ហេតុអ្វីបានជា «520 Day»? គេហទំព័រជាភាសាអង់គ្លេស China Internet Watch ពន្យល់បកស្រាយយ៉ាងសាមញ្ញ ដោយលេខ «៥» តំណាងឲ្យខែឧសភា (ខែ៥) និង២០ ត្រូវនឹងថ្ងៃទី២០។ 

 

ចំពោះអត្ថន័យវិញ វាមិនមានឫសគល់អ្វីច្រើននោះឡើយ។ បើតាមការបញ្ចេញសំឡេង ពាក្យ «៥២០» មានន័យកៀកទៅនឹងពាក្យ «ខ្ញុំស្រឡាញ់អ្នក» (I Love You) ឬ «Wo Ai Ni» (我爱你,) ក្នុងភាសាចិន។

 

ក្រៅពី «ទិវា៥២០» និង «១៤កុម្ភៈ» ពលរដ្ឋចិនក៏នាំគ្នាប្រារព្ធទិវានៃក្តីស្រឡាញ់មួយទៀតដែរ គឺ Qixi Festival ដែលផ្អែកតាមតំណាងរឿងស្នេហារបស់បុរសគង្វាល និងនារីតម្បាញ ហើយត្រូវប្រារព្ធឡើងតាមកាលបរិច្ឆេទនៃចន្ទគិតរបស់ចិន ដោយរំលឹកដល់ថ្ងៃគូស្នេហ៍កម្សត់ទាំងពីរត្រូវជួបគ្នា៕