ជាតិ
ជប៉ុនផ្តល់ថវិកាជាង២៤ម៉ឺនដុល្លារ សម្រាប់គម្រោងកាត់បន្ថយភាពក្រីក្រនៅជនបទ
×![]()
ដោយ: ខន ចំប៉ា
ថវិការចំនួន២៤៩,៣៨៤ដុល្លារ ដែលជាជំនួយឥតសំណង របស់រាជរដ្ឋាភិបាលជប៉ុន នឹងត្រូវផ្តល់ទៅឲ្យក្រុមស្ម័គ្រចិត្តអន្តរជាតិរបស់យ៉ាម៉ាហ្គាតា(IVY) សម្រាប់គម្រោងកាត់បន្ថយភាពក្រីក្រនៅតំបន់ជនបទ។ នេះបើយោងតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំនៅកម្ពុជា។
បើតាមសេចក្តីប្រកាសព័ត៌មានដដែល គម្រោងកាត់បន្ថយភាពក្រីក្រនៅតំបន់ជនបទ នឹងត្រូវធ្វើឡើងតាមរយៈ ការបង្កើតនូវការគ្រប់គ្រងដែលមាននិរន្តរភាពក្នុងសហគមន៍ ផ្គត់ផ្គង់កសិផលស្វាយរៀង(SAC)ដំណាក់កាលទី២ ។
ទឹកប្រាក់ជំនួយនេះ នឹងត្រូវចុះហត្ថលេខា នៅរសៀលថ្ងៃទី១០ មីនានេះ នៅស្ថានទូតជប៉ុន ដោយលោក គូម៉ាម៉ារ៉ូ យូជិ ឯកអគ្គរាជទូតវិសាមញ្ញ និងពេញសមត្ថភាពរបស់ជប៉ុនប្រចាំនៅកម្ពុជា និងលោកស្រី ម៉ាត់ស៊ូរ៉ា អាយូមី នាយិកាអង្គការ IVY ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
