងត្រូល បានបញ្ជាក់ថា «ទារកដែលមានអាយុតិចជាង២ខែ អត្រានៃការស្លាប់មាន១០ ទៅ៨០ភាគរយ និងជនដែលមានប្រព័ន្ធស៊ាំរាងកាយទន់ខ្សោយ គឺជាជនងាយរងគ្រោះបំផុត»។
![](https://image.thmeythmey.com/pictures/2018/08/29/img_0162.jpg)
បន្ទាប់ពីរកឃើញបាក់តេរីក្នុងម្សៅទឹកដោះទារកនេះ អាជ្ញាធរសិង្ហបុរី បានបញ្ជាឲ្យក្រុមហ៊ុន នាំចូលផលិតផលនេះ ប្រមូលត្រឡប់មកវិញ និងផ្តល់ដំបូន្មានដល់អ្នកប្រើប្រាស់ សូមកុំផ្តល់ជាអាហារសម្រាប់ទារក។ នេះបើតាមសេចក្តីជូនដំណឹងខាងលើ។
ជាមួយគ្នានេះ អគ្គនាយកដ្ឋានកាំកុងត្រូល កំពុងសហការជាមួយអាជ្ញាធរ និងសមត្ថកិច្ចពាក់ព័ន្ធ ក្នុងការរារាំងមិនឲ្យមានការនាំចូល ការចរាចរណ៍លក់ដុំ-រាយម្សៅទារកនេះ នៅលើទីផ្សារ ដោយមានការត្រួតពិនិត្យតាមផ្សារធំ-តូច ផ្សារទំនើប ដើម្បីសម្របសម្រួល និងអនុវត្តវិធានការតាមនីតិវិធី៕
Tag:
កាំកុងត្រូល
ទារក
ភ្នំពេញ
© រក្សាសិទ្ធិដោយ thmeythmey.com