ជាតិ
សង្គមជាតិ
×![]()
សៀមរាប៖ ជាការពិតណាស់ ការអនុវត្តបច្ចេកទេសដាំដុះតាមគោលការណ៍ធម្មជាតិ មិនត្រឹមធ្វើឲ្យកសិករចំណេញច្រើននោះទេ ថែមទាំងកាត់បន្ថយការបម្រែបម្រួលអាកាសធាតុបានទៀតផង។ ដោយសារផលប្រយោជន៍ទាំងអស់នេះហើយ ទើបអង្គការសេដាក ដែលជាអង្គការកសិកម្មធំជាងគេនៅប្រទេសកម្ពុជា បានបន្តអំពាវនាវឲ្យកសិករ បន្តអនុវត្តគោលការណ៍ដាំដុះ តាមបែបធម្មជាតិ ដោយមិប្រើប្រាស់ជីគីមីឡើយ។
សិក្ខាសាលាថ្នាក់ខេត្ត របស់អ្នកទទួលប្រយោជន៍របស់គម្រោង និងយុទ្ធនាការពិពណ៌ផលិតផលកសិកម្ម បានរៀបចំឡើងនៅព្រឹកថ្ងៃទី១៨ ខែមីនានេះ។ សិក្ខាសាលារយៈពេល២ថ្ងៃ ដែលគ្រោងនឹងបញ្ចប់នៅថ្ងៃទី១៩ ស្អែក បានរៀបចំឡើងនៅទីក្រុងសៀមរាប ដោយមានកសិករប្រមាណជិត១០០នាក់ចូលរួម។
នាយកប្រតិបត្តិអង្គការសេដាក លោក សម វិទូ បានឲ្យដឹងថា សេដាកបានចុះអនុវត្តគម្រោង «លើកកម្ពស់កម្រិតជីវភាពគ្រួសារកសិករក្រីក្រ ដែលធននឹងបម្រែបម្រួលអាកាសធាតុនៅតំបន់ដីស្ងួត ដែលងាយរងគ្រោះបំផុត» ក្នុងខេត្តចំនួន២ មានខេត្តសៀមរាប និងកំពង់ កាលពីឆ្នាំ២០១១ ។ លោក សម វិទូ បន្តថា នៅក្នុងខេត្តសៀមរាប សេដាកបានធ្វើការនៅក្នុងភូមិចំនួន ១៥៣ ក្នុងស្រុកចំនួន ៤ មានស្រីស្នំ អង្គរជុំ អង្គរធំ និងបន្ទាយស្រី ដែលសរុប មានកសិករ ៣៧៥៥នាក់ ស្ត្រី ២៧៤៧នាក់។
បើតាមការបញ្ជាក់ពីនាយកប្រតិបត្តិអង្គការសេដាក គោលដៅនៃការអនុវត្តគម្រោងខាងលើ គឺដើម្បីរួមចំណែកក្នុងការកាត់បន្ថយភាពក្រីក្រ និងភាពអត់ឃ្លានក្នុងចំណោមគ្រួសារកសិករក្រីក្រ ក្នុងតំបន់ដីស្ងួត បង្កើតភាពបន្សុំារបស់ពួកគេ ទៅនឹងការប្រែប្រួលអាកាសធាតុ មានភាពរាំងស្ងួត និងការខូចដីជាដើម។ លោក សម វិទូ៖« យើងបន្តបណ្តុះបណ្តាលពួកគាត់ និងពន្យល់យ៉ាងណាឲ្យគាត់គិតថា ការផលិតបន្លែធម្មជាតិ គឺរួមចំណែកផ្គត់ផ្គង់ទីផ្សារ ការបង្កើនប្រាក់ចំណូល ក៏ដូចជាមិនប៉ះពាល់សុខភាពអ្នកផលិត និងអ្នកប្រើប្រាស់តែម្តង»។
គម្រោងលើកកម្ពស់កម្រិតជីវភាពគ្រួសារក្រីក្រ ដែលធននឹងបម្រែបម្រួលអាកាសធាតុ មានការឧបត្ថម្ភពីសហភាពអឺរ៉ុប តាមរយៈអង្គការភ្លែនអង់គ្លេស និងអនុវត្តគម្រោងដោយអង្គការសេដាក និងអង្គការភ្លែនអន្តរជាតិកម្ពុជា។ តំណាងអង្គការអង្គការភ្លែនប្រចាំខេត្តសៀមរាប អ្នកស្រី អុង ធារី ក៏ទទួចឲ្យកសិករជាច្រើន បន្តអនុវត្តគោលការណ៍ដាំដុះបែបធម្មជាតិនេះ។ អ្នកស្រីថា បើទោះជាបច្ចុប្បន្នមានពលរដ្ឋច្រើនបានចូលរួមអនុវត្តគម្រោងខាងលើ ជាមួយសេដាក និងភ្លែនយ៉ាងណាក្តី តែចំនួននេះនៅមានតិចតួច ហើយមិនទាន់បំពេញតម្រូវការនៅលើទីផ្សារបានឡើយ។
ទាក់ទងនឹងចំណុចនេះ លោក សម វិទូ នាយកប្រតិបត្តិអង្គការសេដាក បានពន្យល់ពីមូលហេតុ ដោយសារកត្តាចំណេះដឹង ទំហំផ្ទៃដី និងការផ្គត់ផ្គង់ទឹកក្នុងរដូវប្រាំងជាដើម។
អភិបាលរងខេត្តសៀមរាប លោក គឹម ឆៃហៀង បានឲ្យដឹងថា វត្តមានអង្គការសេដាក និងអង្គការភ្លែន ពិតជារួមចំណែកច្រើន ក្នុងការអភិវឌ្ឍវិស័យកសិកម្មនៅខេត្តសៀមរាប។ បើតាមលោក គឹម ឆៃហៀង ខេត្តសៀមរាប ដែលធ្លាប់ពឹងលើទីផ្សារបន្លែពីក្រៅស្រុកជាង ៧០ភាគរយ មកកាត់បន្ថយការនាំចូលបានជាង ៧០ភាគរយ។ មានន័យថា បន្លែ ផ្លែឈើ២០ភាគរយទៀត បន្តនាំចូលពីក្រៅស្រុក ដោយចៀសមិនរួច។
គួររម្លឹកថា ក្នុងថ្ងៃតែមួយនោះ សេដាក បានរៀបចំពិពណ៌បន្លែ និងផ្លែឈើដែលផលិតឡើងដោយកសិករ ក្នុងខេត្តសៀមរាបផងដែរ។ ក្នុងនោះ ក៏មានយុទ្ធនាការ ហែកក្បួន ផ្សព្វផ្សាយពីការប្រើប្រាស់ ផលិតផលធម្មជាតិផង៕
សិក្ខាសាលាថ្នាក់ខេត្ត របស់អ្នកទទួលប្រយោជន៍របស់គម្រោង និងយុទ្ធនាការពិពណ៌ផលិតផលកសិកម្ម បានរៀបចំឡើងនៅព្រឹកថ្ងៃទី១៨ ខែមីនានេះ។ សិក្ខាសាលារយៈពេល២ថ្ងៃ ដែលគ្រោងនឹងបញ្ចប់នៅថ្ងៃទី១៩ ស្អែក បានរៀបចំឡើងនៅទីក្រុងសៀមរាប ដោយមានកសិករប្រមាណជិត១០០នាក់ចូលរួម។
នាយកប្រតិបត្តិអង្គការសេដាក លោក សម វិទូ បានឲ្យដឹងថា សេដាកបានចុះអនុវត្តគម្រោង «លើកកម្ពស់កម្រិតជីវភាពគ្រួសារកសិករក្រីក្រ ដែលធននឹងបម្រែបម្រួលអាកាសធាតុនៅតំបន់ដីស្ងួត ដែលងាយរងគ្រោះបំផុត» ក្នុងខេត្តចំនួន២ មានខេត្តសៀមរាប និងកំពង់ កាលពីឆ្នាំ២០១១ ។ លោក សម វិទូ បន្តថា នៅក្នុងខេត្តសៀមរាប សេដាកបានធ្វើការនៅក្នុងភូមិចំនួន ១៥៣ ក្នុងស្រុកចំនួន ៤ មានស្រីស្នំ អង្គរជុំ អង្គរធំ និងបន្ទាយស្រី ដែលសរុប មានកសិករ ៣៧៥៥នាក់ ស្ត្រី ២៧៤៧នាក់។
បើតាមការបញ្ជាក់ពីនាយកប្រតិបត្តិអង្គការសេដាក គោលដៅនៃការអនុវត្តគម្រោងខាងលើ គឺដើម្បីរួមចំណែកក្នុងការកាត់បន្ថយភាពក្រីក្រ និងភាពអត់ឃ្លានក្នុងចំណោមគ្រួសារកសិករក្រីក្រ ក្នុងតំបន់ដីស្ងួត បង្កើតភាពបន្សុំារបស់ពួកគេ ទៅនឹងការប្រែប្រួលអាកាសធាតុ មានភាពរាំងស្ងួត និងការខូចដីជាដើម។ លោក សម វិទូ៖« យើងបន្តបណ្តុះបណ្តាលពួកគាត់ និងពន្យល់យ៉ាងណាឲ្យគាត់គិតថា ការផលិតបន្លែធម្មជាតិ គឺរួមចំណែកផ្គត់ផ្គង់ទីផ្សារ ការបង្កើនប្រាក់ចំណូល ក៏ដូចជាមិនប៉ះពាល់សុខភាពអ្នកផលិត និងអ្នកប្រើប្រាស់តែម្តង»។
គម្រោងលើកកម្ពស់កម្រិតជីវភាពគ្រួសារក្រីក្រ ដែលធននឹងបម្រែបម្រួលអាកាសធាតុ មានការឧបត្ថម្ភពីសហភាពអឺរ៉ុប តាមរយៈអង្គការភ្លែនអង់គ្លេស និងអនុវត្តគម្រោងដោយអង្គការសេដាក និងអង្គការភ្លែនអន្តរជាតិកម្ពុជា។ តំណាងអង្គការអង្គការភ្លែនប្រចាំខេត្តសៀមរាប អ្នកស្រី អុង ធារី ក៏ទទួចឲ្យកសិករជាច្រើន បន្តអនុវត្តគោលការណ៍ដាំដុះបែបធម្មជាតិនេះ។ អ្នកស្រីថា បើទោះជាបច្ចុប្បន្នមានពលរដ្ឋច្រើនបានចូលរួមអនុវត្តគម្រោងខាងលើ ជាមួយសេដាក និងភ្លែនយ៉ាងណាក្តី តែចំនួននេះនៅមានតិចតួច ហើយមិនទាន់បំពេញតម្រូវការនៅលើទីផ្សារបានឡើយ។
ទាក់ទងនឹងចំណុចនេះ លោក សម វិទូ នាយកប្រតិបត្តិអង្គការសេដាក បានពន្យល់ពីមូលហេតុ ដោយសារកត្តាចំណេះដឹង ទំហំផ្ទៃដី និងការផ្គត់ផ្គង់ទឹកក្នុងរដូវប្រាំងជាដើម។
អភិបាលរងខេត្តសៀមរាប លោក គឹម ឆៃហៀង បានឲ្យដឹងថា វត្តមានអង្គការសេដាក និងអង្គការភ្លែន ពិតជារួមចំណែកច្រើន ក្នុងការអភិវឌ្ឍវិស័យកសិកម្មនៅខេត្តសៀមរាប។ បើតាមលោក គឹម ឆៃហៀង ខេត្តសៀមរាប ដែលធ្លាប់ពឹងលើទីផ្សារបន្លែពីក្រៅស្រុកជាង ៧០ភាគរយ មកកាត់បន្ថយការនាំចូលបានជាង ៧០ភាគរយ។ មានន័យថា បន្លែ ផ្លែឈើ២០ភាគរយទៀត បន្តនាំចូលពីក្រៅស្រុក ដោយចៀសមិនរួច។
គួររម្លឹកថា ក្នុងថ្ងៃតែមួយនោះ សេដាក បានរៀបចំពិពណ៌បន្លែ និងផ្លែឈើដែលផលិតឡើងដោយកសិករ ក្នុងខេត្តសៀមរាបផងដែរ។ ក្នុងនោះ ក៏មានយុទ្ធនាការ ហែកក្បួន ផ្សព្វផ្សាយពីការប្រើប្រាស់ ផលិតផលធម្មជាតិផង៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
24 ម៉ោង
