ជាតិ
សង្គមជាតិ
×![]()
ដោយ: ថ្មីៗ
អង្គការតម្លាភាពកម្ពុជា នឹងដឹកនាំក្រុមយុវជន អ្នកស្រលាញ់ព្រៃឈើ ធនធានធម្មជាតិ ប្រមាណជា៣០នាក់ ធ្វើដំណើរទស្សនកិច្ចទៅតំបន់អារ៉ែង រយៈពេល៣ថ្ងៃ គឺចាប់ពីថ្ងៃទី៧ដល់ថ្ងៃទី៩ មីនាខាងមុខ។ នេះបើតាមលោក ព្រាប កុល នាយកប្រតិបត្តិនៃអង្គការតម្លាភាព។
លោក ព្រាប កុល បានបន្ថែមថា គោលបំណងទៅតំបន់អារ៉ែងនេះ គឺដើម្បីស្គាល់ឲ្យបានច្បាស់ពីតំបន់អារ៉ែង ។សិក្សាស្វែងយល់បន្ថែមពីធនធានធម្មជាតិនិងសក្តានុពលតំបន់អារ៉ែង ។ ជាពិសេសគឺចង់ជំរុញឲ្យយុវជន អ្នកស្រលាញ់ព្រៃឈើចូលរួមគាំទ្រ និងការពារធនធានតំបន់ព្រៃឈើព្រោះតំបន់អារ៉ែងនេះគឺជាតំបន់ព្រៃឈើចុងក្រោយរបស់ប្រទេសកម្ពុជា ។
បើតាមនាយកប្រតិបត្តិនៃអង្គការតម្លាភាពរូបនេះ សកម្មភាពទៅតំបន់អារ៉ែងនាពេលនេះ ក៏ដើម្បីសិក្សាពីលទ្ធភាពក្នុងការជួយគាំទ្រដល់ប្រជាសហគមន៍នៅតំបន់អារ៉ែងផងដែរ។ លោកកន្លងមក លោក ព្រាប កុល បានបញ្ជាក់ថា រូបលោកផ្ទាល់បានស្គាល់តំបន់អារ៉ែងនេះ ក៏ដោយសារតែលោកអាឡិចដែរ។
លោក ព្រាប កុល បានបន្ថែមថា៖«ចង់មិនចង់យើងត្រូវទទួលស្គាល់ថាអាឡិចបានធ្វើឲ្យប្រជាពលរដ្ឋខ្មែរច្រើននាក់ស្គាល់តំបន់អារ៉ែង ក្នុងនោះមានខ្ញុំម្នាក់ដែរ»។
គួរបញ្ជាក់ដែរថា តំបន់អារ៉ែងនេះ បានក្លាយជាតំបន់យកចិត្តទុកដាក់ខ្លាំងក្លាបំផុតពីប្រជាពលរដ្ឋ សង្គមស៊ីវិលនានា បន្ទាប់ពីលោកអាឡិច ជនជាតិអេស្បាញ ដែលចេញមុខតវ៉ាយ៉ាងខ្លាំងក្លាប្រឆាំងនឹងរដ្ឋាភិបាលក្នុងការសាងសង់ទំនប់វារីអគ្គិសនីអារ៉ែងនេះ ។ ហើយលោក អាឡិច ក៏បានណែនាំឲ្យប្រជាពលរដ្ឋកម្ពុជា និងអន្តរជាតិបានស្គាល់ពីធនធានធម្មជាតិ និងសក្តានុពលតំបន់អារ៉ែងនេះផងដែរ មុននឹងរូបលោកត្រូវបានបណ្ដេញចេញពីប្រទេសកម្ពុជា ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
