ជាតិ
ស្លាប់៧ របួសធ្ងន់ ស្រាល២៨នាក់ ក្នុងគ្រោះថ្នាក់ចរាចរណ៍ទូទាំងប្រទេស
×
គ្រោះថ្នាក់ចរាចរណ៍ នៅទូទាំងប្រទេសចំនួន១១លើក បណ្តាលអោយមនុស្សស្លាប់ចំនួន០៧នាក់ របួសធ្ងន់ ១៩នាក់និងរបួសស្រាល០៩នាក់។នេះបើតាមរបាយការណ៍សណ្ដាប់ធ្នាប់ នៃអគ្គស្នងការដ្ឋាននគរបាលជាតិ ចុះផ្សាយថ្ងៃទី១០មីនានេះ ។
ក្នុងគ្រោះថ្នាក់ចរាចរណ៍ទាំង ១១លើកនេះ បានបង្កឲ្យខូចខាតយានយន្តសរុប ២១គ្រឿង ក្នុងនោះមានម៉ូតូចំនួន១៣គ្រឿងរថយន្តធុនតូចចំនួន០៤គ្រឿងរថយន្តធុនធំ៣គ្រឿង ។ មូលហេតុដែលបណ្តាលឲ្យមានគ្រោះថ្នាក់គឺ ល្មើសល្បឿន០៤លើកមិនគោរពសិទ្ធ២លើកមិនប្រកាន់ស្តាំ២លើកនិងប្រជែងគ្រោះថ្នាក់ជាដើម។ ក្នុងនោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន១៦នាក់ ៕
© រក្សាសិទ្ធិដោយ thmeythmey.com