ជាតិ
×![]()
កំពង់ធំ៖ បច្ចុប្បន្ននេះ កងអន្តរាគមន៍ចម្រុះក្រុងស្ទឹងសែន កំពុងរឹតបន្តឹងសណ្តាប់ធ្នាប់ សន្តិសុខក្នុងក្រុង។ សមត្ថកិច្ចចម្រុះក៏បានរឹតបន្តឹងការគោរពច្បាប់ចរាចរណ៍ក្នុងក្រុងផងដែរ ដោយធ្វើសកម្មភាពផាកពិន័យ និងផ្សព្វផ្សាយច្បាប់ទៀតផង។ ប្រជាពលរដ្ឋមួយចំនួនតូច ហាក់មិនទាន់យល់ដឹងច្បាស់ ពីការគោរពច្បាប់ចរាចរណ៍នៅឡើយ។
កងកម្លាំងអន្តរាគមន៍ចម្រុះមួយត្រូវបានដឹកនាំដោយលោកអនុសេនីយ៍ទោ បួ ពិសី បានចុះធ្វើសកម្មភាពរៀបចំសណ្តាប់ធ្នាប់ សន្តិសុខ ព្រមទាំងផាកពិន័យអ្នកបើកបរដែលមិនគោរពច្បាប់ចរាចរណ៍។ បើទោះជាធ្លាប់ការផ្សព្វផ្សាយអំពីការគោរពច្បាប់ចរាចរណ៍ក៏ដោយ ពលរដ្ឋមួយចំនួនតូចនៅតែបើកបរទោចក្រយានយន្តដោយមិនដាក់កញ្ចប់មើលចំហៀង និងពាក់មួយសុវត្ថិភាព។
«កន្លងមក នគរបាលចរាចរណ៍យើង បានធ្វើការរឹតបន្តឹងនិងផាកពិន័យច្រើនដែរហើយ ប៉ុន្តែនៅតែមានអ្នកមិនគោរពច្បាប់ចរាចរណ៍»។ នេះបើយោងតាម មន្ត្រីចរាចរណ៍ក្រុង លោក ម៉ារ៉ា។ លោកបានអំពាវនាវដល់ពលរដ្ឋក្នុងក្រុងស្ទឹងសែនបង្កើនការគោរពច្បាប់ចរាចរណ៍ដើម្បីសុវត្ថិភាពបើកបររបស់ពួកគេ។ពលរដ្ឋក្រុងស្ទឹងសែនម្នាក់ដែលត្រូវប៉ូលិសផាកពិន័យពីបទបើកបរដោយមិនពាក់មួកសុវត្ថិភាព បានប្រាប់ថា លោកមិនបានដឹងថា កន្លែងនេះមានផាកពិន័យនោះទេ។ ប៉ុន្តែថាម្តងនេះ ត្រូវប៉ូលិសផាកពិន័យ លោកក៏ត្រូវតែយល់ព្រម។ ត្រូវបានប៉ូលិសផាកហើយ តែលោកមិនខឹងនឹងប៉ូលិសទេ ប៉ុន្តែលោកយល់ថាការផាកពិន័យ នឹងធ្វើឲ្យលោកភ្ញាក់រលឹកពីការគោរពច្បាប់ចរាចរណ៍៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
