ជាតិ
នយោបាយជាតិ
រដ្ឋមន្ត្រី ៤រូប សន្យាអភិវឌ្ឍន៍ភ្នំបូកគោ ឲ្យក្លាយទៅជាគោលដៅទេសចរណ៍ជំនឿដ៏សំខាន់
×![]()
ដោយ: ធឿន បញ្ញាឬទិ្ធ
រដ្ឋមន្ត្រីក្រសួងចំនួន៤ សន្យាថា នឹងអភិវឌ្ឍន៍រមណីយដ្ឋាន តំបន់ភ្នំបូកគោ ឲ្យក្លាយទៅជាគោលដៅទេសចរណ៍ដ៏សំខាន់ ជាងនេះបន្ថែមទៀត។ ការសន្យានេះធ្វើឡើងក្រោយពីជំនួបពិភាក្សាគ្នា ជាមួយប្រធានគណៈកម្មាការទី៧ នៃរដ្ឋសភា កាលពីរសៀលថ្ងៃទី៩ មីនា នេះ នៅវិមានរដ្ឋសភា។ 
រដ្ឋមន្ត្រីទាំង៤រូបនោះ រួមមានលោក ថោង ខុន រដ្ឋមន្ត្រីក្រសួងទេសចរណ៍ លោក ហង់ ជួនណារ៉ុន រដ្ឋមន្ត្រីក្រសួងអប់រំ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងលោក មិន ឃិន រដ្ឋមន្ត្រីក្រសួងធម្មការ និងសាសនា ។ រដ្ឋមន្ត្រីទាំង ៤ រូបនេះ សុទ្ធតែសន្យា នៅចំពោះមុខគណៈកម្មការទី ៧ នៃរដ្ឋសភាថា ពួកគេនឹងអភិវឌ្ឍន៍តំបន់ភ្នំបូកគោ ឲ្យក្លាយទៅជាគោលដៅទេសចរណ៍ជំនឿដ៏សំខាន់ និងឲ្យមានរបៀបរៀបរយល្អ។
ថ្លែងចំពោះមុខអ្នកកាសែតរដ្ឋមន្ត្រីក្រសួងទេសចរណ៍ លោក ថោង ខុន មានប្រសាសន៍ថា លោកនឹងរៀបចំតំបន់បូកគោទាំងនោះ ឲ្យក្លាយទៅជាតំបន់គោលដៅទេសចរណ៍ផ្នែកជំនឿ ។ ជាមួយគ្នានេះលោកនឹងរឹតបន្តឹងតំបន់ ទាំងនោះ ឲ្យមានសណ្ដាប់ធ្នាប់ត្រឹមត្រូវល្អ ដែលអាចទាក់ទាញភ្ញៀវទេសចរបន្ថែមទៀត។ « តំបន់វាំងកូន និងវាល៥០០ ជាតំបន់ដែលត្រូវរៀបចំឲ្យបានល្អ។ យើងនឹងគ្រប់គ្រងភ្ញៀវទេសចរនៅតំបន់នេះ មិនឲ្យទៅដេកពាសវាលពេញព្រៃ មិនឲ្យមានយកស៊ីម៉ង់ត៍ទៅបិទខ្ទាប់ឲ្យខូចតំបន់ប្រវត្តិសាស្ត្រនោះទេ។ ហើយយើងរៀបចំផ្លូវទៅកាន់ទីនោះឲ្យបានល្អ និងរៀបចំសន្ដិសុខឲ្យបានល្អជាដើម »។ នេះជាការអះអាងរបស់លោក ថោង ខុន។បើតាមលោករដ្ឋមន្ត្រីរូបនេះ ទេសចរសាសនាបច្ចុប្បន្ននេះ គឺជាប្រភេទទេសចរមួយដែលសកលលោកកំពុងជំរុញនិងយកចិត្តទុកដាក់បំផុត ដូចជាប្រទេសឥណ្ឌា និងអារ៉ាប់ជាដើម ។
កន្លងមកនៅតំបន់បូកគោនេះមានមតិមួយចំនួនលើកឡើងថា មានផ្នូររបស់ជនជាតិវៀតណាម និងមានវិហារចិន ដែលពួកគេព្រួយបារម្ភថា អាចបាត់បង់អរិយធម៌របស់ខ្មែរ។ តែជុំវិញបញ្ហានេះលោកស្រី ភឿង សកុណា រដ្ឋមន្ត្រីក្រសួងវប្បធម៌ បញ្ជាក់ថា បញ្ហានេះលោកស្រីនឹងបញ្ជូនអ្នកឯកទេសទៅសិក្សាអំពីផ្នូរនោះ ដើម្បីរកមូលហេតុឲ្យបានច្បាស់លាស់សិន មុននឹងវាយតម្លៃ ។ លោកស្រីបន្ថែមថា៖ « សូមកុំទាន់វាយតម្លៃលើបញ្ហាផ្នូរនេះ សូមទុកពេលឲ្យពួកយើងធ្វើការសិក្សាស្រាវជ្រាវតាមផ្នែកនីមួយៗសិន» ។
ចំណែកបញ្ហាវិហារចិននៅទីនោះ រដ្ឋមន្ត្រីក្រសួងធម្មការនិងសាសនា លោក មិន ឃិន មានប្រសាសន៍ថា លោកនឹងដឹកនាំក្រុមការងារចុះទៅត្រួតពិនិត្យនៅទីនោះ ឲ្យបានគ្រប់ជ្រុងជ្រួយ ដើម្បីស្វែងយល់បន្ថែមថា តើមានផលប៉ះពាល់ដល់តំបន់ទេសចរណ៍ដូចប្រជាពលរដ្ឋព្រួយបារម្ភដែររឺទេ ?
ប្រធានគណៈកម្មាការទី៧ នៃរដ្ឋសភា លោក យ៉ែម បុញ្ញាឬទ្ធិ មានប្រសាសន៍ថា ការកោះអញ្ជើញរដ្ឋមន្ត្រី៤រូបមក សាកសួរនៅពេលនេះគឺដើម្បីចង់ដឹងពីបញ្ហានៅតំបន់បូកគោ និងចង់ដឹងពីការលទ្ធភាពនៃដំណើរការអភិវឌ្ឍន៍តំបន់ទេសចរណ៍បូកគោនេះ៕
រដ្ឋមន្ត្រីទាំង៤រូបនោះ រួមមានលោក ថោង ខុន រដ្ឋមន្ត្រីក្រសួងទេសចរណ៍ លោក ហង់ ជួនណារ៉ុន រដ្ឋមន្ត្រីក្រសួងអប់រំ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងលោក មិន ឃិន រដ្ឋមន្ត្រីក្រសួងធម្មការ និងសាសនា ។ រដ្ឋមន្ត្រីទាំង ៤ រូបនេះ សុទ្ធតែសន្យា នៅចំពោះមុខគណៈកម្មការទី ៧ នៃរដ្ឋសភាថា ពួកគេនឹងអភិវឌ្ឍន៍តំបន់ភ្នំបូកគោ ឲ្យក្លាយទៅជាគោលដៅទេសចរណ៍ជំនឿដ៏សំខាន់ និងឲ្យមានរបៀបរៀបរយល្អ។
ថ្លែងចំពោះមុខអ្នកកាសែតរដ្ឋមន្ត្រីក្រសួងទេសចរណ៍ លោក ថោង ខុន មានប្រសាសន៍ថា លោកនឹងរៀបចំតំបន់បូកគោទាំងនោះ ឲ្យក្លាយទៅជាតំបន់គោលដៅទេសចរណ៍ផ្នែកជំនឿ ។ ជាមួយគ្នានេះលោកនឹងរឹតបន្តឹងតំបន់ ទាំងនោះ ឲ្យមានសណ្ដាប់ធ្នាប់ត្រឹមត្រូវល្អ ដែលអាចទាក់ទាញភ្ញៀវទេសចរបន្ថែមទៀត។ « តំបន់វាំងកូន និងវាល៥០០ ជាតំបន់ដែលត្រូវរៀបចំឲ្យបានល្អ។ យើងនឹងគ្រប់គ្រងភ្ញៀវទេសចរនៅតំបន់នេះ មិនឲ្យទៅដេកពាសវាលពេញព្រៃ មិនឲ្យមានយកស៊ីម៉ង់ត៍ទៅបិទខ្ទាប់ឲ្យខូចតំបន់ប្រវត្តិសាស្ត្រនោះទេ។ ហើយយើងរៀបចំផ្លូវទៅកាន់ទីនោះឲ្យបានល្អ និងរៀបចំសន្ដិសុខឲ្យបានល្អជាដើម »។ នេះជាការអះអាងរបស់លោក ថោង ខុន។បើតាមលោករដ្ឋមន្ត្រីរូបនេះ ទេសចរសាសនាបច្ចុប្បន្ននេះ គឺជាប្រភេទទេសចរមួយដែលសកលលោកកំពុងជំរុញនិងយកចិត្តទុកដាក់បំផុត ដូចជាប្រទេសឥណ្ឌា និងអារ៉ាប់ជាដើម ។
កន្លងមកនៅតំបន់បូកគោនេះមានមតិមួយចំនួនលើកឡើងថា មានផ្នូររបស់ជនជាតិវៀតណាម និងមានវិហារចិន ដែលពួកគេព្រួយបារម្ភថា អាចបាត់បង់អរិយធម៌របស់ខ្មែរ។ តែជុំវិញបញ្ហានេះលោកស្រី ភឿង សកុណា រដ្ឋមន្ត្រីក្រសួងវប្បធម៌ បញ្ជាក់ថា បញ្ហានេះលោកស្រីនឹងបញ្ជូនអ្នកឯកទេសទៅសិក្សាអំពីផ្នូរនោះ ដើម្បីរកមូលហេតុឲ្យបានច្បាស់លាស់សិន មុននឹងវាយតម្លៃ ។ លោកស្រីបន្ថែមថា៖ « សូមកុំទាន់វាយតម្លៃលើបញ្ហាផ្នូរនេះ សូមទុកពេលឲ្យពួកយើងធ្វើការសិក្សាស្រាវជ្រាវតាមផ្នែកនីមួយៗសិន» ។
ចំណែកបញ្ហាវិហារចិននៅទីនោះ រដ្ឋមន្ត្រីក្រសួងធម្មការនិងសាសនា លោក មិន ឃិន មានប្រសាសន៍ថា លោកនឹងដឹកនាំក្រុមការងារចុះទៅត្រួតពិនិត្យនៅទីនោះ ឲ្យបានគ្រប់ជ្រុងជ្រួយ ដើម្បីស្វែងយល់បន្ថែមថា តើមានផលប៉ះពាល់ដល់តំបន់ទេសចរណ៍ដូចប្រជាពលរដ្ឋព្រួយបារម្ភដែររឺទេ ?
ប្រធានគណៈកម្មាការទី៧ នៃរដ្ឋសភា លោក យ៉ែម បុញ្ញាឬទ្ធិ មានប្រសាសន៍ថា ការកោះអញ្ជើញរដ្ឋមន្ត្រី៤រូបមក សាកសួរនៅពេលនេះគឺដើម្បីចង់ដឹងពីបញ្ហានៅតំបន់បូកគោ និងចង់ដឹងពីការលទ្ធភាពនៃដំណើរការអភិវឌ្ឍន៍តំបន់ទេសចរណ៍បូកគោនេះ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
