​

តាមរយៈសេចក្តីប្រកាសព័ត៌មានដដែល និយ័តករទូរគមនាគមន៍កម្ពុជា បន្តអះអាងថា ​ខ្លួន នឹងបន្តសហការជាមួយអគ្គស្នងការនគរបាលជាតិ អាជ្ញាធរពាក់ព័ន្ធ និងប្រតិបត្តិករទូរគមនាគមន៍ទាំងអស់ ដើម្បីលុបបំបាត់​រាល់គេហទំព័រដែលធ្វើប្រតិបត្តិការ និងផ្តល់សេវាលេងល្បែងស៊ីសងតាមប្រព័ន្ធអនឡាញខុសច្បាប់ នៅកម្ពុជា។ 

 

 

ទន្ទឹមនឹងនេះ និយ័តករទូរ​គមនាគមន៍កម្ពុជា ក៏អំពាវនាវឱ្យសាធារណជន រាយការណ៍នូវគេហទំព័រណាដែលបាន និងកំពុងធ្វើប្រតិបត្តិការ ឬផ្តល់សេវាលេងល្បែងស៊ីសង តាមអនឡាញនៅកម្ពុជា ទៅកាន់និយ័តករទូរគមនាគមន៍កម្ពុជា តាមលេខទូរសព្ទ ៦៧៨៩ ឬតាមបណ្តាញសង្គមរបស់និយ័តករទូរគមនាគមន៍កម្ពុជា https://www.facebook.com/www.trc.gov.kh/ ។ ការរាយការណ៍ នឹងត្រូវរក្សាជាការសម្ងាត់ផងដែរ។ នេះជាការបញ្ជាក់បន្ថែមរបស់និយ័តករទូរគមនាគមន៍កម្ពុជា។ ​នេះ ជាគេហទំព័រផ្តល់សេវាលេងល្បែងតាមអនឡាញ ដែលនិយ័តករទូរគមនាគមន៍កម្ពុជាបានបិទ  https://www.facebook.com/www.trc.gov.kh/posts/2350225531774315 ៕