ជាតិ
×![]()
ដោយ: ខន ចំប៉ា
លោក ហ៊ុន សែន នឹងដឹកនាំគណៈប្រតិភូ ទៅចូលរួមសន្និសីទពិភពលោកលើកទី៣ នៃអង្គការសហប្រជាតិ ស្តីពីការកាត់បន្ថយហានិភ័យនៃគ្រោះមហន្តរាយ ដែលនឹងប្រព្រឹត្តិទៅរយៈពេល៥ថ្ងៃ ពីថ្ងៃទី១៤ដល់ថ្ងៃទី១៨ខែមីនាខាងមុខ នៅក្រុងសេនដាយ ប្រទេសជប៉ុន។ នេះបើយោងតាមសេចក្តីជូនព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ។
សេចក្តីជូនព័ត៌មាន ចេញផ្សាយនៅថ្ងៃទី១១មីនា បានឲ្យដឹងថា សន្និសីទនេះនឹងពិនិត្យឡើងវិញនូវការរីចម្រើន«គម្រោងហីយូហ្គោ សម្រាប់សកម្មភាព២០០៥-២០១៥ ការស្ថាបនាឡើងវិញប្រជាជាតិ សហគមន៍ដែលជួបប្រទះគ្រោះមហន្តរាយ» និងគម្រោងកាត់បន្ថយហានិភ័យគ្រោះមហន្តរាយក្រោយឆ្នាំ២០១៥ ។
បើតាមសេចក្តីជូនព័ត៌មានដដែល ក្រៅពីចូលរួមសន្និសីទលោក នាយករដ្ឋមន្ត្រី ហ៊ុន សែន នឹងចូលបង្គំគាល់ព្រះចៅអធិរាជ អាគីហីតូ និងអធិរាជនី មីឈីកូ នៃប្រទេសជប៉ុន ព្រមទាំងជួបពិភាក្សាទ្វេភាគីជាមួយលោក ស៊ីនហ្សូ អាបេ នាយករដ្ឋមន្ត្រីជប៉ុនផងដែរ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
