សេដ្ឋកិច្ចអន្តរជាតិ
អន្តរជាតិ
×![]()
ដោយ: ថ្មីៗ
ការិយាល័យស្ថិតិជាតិ (NBS) របស់ប្រទេសចិនបានចេញផ្សាយរបាយការណ៍មួយកាលពីពេលថ្មីៗនេះ ស្ដីពីការអភិវឌ្ឍសេដ្ឋកិច្ចនិងសង្គម នៅក្នុងប្រទេសចិន ដែលសម្រេចបាននៅក្នុងឆ្នាំ២០១៤ ។អនុប្រធានការិយាល័យស្ថិតិជាតិលោក XieHongguangបាននិយាយថារបាយការណ៍នេះ បានគូសបញ្ជាក់អំពីកំណើនសេដ្ឋកិច្ចចិន ដែលកំពុងបន្តបង្កើនប្រសិទ្ធិភាពនៃរចនាសម្ព័ន្ធសេដ្ឋកិច្ច គុណភាពកំណើនសេដ្ឋកិច្ច និងការរីកចម្រើននៃគុណភាពជីវិតប្រជាជនចិន។
ខាងក្រោមនេះគឺតួរលេខដ៏សំខាន់មួយចំនួនលើការអភិវឌ្ឍសេដ្ឋកិច្ចនិងសង្គមរបស់ប្រទេសចិនក្នុងឆ្នាំ ២០១៤ ធៀបទៅនឹងឆ្នាំ ២០១៣ ៖
- ចំនួនប្រជាជនចិនសរុប ១៣៦៨ លាននាក់ គិតត្រឹមចុងឆ្នាំ ២០១៤ នេះដោយបានកើនឡើង ៧,១ លាននាក់ ។
- ផលិតផលក្នុងស្រុកសរុបរបស់ចិន (GDP) បានកើន ៧,៤ភាគរយ ដែលគិតជាទឹកប្រាក់ប្រមាណជា ១០៣៧ ពាន់លានដុល្លារ ។
- សន្ទស្សន៍តម្លៃទំនិញប្រើប្រាស់ (CPI) ដែលជាការវាស់វែងពីអតិផរណាបានកើនឡើង ២ ភាគរយទាបជាងគោលដៅរបស់រដ្ឋាភិបាលដែលបានព្យាករណ៍ថាមាន ៣,៥ ភាគរយ។
- ប្រជាជនចិន ៧៧២,៥៣លាននាក់ មានការងារធ្វើក្នុងនោះ ៣៩៣,១លាននាក់មានការងារធ្វើនៅក្នុងទីក្រុង ហើយការងារថ្មីចំនួន ១៣,២២ លានត្រូវបានបង្កើតឡើងខណៈអត្រាគ្មានការងារធ្វើក្នុងទីក្រុងមាន ៤,៩ ភាគរយ។
- ចំនួននៃកម្មករចំណាកស្រុកចេញពីជនបទមានចំនួន ២៧៣,៩៥ លាននាក់ ដែលស្មើនឹង ២០ ភាគរយនៃចំនួនប្រជាជនចិនសរុប។
- ទុនបម្រុងបរទេស(foreign reserves)របស់ប្រទេសចិនមានចំនួនសរុប ៣,៨៤ពាន់ពាន់លានដុល្លារអាមេរិក។
- រូបិយប័ណ្ណប្រាក់យន់បានឡើងថ្លៃ ០,៨ ភាគរយ ឬស្មើនឹង ៦,១៤២៨ ធៀបនឹងប្រាក់ដុល្លារអាមេរិក។
- ចំណូលសារពើពន្ធរបស់ប្រទេសចិនបានកើនឡើង ៨,៦ ភាគរយឬ២,២៤ ពាន់ពាន់លានដុល្លារក្នុងនោះចំណូលពីវិស័យពន្ធមានចំណួន ១,៩ ពាន់ពាន់លានដុល្លារ។
- ទំហំពាណិជ្ជកម្មក្រៅប្រទេស បានកើនឡើង ២,៣ ភាគរយ ដែលគិតជាទឹកប្រាក់ប្រមាណជា ៤,២២ពាន់ពាន់លានដុល្លារ។អតិរេកពាណិជ្ជកម្មមានចំនួន ៣៨០ ពាន់លានដុល្លារ ។
- ការវិនិយោគផ្ទាល់ពីបរទេស(FDI)ក្នុងប្រទេសចិនបានកើនឡើង ១,៧ ភាគរយគិតជាទឹកប្រាក់មានចំនួន ដល់ ១៩,០៩ពាន់ពាន់លានដុល្លារ។
- GDP per capita សម្រាប់អ្នករស់នៅទីក្រុងមានចំនួនជាង ៤៦០០ ដុល្លារ។ខណៈGDP per capita សម្រាប់អ្នករស់នៅជនតាមជនបទមានចំនួនជាង ១៦៧៤ ដុល្លារ។
- ទិន្នផលស្រូវរបស់ប្រទេសចិនបានកើនឡើង ០,៩ ភាគរយធៀបទៅនឹងឆ្នាំមុន គឺមានប្រមាណជា ៦០៧,១ លានតោន។
- ការវិនិយោគនៅក្នុងការអភិវឌ្ឍអចលនទ្រព្យបានកើនឡើងដល់ ១,៥២ ពាន់ពាន់លានដុល្លារ ខណៈការវិនិយោគលើទ្រព្យសកម្មមានប្រមាណជា ៨,១៨ ពាន់ពាន់លានដុល្លារ។
- ការលក់រាយទំនិញប្រើប្រាស់បានកើនឡើង ១២ ភាគរយដល់ ៤,១៩ ពាន់ពាន់លានដុល្លារ។
- ការលក់ទំនិញអនឡាញបានកើនឡើង ៤៩,៧ ភាគរយ ដែលគិតជាទឹកប្រាក់ប្រមាណជា ៤៥០ ពាន់លានដុល្លារ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
