កំណាព្យ៖ ប័ណ្ណបើកបុក

ជាតិ

សង្គមជាតិ

កំណាព្យ៖ ប័ណ្ណបើកបុក

20, Dec 2014 , 8:20 pm

រូបភាព

ដោយ: ថ្មីៗ

ប័ណ្ណបើកបុក

                                   (បទជាប់ទង)
    -រៀនបើកស្ទាត់    អត់តែប័ណ្ណ    កាន់ក្នុងដៃ
    បើករាល់ង៉ៃ    គ្មានឆ្គងអ្វី    អីត្រង់ណា
    ទោះលឿនយឺត    ពឺតម៉ាអស់    ខ្សោះកាយា
    ជាន់កប់ហ្គា    ម៉ាឈ្នះដៃ    ក្ស័យកុំគិត។
    -អ្នកបើកឡាន    បានប៉ិនខ្ញុំ    សូមសរសើរ
    បើកដូចហើរ    បើទោះលឿន    ភឿនឆ្ងាយជិត
    មិនហ៊ានក្បែរ    តែខ្ញុំបរ    ក៏មិនប្រិត
    ស្អុយជីវិត    ក៏មិនគិត    រិតតែហ៊ាន។
    -ប័ណ្ណបើកបរ    ក៏ចង់បាន    ស្រាន្តតែម្តង
    មិនប្រលង    ចងតែប្រាក់    ដាក់ទៅកៀន
    ឲ្យសាលា    ថាបើកប៉ិន    មិនបាច់រៀន
    គ្រូបំពាន    ហ៊ានឲ្យប័ណ្ណ    កាន់ក្នុងដៃ។
    -បើកចូលក្រុង    ហ៊ានអាត់អុង    ក្នុងហ្វូងមនុស្ស
    បើកទម្លុះ    ទោះប៉ូលិស    ជិះយប់ថ្ងៃ
    បើកមិនខ្លាច    អំណាចប័ណ្ណ    កាន់ក្នុងដៃ
    ប័ណ្ណកាឡៃ    ច្នៃពីប្រាក់    ដាក់ស៊កគេ។
    -ប័ណ្ណបើកបរ    ល្អពេលមាន    ហ៊ានបើកបុក
    ប័ណ្ណមានទុក្ខ    មុខតែស៊យ    ក្រោយបុកគេ
    ប័ណ្ណដូរប្រាក់    ដាក់យកមក    ស៊កប៉ាន់មេ
    ប័ណ្ណខុសគេ    ទ្វេទុក្ខខ្លួន    សូន្យជីវិត។
    -ដូច្នេះហើយ    ឲ្យលោកអ្នក    ទាក់ទងរៀន
    កុំខ្មាសអៀន    រៀនបើកបរ    ល្អពិតៗ
    រៀនឲ្យចេះ    វេះស៊កប៉ាន់    កាន់ប័ណ្ណពិត
    ថែជីវិត    គិតអ្នកផង    ដងផ្លូវយើង៕
   និពន្ធដោយ៖ វិឆ័យ សុភី

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

6 ថ្ងៃ

«ប្រទានកម្ម»មានន័យដូចម្តេច?

1 ថ្ងៃ

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

2 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

3 ថ្ងៃ

រវាង «លស់» «លួស» និង «លោះ» មានអត្ថន័យខុសគ្នាដូចម្តេច?

1 សប្តាហ៍

អត្ថបទពេញនិយមបន្ថែម