ជាតិ
កម្ពុជា-ទួរគី បន្តពង្រឹងចំណងមិត្តភាព និងកិច្ចសហប្រតិបត្តិការជាមួយគ្នា
×
ដើម្បីពង្រឹងចំណងមិត្តភាព និងកិច្ចសហប្រតិបត្តិការរវាងប្រទេសកម្ពុជា នឹងប្រទេសទួរគី នៅថ្ងៃទី១៥ដល់ថ្ងៃទី២៧ខែមីនាខាងមុខនេះ លោក ម៉េវលូត សាវូសូគ្លូ(Mevlüt Çavuşoğlu) រដ្ឋមន្ត្រីការបរទេសនៃសាធារណរដ្ឋទួរគី នឹងដឹកនាំគណៈប្រតិភូមកបំពេញទស្សនកិច្ចជាផ្លូវការនៅកម្ពុជា។ នេះបើយោងតាមសេចក្តីជូនព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ។
ដំណើរទស្សនកិច្ចនេះ គឺតបតាមការអញ្ជើញរបស់ លោក ហោ ណាំហុង រដ្ឋមន្ត្រីក្រសួងការបទេស និងសហប្រតិបត្តិការអន្តរជាតិកម្ពុជា។
សេចក្តីជូនព័ត៌មានចេញផ្សាយនៅថ្ងៃទី១០មីនានេះ បានឲ្យដឹងទៀតថា នៅកំឡុងនៃដំណើរទស្សនកិច្ចនេះ រដ្ឋមន្ត្រីការបរទេសនៃសាធារណរដ្ឋទួរគី នឹងជួបសម្តែងការគួរសមជាមួយ លោក ហេង សំរិន ប្រធានរដ្ឋសភា និងជួបពិភាក្សាផ្លូវការជាមួយលោក ហោ ណាំហុង រដ្ឋមន្ត្រីក្រសួងការបទេស និងសហប្រតិបត្តិការអន្តរជាតិកម្ពុជាផងដែរ៕
© រក្សាសិទ្ធិដោយ thmeythmey.com