ជាតិ
សង្គមជាតិ
×![]()
សៀមរាប៖ មណ្ឌលសុខភាព ឃុនរាម ដែលជាជំនួយរបស់ពលរដ្ឋជប៉ុន តាមរយៈអង្គការ ភ្លែនកម្ពុជា បានដាក់សម្ពោធជាផ្លូវការនៅព្រឹកថ្ងៃទី១៣ ខែមិនា។ មណ្ឌលសុខភាពនេះ បានរួមចំណែកក្នុងការកាត់បន្ថយអត្រាមរណភាពកុមារ និងទារកជាច្រើននៅក្នុងភូមិ និងជាពិសេស កាត់បន្ថយរាល់ចំណាយរបស់ពលរដ្ឋ ដែលកន្លងមកពួកគេតែងទៅរកសេវាព្យាបាលនៅឆ្ងាយពីភូមិ។
អាគារមណ្ឌលសុខភាព ឃុនរាម ដែលសង់ឡើងពីថ្ម និងចំណាយថវិកាប្រមាណជាង ១០ម៉ឺនដុល្លារ ត្រូវបានសម្ពោធដាក់ឲ្យដំណើរការហើយនៅព្រឹកថ្ងៃសុក្រនេះ។ មណ្ឌលសុខភាព ឃុនរាម ដែលជាជំនួយសប្បុរសធម៌របស់ពលរដ្ឋជប៉ុន តាមរយៈស្ថានទូតជប៉ុនប្រចាំកម្ពុជា អង្គការភ្លែនជប៉ុន និងអង្គការភ្លែនកម្ពុជា (Plan Cambodia)។ មណ្ឌលសុខភាពនេះ មានទីតាំងនៅភូមិឃុនរាម ឃុំឃុនរាម ស្រុកបន្ទាយស្រី ខេត្តសៀមរាប ដែលមានចំងាយប្រមាណជិត៦០ គីឡូម៉ែត្រពីទីរួមខេត្ត។
នៅភូមិឃុនរាម មានប្រជាពលរដ្ឋចំនួន ៦៤០០នាក់។ កន្លងមកពលរដ្ឋទាំងនោះ ត្រូវចំណាយពេលពីកន្លះម៉ោង ទៅមួយម៉ោង ដើម្បីទៅរកសេវាសុខភាពនៅទីរួមស្រុកបន្ទាយស្រី ឫទីរួមខេត្ត។ ប្រជាពលរដ្ឋនៅភូមិឃុនរាម បាននិយាយថា មណ្ឌលសុខភាពថ្មីនេះ ផ្តល់អត្ថប្រយោជន៍ច្រើនដល់ពួកគេ ទាំងថវិកា និងពេលវេលា។
ពលរដ្ឋមួយរូប លោកតា ប៉ែន លាវ បាននិយាយថា កន្លងមកគ្រួសាររបស់លោក តែងធ្វើដំណើរទៅទីរួមខេត្តសៀមរាប ដោយប្រើពេលរហូតដល់ជាងមួយម៉ោង។ ចំណែកអ្នកស្រី ហ៊ុយ ឡៃ នោះវិញក៏មិនខុសពីលោកតា ប៉ែន លាវ ដែរ។ អ្នកស្រីថា កន្លងមករាល់ការនាំកូនថៅទៅព្យាបាលនៅទីរួមខេត្ត ឫទីរួមស្រុកម្តងៗ អ្នកស្រីត្រូវចំនាយថវិកាប្រមាណ១០ម៉ឺនរៀល។ អ្នកស្រី ឡៃ បន្ថែមថា៖« កូនក្មេងឈឺយប់ព្រលប់អី អាចមករកមណ្ឌលសុខភាពថ្មីនេះបាន មិនបាច់ទៅឆ្ងាយ»។
តំណាងស្ថានទូតជប៉ុនប្រចាំកម្ពុជា លោក មីណិ ម៉ូរីយ៉ាស៊ូ បានឲ្យដឹងថា រដ្ឋាភិបាលជប៉ុន បាននិងកំពុងគាំទ្រដល់ប្រទេសកម្ពុជាក្នុងការពង្រឹងវិស័យសុខាភិបាល តាមរយៈធនធានមនុស្ស និងការកែលម្អស្ថានភាពមណ្ឌលសុខភាពថែទាំវេជ្ជសាស្ត្រ រួមមានសាងសង់មជ្ឍមណ្ឌលមាតាជាតិ និងកុមារ តាមរយៈជំនួយឧបត្ថម្ភឥតសំណង។ សម្រាប់មណ្ឌលសុខភាព ឃុនរានេះ លោក ម៉ូរីយ៉ាស៊ូ បានបញ្ជាក់ថា វាមានបំពាក់នូវសម្ភារៈសុខាភិបាលរួមមាន មីក្រូទស្សន៍មួយ និងគ្រែអ្នកជំងឺចំនួន៩ ។
នាយករងប្រចាំប្រទេស អង្គការភ្លែនអន្តរជាតិកម្ពុជា លោក Mr. Andrew Hill បានឲ្យដឹងដែរថា ចាប់ពីឆ្នាំ២០០២ មកហើយ ដែលអង្គការភ្លែន បានចាប់ផ្តើមគម្រោងជួយលើវិស័យអប់រំ និងវិស័យសុខាភិបាល ក្នុងខេត្តសៀមរាប។ លោកថា មណ្ឌលសុខភាពថ្មីនេះ កើតឡើងពីការរួមចំណែកពីភាគីជាច្រើន ក្នុងនោះមានប្រជាពលរដ្ឋក្នុងភូមិឃុនរាមផង។
គួរបញ្ជាក់ថា មណ្ឌលសុខភាពឃុនរាម សង់នៅលើដីជាប់ផ្លូវជាតិ ដែលជាការបរិច្ចាគរបស់ពលរដ្ឋចំនួន២គ្រួសារ ដែលស្ម័គ្រចិត្តប្រគល់ដីផ្ទាល់ខ្លួនសម្រាប់សង់អាគារមណ្ឌលសុខភាពនេះ៕
អាគារមណ្ឌលសុខភាព ឃុនរាម ដែលសង់ឡើងពីថ្ម និងចំណាយថវិកាប្រមាណជាង ១០ម៉ឺនដុល្លារ ត្រូវបានសម្ពោធដាក់ឲ្យដំណើរការហើយនៅព្រឹកថ្ងៃសុក្រនេះ។ មណ្ឌលសុខភាព ឃុនរាម ដែលជាជំនួយសប្បុរសធម៌របស់ពលរដ្ឋជប៉ុន តាមរយៈស្ថានទូតជប៉ុនប្រចាំកម្ពុជា អង្គការភ្លែនជប៉ុន និងអង្គការភ្លែនកម្ពុជា (Plan Cambodia)។ មណ្ឌលសុខភាពនេះ មានទីតាំងនៅភូមិឃុនរាម ឃុំឃុនរាម ស្រុកបន្ទាយស្រី ខេត្តសៀមរាប ដែលមានចំងាយប្រមាណជិត៦០ គីឡូម៉ែត្រពីទីរួមខេត្ត។
នៅភូមិឃុនរាម មានប្រជាពលរដ្ឋចំនួន ៦៤០០នាក់។ កន្លងមកពលរដ្ឋទាំងនោះ ត្រូវចំណាយពេលពីកន្លះម៉ោង ទៅមួយម៉ោង ដើម្បីទៅរកសេវាសុខភាពនៅទីរួមស្រុកបន្ទាយស្រី ឫទីរួមខេត្ត។ ប្រជាពលរដ្ឋនៅភូមិឃុនរាម បាននិយាយថា មណ្ឌលសុខភាពថ្មីនេះ ផ្តល់អត្ថប្រយោជន៍ច្រើនដល់ពួកគេ ទាំងថវិកា និងពេលវេលា។
ពលរដ្ឋមួយរូប លោកតា ប៉ែន លាវ បាននិយាយថា កន្លងមកគ្រួសាររបស់លោក តែងធ្វើដំណើរទៅទីរួមខេត្តសៀមរាប ដោយប្រើពេលរហូតដល់ជាងមួយម៉ោង។ ចំណែកអ្នកស្រី ហ៊ុយ ឡៃ នោះវិញក៏មិនខុសពីលោកតា ប៉ែន លាវ ដែរ។ អ្នកស្រីថា កន្លងមករាល់ការនាំកូនថៅទៅព្យាបាលនៅទីរួមខេត្ត ឫទីរួមស្រុកម្តងៗ អ្នកស្រីត្រូវចំនាយថវិកាប្រមាណ១០ម៉ឺនរៀល។ អ្នកស្រី ឡៃ បន្ថែមថា៖« កូនក្មេងឈឺយប់ព្រលប់អី អាចមករកមណ្ឌលសុខភាពថ្មីនេះបាន មិនបាច់ទៅឆ្ងាយ»។
តំណាងស្ថានទូតជប៉ុនប្រចាំកម្ពុជា លោក មីណិ ម៉ូរីយ៉ាស៊ូ បានឲ្យដឹងថា រដ្ឋាភិបាលជប៉ុន បាននិងកំពុងគាំទ្រដល់ប្រទេសកម្ពុជាក្នុងការពង្រឹងវិស័យសុខាភិបាល តាមរយៈធនធានមនុស្ស និងការកែលម្អស្ថានភាពមណ្ឌលសុខភាពថែទាំវេជ្ជសាស្ត្រ រួមមានសាងសង់មជ្ឍមណ្ឌលមាតាជាតិ និងកុមារ តាមរយៈជំនួយឧបត្ថម្ភឥតសំណង។ សម្រាប់មណ្ឌលសុខភាព ឃុនរានេះ លោក ម៉ូរីយ៉ាស៊ូ បានបញ្ជាក់ថា វាមានបំពាក់នូវសម្ភារៈសុខាភិបាលរួមមាន មីក្រូទស្សន៍មួយ និងគ្រែអ្នកជំងឺចំនួន៩ ។
នាយករងប្រចាំប្រទេស អង្គការភ្លែនអន្តរជាតិកម្ពុជា លោក Mr. Andrew Hill បានឲ្យដឹងដែរថា ចាប់ពីឆ្នាំ២០០២ មកហើយ ដែលអង្គការភ្លែន បានចាប់ផ្តើមគម្រោងជួយលើវិស័យអប់រំ និងវិស័យសុខាភិបាល ក្នុងខេត្តសៀមរាប។ លោកថា មណ្ឌលសុខភាពថ្មីនេះ កើតឡើងពីការរួមចំណែកពីភាគីជាច្រើន ក្នុងនោះមានប្រជាពលរដ្ឋក្នុងភូមិឃុនរាមផង។
គួរបញ្ជាក់ថា មណ្ឌលសុខភាពឃុនរាម សង់នៅលើដីជាប់ផ្លូវជាតិ ដែលជាការបរិច្ចាគរបស់ពលរដ្ឋចំនួន២គ្រួសារ ដែលស្ម័គ្រចិត្តប្រគល់ដីផ្ទាល់ខ្លួនសម្រាប់សង់អាគារមណ្ឌលសុខភាពនេះ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
24 ម៉ោង
