ជាតិ
សង្គមជាតិ
×![]()
ដោយ: ខន ចំប៉ា
សាលារាជធានីភ្នំពេញ កាលពីថ្ងៃទី២៥ខែកុម្ភៈកន្លងទៅ បានបើកកិច្ចប្រជុំពិភាក្សាមួយ ជាមួយតំណាងស្ថាតទូតបារាំងប្រចាំនៅកម្ពុជា ក្រុមវិស្វករបារាំង និងតំណាងសាលាក្តីខ្មែរក្រហម ជុំវិញសំណើសាងសង់ស្តូបរំលឹករបបរបបកម្ពុជាប្រជាធិបតេយ្យ ឬរបបខ្មែរក្រហម។
ស្ថាតទូតបារាំងប្រចាំនៅកម្ពុជា ក្រុមវិស្វករបារាំង និងសាលាក្តីខ្មែរក្រហម បានស្នើឲ្យរាជរដ្ឋាភិបាលកម្ពុជា សាងសង់ស្តូបរំលឹករបបកម្ពុជាប្រជាធិបតេយ្យ នាពេលឆាប់ៗខាងមុខ ដើម្បីរំលឹកនូវដំណាក់កាលនៃការចាប់ផ្តើមនៃរបបខ្មែរក្រហម រំលឹកអំពីការជម្លៀសប្រជាជនចេញពីក្រុងភ្នំពេញ នាថ្ងៃ១៧មេសា ឆ្នាំ១៩៧៥ និងឧទ្ទិសដល់ជនរងគ្រោះដែលបានស្លាប់បាត់បង់ជីវិតនារបបប្រល័យពូជសាសន៍នោះ។
ថ្លែងប្រាប់សារព័ត៌មានថ្មីៗនៅថ្ងៃទី២៧កុម្ភៈនេះ លោក ឡុង ឌីម៉ង់ បានបន្តថា ស្តូបរំលឹករបបខ្មែរក្រហមនោះ នឹងត្រូវសាងសង់ឡើងតាមស្ថាបត្យកម្មបែបទំនើប ដែលមានរូបមនុស្សលើកដៃសំពះក្រឡាប់ក្បាលចុះក្រោម និងមានទឹកនៅខាងក្រោម។ តាមគម្រោង ស្តូបរំលឹករបបខ្មែរក្រហមនេះ នឹងសាងសង់នៅសួនច្បារមុខស្ថាតទូតបារាំង ក្បែររង្វង់មូលកាំភ្លើងគួចកាណុង។
តែយ៉ាងណាក៏ដោយ គម្រោងនេះមិនទាន់ត្រូវបានអនុញាតឲ្យសាងសង់នៅឡើយ ព្រោះសាសារាជធានីភ្នំពេញ ត្រូវយកសំណើនេះដាក់ជូនរាជរដ្ឋាភិបាលកម្ពុជា និងត្រូវពិចារណាពីទីតាំងដែលស្នើឡើង ព្រមទាំងរចនាបថរូបសំណាកដែលត្រូវសាងសង់ផងដែរ។ នេះបើតាមអ្នកនាំពាក្យសាលារាជធានីភ្នំពេញដដែល៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
