អត្ថបទពាណិជ្ជកម្ម
អតិថិជន អេ អឹម ខេ កាន់ងាយស្រួលក្នុងការផ្ទេរប្រាក់ទៅកាន់ធនាគារផ្សេងៗ ក្នុងស្រុកតាមរយៈបាគង ថែមទំាងមិនគិតថ្លៃសេវា
×![]()
ដោយ: សារព័ត៌មានថ្មីៗ
ការរីកចម្រើននៃបច្ចេកវិទ្យា បានចូលរួមចំណែកយ៉ាងច្រើន នៅក្នុងជីវភាពប្រចាំថ្ងៃរបស់ប្រជាពលរដ្ឋ ក្នុងនោះការប្រើប្រាស់បច្ចេកវិទ្យា នៅក្នុងវិស័យហិរញ្ញវត្ថុ បានផ្តល់ឲ្យប្រើប្រាស់កាន់តែមានភាពងាយស្រួល ចំណេញទាំងពេលវេលា និងថវិកាផងដែរ។ នេះជាការលើកឡើងរបស់លោក ហេង រមណី នាយកប្រតិបត្តិប្រាក់សន្សំ និងសេវាកម្ម នៃគ្រឹះស្ថានមីក្រូហិរញ្ញវត្ថុ អេ អឹម ខេ។ បើតាមលោក រមណី ដើម្បីឆ្លើយតបនឹងការរីកចម្រើនឥតឈប់ឈរនៃបច្ចេកវិទ្យានេះ គ្រឹះស្ថានមីក្រូហរិញ្ញវត្ថុ អេ អឹម ខេ បានបង្កើតនូវកម្មវិធីធនាគារចល័ត ឬអាចហៅម្យ៉ាងទៀតថាកាបូបវៃឆ្លាត(Smart Wallet)។
តាមរយៈប្រព័ន្ធធនាគារចល័ត អេ អឹម ខេ អតិថិជនមិនត្រឹមតែ អាចទូទាត់ទំនិញ ឬបង់ថ្លៃទឹក ភ្លើង សំរាម ដោយឥតគិតថ្លៃនោះទេ ថែមទាំងអាចផ្ទេរប្រាក់ទៅកាន់ធនាគារ ឬគ្រឹះស្ថានហិរញ្ញវត្ថុនៅក្នុងស្រុកបានតាមរយៈប្រព័ន្ធបាគងផងដែរ។ អ្វីដែលកាន់តែពិសេសនោះ ផ្ទេរប្រាក់ពីកម្មវិធីធនាគារចល័ត អេ អឹម ខេ តាមរយៈប្រព័ន្ធទូទាត់បាគង ទៅកាន់គណនីធនគារ ឬ គ្រឹះស្ថានមីក្រូហិរញ្ញវត្ថុផ្សេងៗទៀត មិនមានអស់ថ្លៃសេវាអ្វីនោះទេ។
ដើម្បីជ្រាបកាន់តែច្បាស់ សូមលោកអ្នកនាងទស្សនាកិច្ចសម្ភាសរវាង កញ្ញា ខន ចំប៉ា នៃសារព័ត៌មានថ្មីៗ និងលោក ហេង រមណី នាយកប្រតិបត្តិប្រាក់សន្សំ និងសេវាកម្ម នៃគ្រឹះស្ថានមីក្រូហិរញ្ញវត្ថុ អេ អឹម ខេ ដូចតទៅ៖
នៅក្នុងបទសម្ភាសជាមួយសារព័ត៌មានថ្មីៗ លោក ហេង រមណី នាយកប្រតិបត្តិប្រាក់សន្សំ និងសេវាកម្ម នៃគ្រឹះស្ថានមីក្រូហិរញ្ញវត្ថុ អេ អឹម ខេ បានបញ្ជាក់ថា នៅក្នុងកម្មវិធីធនាគារចល័ត ឬកាបូបលុយវៃឆ្លាតរបស់ អេ អឹម ខេ មានមុខងារទំនើបៗជាច្រើន សមស្របនឹងជម្រើសទូទាត់នានារបស់អតិថិជន។ ក្នុងនោះមានមុខងារមួយ ហៅថាការទូទាត់ ឬផ្ទេរប្រាក់ឆ្លងធនាគារ ដែលកាន់តែមានភាពងាយស្រួល មិនចាំបាច់ត្រូវធ្វើដំណើរពី ធនាគាមួយ ទៅធនាគាមួយទៀតនោះទេ។ ការទូទាត់ទាំងនោះ មិនមានគិតថ្លៃសេវានោះទេ។ លោក ហេង រមណី នាយកប្រតិបត្តិប្រាក់សន្សំ និងសេវាកម្ម នៃគ្រឹះស្ថានមីក្រូហិរញ្ញវត្ថុ អេ អឹម ខេ ប្រាប់មកសារព័ត៌មានថ្មីៗផងដែរថា «រាល់ការបង់ថ្លៃទឹក និងថ្លៃភ្លើងជាមួយនឹងអេ អឹម ខេ ពុំមានការគិតថ្លៃសេវានោះឡើយ។ ម្យ៉ាងវិញទៀត លើសតែពីការបង់ថ្លៃទឹក-ភ្លើងជាមួយអេ អឹម ខេ លោកអ្នកក៏អាចប្រើប្រាស់កម្មវិធីធនាគារចល័ត អេ អឹម ខេក្នុងការទូទាត់ទិញទំនិញផ្សេងៗបានផងដែរ»។
មិនតែប៉ុណ្ណោះ នៅក្នុងកម្មវិធីធនាគារចល័តរបស់អេ អឹម ខេ លោកអ្នកក៏អាចផ្ទេរប្រាក់ពីគណនី អេ អឹម ខេ ទៅកាន់គណនីធនាគារ ឬគ្រឹះស្ថានហិរញ្ញវត្ថុដទៃបានដោយងាយស្រួល និងជាពិសេស មិនគិតថ្លៃសេវា តាមប្រព័ន្ធបាគង របស់ធនាគារជាតិនៃកម្ពុជា។ អេ អឹម ខេ បានចូលជាសមាជិក បាគង ដើម្បីផ្តល់បទពិសោធន៍កាន់តែងាយស្រួល និងសន្សំសំចៃ នៃការផ្ទេរប្រាក់ថ្មីជូនទៅដល់អតិថិជនរបស់ខ្លួន។ «អេ អឹម ខេ មិនត្រឹមតែជួយសម្រួលលើការប្រតិបត្តិការហិរញ្ញវត្ថុរបស់ពលរដ្ឋកម្ពុជានោះទេ ប៉ុន្តែក៏គិតគូរជីវភាពរបស់ប្រជាជនកម្ពុជាផងដែរ ដោយការវេររពីអេ អឹម ខេ ទៅកាន់ធនាគារផ្សេងមិនប្រាក់នោះទេ។ លើសពីនេះ កម្មវិធីធនាគារចល័តរបស់អេ អឹម ខេ បានជួយកាត់បន្ថយហានិភ័យ ពីការប្រើប្រាស់សាច់ប្រាក់ ពីមនុស្សម្នាក់ទៅកាន់មនុស្សម្នាក់ផងដែរ ដោយទំហំទឹកប្រាក់ដែលអាចវេរបាន មានទំហំធំរហូត ១ ថ្ងៃដល់ ១ម៉ឺនដុល្លារ»។ នេះជាការលើកឡើងរបស់លោកនាយកប្រតិបត្តិប្រាក់សន្សំ និងសេវាកម្ម នៃគ្រឹះស្ថានមីក្រូហិរញ្ញវត្ថុ អេ អឹម ខេ។
សូមជម្រាបជូនផងដែរថា អតិថិជនដែលមានបំណងបើកគណនីជាមួយ អេ អឹម ខេ លោកអ្នកអាចអញ្ជើញមកកាន់ការិយាល័យ អេ អឹម ខេ ណាមួយដែលនៅជិតលោកអ្នកបំផុត ឬអាចទាក់ទងតាមលេខ ០២៣ ២២០២០២ ដើម្បីអាចឲ្យបុគ្គលិកយើងចុះទៅបើកគណនីជូនដល់កន្លែងតែម្តង។ សម្រាប់ការទាញកម្មវិធីធនាគាចល័ត អេ អឹម ខេ លើទូរសព្ទដៃនោះ លោកអ្នកនឹងទទួល ១០០ ពិន្ទុភ្លាមៗ ដែលលោកអ្នកអាចប្ដូរជាទឹកប្រាក់ក៏បាន អាចប្ដូជារង្វាន់ផ្សេងៗក៏បាន។ មិនតែប៉ុណ្ណោះ អាជីវករមួយចំនួនដែលជាដៃគូរបស់ អឹ អឹម ខេ ក៏នឹងផ្តល់ជូនការបញ្ចុះតម្លៃលើទំនិញផងដែរ រាល់ការទូទាត់តាមរយៈប្រព័ន្ធធនាគារចល័ត អេ អឹម ខេ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
