ជាតិ
ទឹកប្រាក់កម្ចីជាង២៧លានដុល្លារពីជប៉ុនបានជួយផ្គត់ផ្គង់អនុស្ថានីយ៍អគ្គីសនីកំពត និងព្រះសីហនុ
អគ្គីសនី២
×![]()
ដោយ: ធឿន បញ្ញាឬទិ្ធ
ទឹកប្រាក់កម្ចីអភិវឌ្ឍន៍ផ្លូវការរបស់ជប៉ុនជាង២៧លានដុល្លារបានជួយដល់អគ្គិសនីកម្ពុជា ក្នុងដំណើរការសាងសង់ខ្សែបញ្ជូនអគ្គិសនីចាប់ពីអនុស្ថានីយ៍អគ្គិសនីកំពត ទៅអនុស្ថានីយ៍អគ្គិសនីស្ទឹងហាវ។ហើយអនុស្ថានីយ៍អគ្គិសនីទាំងពីរនេះ និងជួយផ្គត់ផ្គង់អគ្គិសនីគ្រប់គ្រាន់មកដល់រាជធានីភ្នំពេញក្នុងឆ្នាំ២០១៦ផងដែរ។
ថ្លែងចំពោះមុខអ្នកកាសែត អនុប្រធាននាយកដ្ឋានផែនការយុទ្ធសាស្ត្រ និងគម្រោងអភិវឌ្ឍន៍ថាមពលអគ្គិសនីលោក ឈីម ម៉ាន បានបញ្ជាក់ថា ប្រាក់កម្ចីសម្បទាននេះ គឺបានផ្ដល់ផលប្រយោជន៍ដល់ប្រទេសកម្ពុជាក្នុងការបង្កើនថាមពលអគ្គិសនី ក្នុងអនុស្ថានីយ៍អគ្គិសនីកំពត និងអនុស្ថានីយ៍អគ្គិសនីស្ទឹងហាវ ។ លោកបន្ថែមថា រដ្ឋាភិបាលកម្ពុជា និងជប៉ុន ក៏កំពុងសិក្សាលើគម្រោងអភិវឌ្ឍន៍អគ្គិសនីបន្ថែមនៅកម្ពុជាបន្ដទៀត។
បើតាមរបាយការណ៍គម្រោងអភិវឌ្ឍន៍ថាមពលអគ្គិសនីមហាតំបន់ទន្លេមេគង្គ បានឲ្យដឹងថា ទឹកប្រាក់កម្ចីជាង២៧លានដុល្លារនេះ បានយកទៅសាងសង់ខ្សែបញ្ជូនអគ្គិសនីតង់ស្យុងខ្ពស់ ២៣០គីឡូវ៉ុល ចំនួន២សៀគ្វី ចាប់ចាប់ពីអនុស្ថានីយ៍អគ្គិសនីកំពត ទៅអនុស្ថានីយ៍អគ្គិសនីស្ទឹងហាវ មានប្រវែង៨៨គីឡូម៉ែត្រ ដែលមានខ្សែបញ្ជូនចំនួន២៤០បង្គោល ដោយចំណាយទឹកប្រាក់២០.៩៩០.០០០ ដុល្លារ។ដោយឡែកការសាងសង់ខ្សែបញ្ជូនអគ្គិសនីតង់ស្យុងខ្ពស់ ១១៥គីឡូវ៉ុលចំនួន២សៀគ្វី ចាប់ចាប់ពីអនុស្ថានីយ៍អគ្គិសនីស្ទឹងហាវបញ្ជូនទៅអនុស្ថានីយ៍អគ្គិសនីក្រុងព្រះសីហនុ មានប្រវែង១២គីឡូម៉ែត្រដែលមានខ្សែបញ្ជូនចំនួន៣២បង្គោល ដោយចំណាយទឹកប្រាក់៦.៧៣៦.៥៦៩ ដុល្លារ។ គម្រោងនៃការសាងសង់ទាំងនេះបានបញ្ចប់ការងារសាងសង់ជាស្ថាពរ និងបានដាក់ឲ្យដំណើការប្រើប្រាស់កាលពីខែសីហា ឆ្នាំ២០១៤កន្លងទៅ។
គួរបញ្ជាក់ថា ប្រទេសជប៉ុនបានចូលរួមស្ដារ និងអភិវឌ្ឍន៍ប្រទេសកម្ពុជា ចាប់តាំងពីឆ្នាំ១៩៩១មក។ ជប៉ុនបានកំណត់គោលការណ៍ផ្ដល់ជំនួយដល់ប្រទេសកម្ពុជា ក្នុងវិស័យអទិភាពចំនួន៣ក្នុងនោះរួមមាន ការពង្រឹងមូលដ្ឋានសម្រាប់សកម្មភាពសេដ្ឋកិច្ច ការលើកកម្ពស់ការអភិវឌ្ឍន៍សង្គម និងការពង្រឹងអភិបាលកិច្ចល្អ។
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
