ជាតិ
សង្គមជាតិ
ក្រុមម៉ុងតាញ៉ា ចំនួន៨នាក់សុំអន្តរាគមន៍ពីអង្គការសហប្រជាជាតិ រូបភាព៖ facebook
× ក្រុមជនភៀសខ្លួនម៉ុងតាញ៉ាវៀតណាមចំនួន៨នាក់ ត្រូវបានអង្គសហប្រជាជាតិUN ជួយសង្គ្រោះពួកគេពីក្នុងព្រៃក្នុង ខេត្តរតនគីរី កាលពីព្រឹកថ្ងៃទី២០ធ្នូនេះ។ នេះបើតាមលោក ឆាយ ធី មន្ត្រីសម្របសម្រួលនៃសមាគមអាដហុករតនគីរី។
មន្ត្រីសមាគមអាដហុករូបនេះបានប្រាប់សារព័ត៌មានថ្មីៗថា ក្រុមម៉ុងតាញ៉ានេះមានគ្នា៨នាក់ ក្នុងនោះមានស្រី១នាក់ បានចេញពីក្នុងព្រៃរតនគីរី មកជួបជាមួយអង្គការសហប្រជាជាតិ។ ក្រោយពីបានជួបជាមួយពួកគេ អង្គការសហប្រជាជាតិUNបានសហការជាមួយមន្ត្រីក្រសួងមហា និងអាជ្ញាធរខេត្ត បញ្ជូនពួកទៅស្នងការខេត្តដើម្បីសាកសួរចម្លើយ ក្រោយពីបញ្ចប់ការសួរពួកគេនឹងបញ្ជូនទៅស្នាក់ការអង្គការសហប្រជាជាតិបណ្ដោះអាសន្ន«នៅពេលនេះអាជ្ញាធរបានសួរនាំពួកគាតសិន ក្រោយពីចប់ការសួរនាំ អាជ្ញាធរនឹងបញ្ជូនពួកគេបន្ដទៅUNដើម្បីស្នាក់នៅបណ្ដោះអាសន្ន រងចាំជួយពួកគេនៅសល់បន្ថែមទើបUNនឹងដោះស្រាយបញ្ហាពួកគេ»។
បើតាមលោកឆាយ ធី ការរត់គេចខ្លួនរបស់ក្រុមម៉ុងតាញ៉ាពីប្រទេសវៀតណាមនេះ គឺដោយសារតែពួកគេទាំងនេះបានរងការកៀបសង្កត់បិទសិទ្ធិសេរីភាពផ្នែកសាសនា ការប្រើប្រាស់ប្រព័ន្ធអ៊ីនធើណេត និងការរំលោភបំពានដីធ្លីពីអាជ្ញាធរវៀតណាមជាដើម។
អង្គការសហប្រជាជាតិ បាននិងកំពុងតាមរកក្រុមម៉ុងតាញ៉ាវៀតណាមចំនួន៥នាក់ទៀត ដែលកំពុងរត់គេចចូលទៅក្នុងព្រៃ។ គួរបញ្ជាក់ថា ក្រុមម៉ុងតាញ៉ានេះ បានគេចខ្លួនពីប្រទេសវៀតណាម ចូលមករស់នៅក្នុងប្រទេសកម្ពុជាកាលពីចុងខែតុលាកន្លងមក៕
© រក្សាសិទ្ធិដោយ thmeythmey.com