ជាតិ
រយៈពេល២ខែ មនុស្ស៤០១នាក់បានស្លាប់ និង១៥៥៨នាក់របួស ព្រោះគ្រោះថ្នាក់ចរាចរណ៍
×
មនុស្សចំនួន៤០១នាក់បានស្លាប់បាត់បង់ជីវិត និងចំនួន១៥៥៨នាក់បានរងរបួសធ្ងន់និងស្រាល ដោយសារគ្រោះថ្នាក់ចរាចរណ៍ ក្នុងរយៈពេល២ខែដើមឆ្នាំ២០១៥នេះ។ នេះបើយោងតាមការចុះផ្សាយនៅក្នុងគេហទំព័ររបស់អគ្គស្នងការនគរបាលជាតិ។
បើតាមប្រភពដដែល ក្នុងខែមករា និងខែកុម្ភៈ ករណីគ្រោះថ្នាក់ចរាចរណ៍ដែលបានកើតឡើងចំនួន៨៦៧លើក បណ្តាលឲ្យខូចខាតយានយន្តចំនួន១៤៣៨គ្រឿង ក្នុងនោះមានម៉ូតូចំនួន៩២៥គ្រឿង រថយន្តធុនតូចចំនួន២៩១គ្រឿង រថយន្តធុនធំចំនួន១២៣គ្រឿង យានយន្តផ្សេងខូចខាតចំនួន៩៩គ្រឿង អ្នកថ្មើរជើងចំនួន៤២នាក់ និងអ្នកជិះម៉ូតូមិនពាក់មួកសុវត្ថិភាពចំនួន៧២៣នាក់៕
© រក្សាសិទ្ធិដោយ thmeythmey.com