លទ្ធផលគ្រូឆ្នើមពិភពលោកនឹងផ្សាយផ្ទាល់ នៅម៉ោង ៩កន្លះយប់នេះ

ជាតិ

សង្គមជាតិ

លទ្ធផលគ្រូឆ្នើមពិភពលោកនឹងផ្សាយផ្ទាល់ នៅម៉ោង ៩កន្លះយប់នេះ

15, Mar 2015 , 4:53 pm

រូបភាព

ដោយ:

ភ្នំពេញ៖ អ្នកគ្រូ នាង ផល្លា និងបេក្ខជន ៩ទៀតផ្សេងទៀត នឹងដឹងលទ្ធផលជ័យលាភីគ្រូឆ្នើម ពិភពលោក នៅម៉ោង៦កន្លះ ម៉ោងនៅក្នុងទីក្រុងឌូប៉ៃ ប្រទេសអេមីរ៉េត អារ៉ាប់រួម ដែលត្រូវនឹង ម៉ោង ៩កន្លះយប់ ម៉ោងនៅប្រទេសកម្ពុជា។ ជ័យលាភីគ្រូឆ្នើមពិភពលោកតែម្នាក់គត់ដែលនឹង ត្រូវទទួលបានពានរង្វាន់ និងប្រាក់រង្វាន់ ១លានដុល្លារអាមេរិក។ កម្មវិធីប្រកាសលទ្ធផលនឹង ផ្សាយផ្ទាល់តាមរយៈគេហទំព័រ Www.globalteacherprize.org ។

មុននឹងចាកចេញដំណើរទៅកាន់ទីក្រុងឌូបៃ ប្រទេសអេមីរ៉េត អារ៉ាប់រួម ដើម្បីស្តាប់លទ្ធផល នៅថ្ងៃទី១៤ ខែមីនា ម្សិលមិញនេះ អ្នកស្រី នាង ផល្លា ជាអ្នកបេក្ខជនតែមួយគត់របស់កម្ពុជា ដែលបានចូលរួមក្នុងកម្មវិធីនេះ បានថ្លែងអំណរគុណជាអនេក ចំពោះបងប្អូន ជនជាតិរួមជាតិដែលបោះឆ្នោតគាំទ្រអ្នកគ្រូតាមរយៈទំព័រហ្វេសប៊ុក។

អ្នកគ្រូ នាង ផល្លា ដែលបច្ចុប្បន្នជានាយិកាសាលាកុមារពិការភ្នែកភ្នំពេញថ្មី និងជាប្រធានសម្របសម្រួល កម្មវិធីអប់រំកុមារពិការភ្នែក និងគថ្លង់របស់អង្គការគ្រួសារថ្មី ដែលជាបេក្ខភាពតែម្នាក់គត់របស់កម្ពុជាដែលត្រូវប្រជែងយកប្រាក់ រង្វាន់១លានដុល្លារអាមេរិកពីកម្មវិធី Global Teacher Prize ។ បេក្ខជន៩នាក់ផ្សេងទៀត រួមមាន លោក Azizullah Royesh (អាហ្វហ្គានីស្ថាន) លោកស្រី Kiran Bir Sethi (ឥណ្ឌា) លោក Guy Etienne (ហៃទី) លោកស្រី Jacqueline Jumbekahura (កេនយ៉ា) លោកស្រី Nancie Atwell (អាមេរិក) លោក Richard Spencer (អង់គ្លេស) លោក Stephen Ritz (អាមេរិក) លោកស្រី Naomi Volain (អាមេរិក) និងលោក Madenjit Singh (ម៉ាឡេស៊ី)។