មេភ្នាក់ងារចារកម្មយោធារុស្ស៊ី Igor Korobov ស្លាប់ក្នុងអាយុ៦២ឆ្នាំ

អន្តរជាតិ

មេភ្នាក់ងារចារកម្មយោធារុស្ស៊ី Igor Korobov ស្លាប់ក្នុងអាយុ៦២ឆ្នាំ

22, Nov 2018 , 4:50 pm

រូបភាព

ដោយ: ថ្មីៗ

ឧត្តមសេនីយ Igor Korobov មេភ្នាក់ងារចារកម្មយោធារុស្ស៊ី (GRU) បានទទួលមរណភាពក្នុងអាយុ៦២ឆ្នាំ។ នេះបើតាមការអះអាងរបស់ក្រសួងការពារជាតិរុស្ស៊ី នាថ្ងៃព្រហស្បតិ៍ ទី២២ ខែវិច្ឆិកា។

លោក Korobov ដែលបានឡើងកាន់តំណែងជាមេភ្នាក់ងារចារកម្មយោធារុស្ស៊ី (GRU) កាលពីឆ្នាំ២០១៦កន្លងមកនោះ បានធ្លាក់ខ្លួនឈឺដ៏យូរនារយៈពេលចុងក្រោយនេះ។ យោងតាមការផ្សាយរបស់ AFP លោកក៏ស្ថិតក្រោមគោលដៅដែលអាមេរិកដាក់ទណ្ឌកម្មផងដែរ។

ជាមួយគ្នា ភ្នាក់ងារ GRU ក៏ដូចជាលោក Korobov ផ្ទាល់ ទទួលរងនូវការចោទប្រកាន់ជាច្រើនពីអន្តរជាតិ ដែលក្នុងនោះរាប់បញ្ចូលទាំងករណីបំផុតអតីតចារកម្មរុស្ស៊ី លោក Sergie Skripal និងកូនស្រី នៅអង់គ្លេស កាលពីខែមីនា កន្លងមកផងដែរ៕