ជាតិ
មនុស្ស៦នាក់ស្លាប់១៤នាក់របួសក្នុងគ្រោះថ្នាក់ចរាចរណ៍ម្សិលមិញ
×
មនុស្សចំនួន៦នាក់ និង១៤នាក់បានរងរបួសធ្ងន់ និងស្រាលនៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន១១លើកនៅទូទាំងប្រទេស កាលពីថ្ងៃទី២៧ខែកុម្ភៈឆ្នាំ ២០១៥ម្សិលមិញ។ នេះបើយោងតាមការចុះផ្សាយនៅក្នុងគេហទំព័រអគ្គស្នងការនគរបាលជាតិ។
បើតាមប្រភពដដែល គ្រោះថ្នាក់ចរាចរណ៍ទាំង១១លើកនោះ បានបណ្តាលឲ្យខូចខាតយានយន្តចំនួន១៤គ្រឿង ក្នុងនោះមានម៉ូតូចំនួន៨គ្រឿង រថយន្តធុនតូច៥គ្រឿង និងរថយន្តធុនធំ១គ្រឿង និងអ្នកថ្មើរ២នាក់។
មូលហេតុដែលនាំឲ្យកើតមានគ្រោះថ្នាក់ចរាចរណ៍ គឺបណ្តាលមកពីការបើកបរហួសល្បឿនចំនួន៣លើក មិនប្រកាន់ស្តាំ២លើក មិនគោរពសិទ្ធិ២លើក ស្រវឹង៣លើក និងបត់គ្រោះថ្នាក់១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន១១នាក់។
ដោយឡែកយានយន្តដែលទទួលរងការផាកពិន័យនៅអង្គភាពមានចំនួន៧១៥គ្រឿង និងម៉ូតូចំនួន១,១៦៨គ្រឿង៕
© រក្សាសិទ្ធិដោយ thmeythmey.com