ជាតិ
ពីនេះ ពីនោះ
នៅក្នុងប្រទេសរំដួល មន្ត្រីខ្លះចូលចិត្តកាច់កុង និងប៉ែងជើងគ្នា ជាជាងធ្វើការ!
×
នៅក្នុងប្រទេសអភិវឌ្ឍន៍ជឿនលឿន មន្ត្រីធើ្វការយ៉ាងហ្មត់ចត់ដើម្បីបង្ហាញពីសមិទ្ធផល ឬផលិតភាពជូនស្ថាប័នរបស់ខ្លួន។ ប៉ុន្តែនៅក្នុងប្រទេសរំដួលវិញ មន្ត្រីមួយចំនួនគិតតែពីកាច់កុងគ្នា ប៉ែងជើងគ្នា បង្កើតក្រុមបក្សពួក ឬបង្កើតគំនិតកិបកេងប្រាក់ពីរដ្ឋ។
នៅតាមក្រសួងមួយចំនួននៃប្រទេសរំដួល មន្ត្រីធ្វើការតាមខ្សែ កាច់កុងគ្នាគ្រប់ពេលវេលាដោយសារតែផលប្រយោជន៍ផ្ទាល់ខ្លួន និងបក្សពួករបស់ខ្លួន។ មន្ត្រីដែលមិនស្ថិតនៅក្នុងខ្សែរបស់ថ្នាក់លើ មន្ត្រីនោះ ពិតជាត្រូវបានគេបញ្ឈរជើងជាក់ជាពុំខាន។
ដោយសារតែការច្រណែនគ្នា មើលបំណាំគ្នាទៅវិញទៅមក មន្ត្រីនៃប្រទេសរំដួលមិនធ្វើការអ្វីទាំងអស់។ ពួកគេគ្រាន់តែមកកន្លែងធ្វើការដើម្បីបង្ហាញវត្តមានប៉ុណ្ណោះ។ នេះហើយគឺជារបៀបធ្វើការនៅក្នុងប្រទេសរំដួល៕
© រក្សាសិទ្ធិដោយ thmeythmey.com