ជាតិ
អាជ្ញាធរអប្សារាបើកការស្រាវជ្រាវ និងថ្កោលទោសករណីរូបភាពអាក្រាតស្ត្រីម្នាក់នៅអង្គរ
×![]()
ដោយ: ថ្មីៗ
អាជ្ញាធរអប្សរា តាមរយៈសេចក្តីប្រកាសព័ត៌មានរបស់ខ្លួននៅថ្ងៃទី២៤ ខែមករា ឆ្នាំ២០១៥ បានធ្វើការថ្កោលទោសចំពោះរូបភាពអាក្រាតពាក់កណ្តាលខ្លួនរបស់ស្ត្រីម្នាក់ឈរនៅមុខប្រាសាទអង្គ ហើយត្រូវបានផ្សព្វផ្សាយតាមបណ្តាញសង្គមហ្វេសប៊ុកនារយៈពេលចុងក្រោយនេះ។
អាជ្ញាធរដែលទទួលបន្ទុកអភិរក្សតំបន់អង្គរ បានលើកឡើងថា ការថតបង្ហាញកាយអាក្រាតរបស់ស្ត្រីនោះ ជាអំពើដែលប្រាសចាកផ្ទុយទាំងស្រុងពីសីលធម៌ និងវប្បធម៌ខ្មែរ ព្រមទាំងនាំឲ្យមានការអាប់ឱនយ៉ាងធ្ងន់ធ្ងរដល់បេតិកភណ្ឌ និងកិត្តិយសនារីភេទ។
ស្ថាប័នរដ្ឋាភិបាលមួយនេះ ប្រកាសបើកការស្រាវជ្រាវរកការពិត ព្រមទាំងប្តេជ្ញាអនុវត្តនីតិវិធីច្បាប់ដើម្បីផ្តន្ទាទោសចំពោះការប្រព្រឹត្តបែបអាសអាភាស និងខ្វះការពិចារណាបែបនេះ។ បន្ថែមពីលើនេះ អាជ្ញាធរអប្សរា ស្នើសុំឲ្យមានកិច្ចសហការពីមហាជនក្នុងការផ្តល់ព័ត៌មានជាតម្រុយដែលអាចនាំឲ្យរកឃើញការពិត និងដើម្បីលើកកម្ពស់កិត្យានុភាពនៃវប្បធម៌ខ្មែរ។
មិនទាន់មានការអះអាងជាផ្លូវការណាមួយថា រូបទាំងនោះ ជារូបភាពពិត ឬក៏ជារូបកាត់ត យ៉ាងណានោះឡើយ៕
អាជ្ញាធរដែលទទួលបន្ទុកអភិរក្សតំបន់អង្គរ បានលើកឡើងថា ការថតបង្ហាញកាយអាក្រាតរបស់ស្ត្រីនោះ ជាអំពើដែលប្រាសចាកផ្ទុយទាំងស្រុងពីសីលធម៌ និងវប្បធម៌ខ្មែរ ព្រមទាំងនាំឲ្យមានការអាប់ឱនយ៉ាងធ្ងន់ធ្ងរដល់បេតិកភណ្ឌ និងកិត្តិយសនារីភេទ។
ស្ថាប័នរដ្ឋាភិបាលមួយនេះ ប្រកាសបើកការស្រាវជ្រាវរកការពិត ព្រមទាំងប្តេជ្ញាអនុវត្តនីតិវិធីច្បាប់ដើម្បីផ្តន្ទាទោសចំពោះការប្រព្រឹត្តបែបអាសអាភាស និងខ្វះការពិចារណាបែបនេះ។ បន្ថែមពីលើនេះ អាជ្ញាធរអប្សរា ស្នើសុំឲ្យមានកិច្ចសហការពីមហាជនក្នុងការផ្តល់ព័ត៌មានជាតម្រុយដែលអាចនាំឲ្យរកឃើញការពិត និងដើម្បីលើកកម្ពស់កិត្យានុភាពនៃវប្បធម៌ខ្មែរ។
មិនទាន់មានការអះអាងជាផ្លូវការណាមួយថា រូបទាំងនោះ ជារូបភាពពិត ឬក៏ជារូបកាត់ត យ៉ាងណានោះឡើយ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
