ផ្ទះពលរដ្ឋ ដែលស្ថិតនៅលើផ្លូវ​លេខ​៤៦៦ និង​ផ្លូវ​លេខ​៩៩ ក្បែរ​ក្រសួងសង្គមកិច្ច អតីតយុទ្ធជន និងយុវនីតិសម្បទា​ ត្រូវបានអាជ្ញាធរវាយកម្ទេចជាបន្តបន្ទាប់។ 

 

បើតាមការសាកសួរពីប្រជាពលរដ្ឋ ផ្ទះទាំងនេះបានចា​ប់ផ្តើមរុះរើ និងវាយកម្ទេចចោល ក្រោយចរចាត្រូវថ្លៃខូចខាត។ ផ្ទះខ្លះ ទទួលបានសំណង ៣ម៉ឺនដុល្លារ ផ្ទះខ្លះទទួលបាន ៥ម៉ឺនដុល្លារ ដោយថ្លៃសំណងនីមួយៗ រដ្ឋផ្តល់ជូនទៅតាមទំហំផ្ទះ និងទំហំដី។ ផ្ទះពលរដ្ឋដែលរុះរើភាគច្រើនជាផ្ទះពលរដ្ឋ ដែលមករស់នៅក្នុងសង្កាត់បឹងត្របែកយូរ ឆ្នាំមកហើយ ប៉ុន្តែទីតាំងនេះជាដីចឹញ្ចើមថ្នល់។ 

 

លោក ថេ​ង សុ​ថុ​ល អភិបាល​ខណ្ឌចំការមន បានប្រាប់សារព័ត៌មានថ្មីៗឱ្យដឹងថា ក្រោយពលរដ្ឋរើចេញ ទីតាំងនេះនឹងរៀបចំឱ្យបានស្អាត ពង្រីកចំណីផ្លូវទូលាយជាងមុន និងមិនមានសំណង់លើដីទៀតទេ។ លោកបញ្ជាក់ថា មិនមានទំនាស់អ្វីឡើយក្នុងការរុះរើនេះ ព្រោះពលរដ្ឋបានឯកភាពឱ្យរុះរើ ដោយម្នាក់ៗទទួលបានសំណងតាមការស្នើសុំ៕