ភ្នំពេញ៖ ការដកចត្តាឡីស័កចេញកាលពីថ្ងៃទី​១៤ខែវិច្ឆិកាឆ្នាំ​២០២១សម្រាប់អ្នក​ទេសចរជនជាតិ​ខ្មែរ និងជនជាតិ​បរទេស​ បានធ្វើឲ្យអ្នក​ជំនួញ​ទាំងឡាយ​នៅក្នុង​ប្រទេសកម្ពុជា ជាពិសេស អ្នកជំនួញក្នុងវិស័យ​ទេសចរណ៍​អបអរសាទរ​យ៉ាងខ្លាំង ពីព្រោះ ការលើកចេញរបាំងសុខភាពនេះ នឹងអនុញ្ញាតឲ្យ​វិស័យទេសចរណ៍អាចងើប​ឡើងវិញក្នុងពេលឆាប់ៗខាងមុខនេះ។

លោក មឿង សុន អតីតអ្នកជំនួញ​ក្នុង​​វិស័យ​ទេសចរណ៍ដ៏ល្បីល្បាញ​ជាង​៣០ឆ្នាំទាំងនៅក្នុងប្រទេសបារាំង និងប្រទេស​កម្ពុជា បានប្រកាសគាំទ្រវិធានការណ៍របស់រាជរដ្ឋាភិបាលកម្ពុជាពេញទំហឹង​។ សម្រាប់​លោក សុន អនិកជនខ្មែរនៅក្រៅប្រទេស ដូចជា នៅប្រទេសបារាំង អាមេរិក អូស្តា្រលី កាណាដា នឹងត្រឡប់មកលេងស្រុកកំណើត(ស្រុកខ្មែរ) មុនគេ បន្ទាប់មក គឺទេសចរជន​បរទេស។ ដើម្បីជ្រាបព័ត៌មានលម្អិត សូមអញ្ជើញ​ទស្សនា​បទ​សម្ភាសរវាងលោក គី សុខលីម អ្នកសារព័ត៌មាននៃសារព័ត៌មានអេឡិចត្រូនិកថ្មីៗ និងលោក មឿង សុន អតីតអ្នក​ជំនាញ​​វិស័យទេសចរណ៍អស់រយៈពេលជាង​៣០ឆ្នាំ​ទាំងនៅ​ក្នុងប្រទេស​បារាំង និងប្រទេសកម្ពុជាដូចតទៅ៖