ជាតិ
អត្រាប្រជាជនចេញទៅបោះឆ្នោតនៅកម្ពុជាខ្ពស់ជាងនៅអាមេរិក ![](https://image.thmeythmey.com/pictures/2013/10/02/21020138100920130728-75.jpg)
×![]()
យោងតាមខ្លឹមសារសង្ខេប របស់សៀវភៅ «ស» ស្ដីពីការបោះឆ្នោតសកលជ្រើសរើសតំណាងរាស្ត្រនីតិកាលទី៥ អត្រាប្រជាជនចេញទៅបោះឆ្នោតនៅកម្ពុជាសម្រាប់ការបោះឆ្នោតអាណត្តិទី៥នេះ មានចំនួន ៦៩,៦១ ភាគរយ ខ្ពស់ជាងអត្រាអ្នកចេញទៅបោះឆ្នោតនៅសហរដ្ឋអាមេរិក កាលពីឆ្នាំ២០១០ ដែលមានត្រឹមតែ ៤១,៥៩ ភាគរយ ក្នុងចំណោមអ្នកដែលបានទៅចុះឈ្មោះបោះឆ្នោតសរុប។
សមាមាត្រនៃប្រជាជនកម្ពុជាដែលបានទៅបោះឆ្នោតមានកម្រិតខ្ពស់ បើធៀបទៅនឹងបណ្ដាប្រទេសមួយចំនួនផ្សេងទៀតក្រៅពីសហអាមេរិក ដែលមានដូចជា ឥណ្ឌា អង់គ្លេស អូស្ដ្រាលី ជាដើម ដែលក្នុងនោះ ក៏មានប្រទេសហ្វីលីពីនផងដែរ ដែលមានត្រឹមតែ ៦០,៧ ភាគរយនៃចំនួនប្រជាពលរដ្ឋដែលបានទៅបោះឆ្នោតតែប៉ុណ្ណោះ។ នេះបើតាមលោក សុខ អាន រដ្ឋមន្ត្រីទទួលបន្ទុកទីស្ដីការគណៈ រដ្ឋ មន្ត្រី បានលើកឡើងថាក្នុងការធ្វើបទបឋកថា អំពីខ្លឹមសារនៃសៀវភៅ “ស” កាលពីថ្ងៃម្សិលមិញនេះ៕
© រក្សាសិទ្ធិដោយ thmeythmey.com