ជាតិ
ការលក់ដូរចេញពីចំណីផ្លូវនៅមុខប្រាសាទអង្គរវត្ត ត្រូវបញ្ឈប់ជាកំហិតចាប់ពីថ្ងៃទី១៥ ខែមីនា
×![]()
ដោយ: ថ្មីៗ
អាជ្ញាធរអប្សារា ហាមឃាត់ជាដាច់ខាតនូវសកម្មភាពសាងសង់សំណង់ខុសច្បាប់ផ្សេងៗ សម្រាប់បម្រើរការលក់ដូរចេញពីចំណីផ្លូវមុខប្រាសាទអង្គរ និងបញ្ឈប់ការលក់ដូរលើចំណីផ្លូវត្រឹមថ្ងៃទី១៥មីនា ជាកំហិត។
សេចក្ដីជូនដំណឹងចុះថ្ងៃទី ១០ មីនា បានឲ្យដឹងថា គោលដៅរៀបចំសណ្ដាប់ធ្នាប់ សោភ័ណភាពនិងសុវត្ថិភាព ស្ថិតតាមដងផ្លូវពីមុខប្រាសាទអង្គរវត្ត ឆ្ពោះទៅអាកាសយានដ្ឋានខេត្តសៀមរាប ដើម្បីឲ្យសក្ដិសមជាតំបន់ទេសចរណ៍វប្បធម៌ប្រវត្តិសាស្ត្រ និងជាសម្បត្តិបេតិកភណ្ឌពិភពលោក ។ ជាមួយគ្នានេះអគ្គនាយកដ្ឋានអាជ្ញាធរអប្សារា អំពាវនាវឲ្យអ្នកលក់ដូរតាមដងផ្លូវទាំងអស់ ពិសេសអ្នកប្រកបរបរលក់ដូរគ្រឿងសំណង់ ដែលដាក់លក់រំលោភលើផ្លូវសាធារណៈ ឲ្យបញ្ឈប់សកម្មភាពជាបន្ទាន់ និងតម្រូវឲ្យដាក់លក់ឲ្យផុតពីដីចំណីផ្លូវស្ថិតក្នុងដីឡូត៍ ។
ក្នុងករណីអ្នកល្មើសមិនគោរពតាមសេចក្ដីជូនដំណឹងនេះ អគ្គនាយកដ្ឋានអាជ្ញាធរអប្សរា សហការជាមួយស្ថាប័នពាក់ព័ន្ធ និងចាត់វិធានការរដ្ឋបាល រុះរើនិងដកហូត ទៅតាមស្ថានភាពទីតាំងជាក់ស្ដែង និងពុំទទួលខុសត្រូវចំពោះការខាតបង់ផ្សេងៗឡើយ ៕
សេចក្ដីជូនដំណឹងចុះថ្ងៃទី ១០ មីនា បានឲ្យដឹងថា គោលដៅរៀបចំសណ្ដាប់ធ្នាប់ សោភ័ណភាពនិងសុវត្ថិភាព ស្ថិតតាមដងផ្លូវពីមុខប្រាសាទអង្គរវត្ត ឆ្ពោះទៅអាកាសយានដ្ឋានខេត្តសៀមរាប ដើម្បីឲ្យសក្ដិសមជាតំបន់ទេសចរណ៍វប្បធម៌ប្រវត្តិសាស្ត្រ និងជាសម្បត្តិបេតិកភណ្ឌពិភពលោក ។ ជាមួយគ្នានេះអគ្គនាយកដ្ឋានអាជ្ញាធរអប្សារា អំពាវនាវឲ្យអ្នកលក់ដូរតាមដងផ្លូវទាំងអស់ ពិសេសអ្នកប្រកបរបរលក់ដូរគ្រឿងសំណង់ ដែលដាក់លក់រំលោភលើផ្លូវសាធារណៈ ឲ្យបញ្ឈប់សកម្មភាពជាបន្ទាន់ និងតម្រូវឲ្យដាក់លក់ឲ្យផុតពីដីចំណីផ្លូវស្ថិតក្នុងដីឡូត៍ ។
ក្នុងករណីអ្នកល្មើសមិនគោរពតាមសេចក្ដីជូនដំណឹងនេះ អគ្គនាយកដ្ឋានអាជ្ញាធរអប្សរា សហការជាមួយស្ថាប័នពាក់ព័ន្ធ និងចាត់វិធានការរដ្ឋបាល រុះរើនិងដកហូត ទៅតាមស្ថានភាពទីតាំងជាក់ស្ដែង និងពុំទទួលខុសត្រូវចំពោះការខាតបង់ផ្សេងៗឡើយ ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
