កីឡាអន្តរជាតិ
អន្តរជាតិ
Tevez៖ Messiប្រៀបដូចជាកីឡាករមកពីភពមួយទៀត ប៉ុន្តែ Juventusត្រៀមខ្លួនរួចជាស្រេច
×![]()
ដោយ: ថ្មីៗ
Carlos Tevezបាននិយាយថា Lionel Messiដែលជាមិត្តរួមជាតិអាហ្សង់ទីនរបស់ខ្លួន ប្រៀបដូចជាកីឡាករដែលមកពីភពមួយផ្សេងទៀត ប៉ុន្តែក្រុម Juventusរបស់គេត្រៀមខ្លួនរួចជាស្រេចក្នុងការតទល់ជាមួយ Barcelona នៅវគ្គផ្តាច់ព្រ័ត្រនៃក្របខណ្ឌ Champions League។
ក្លិប Juventusបានកក់កៅអីនៅវគ្គផ្តាច់ព្រ័ត្រក្របខណ្ឌ Champions League ជាលើកដំបូង បើគិតចាប់តាំងពីឆ្នាំ២០០៣ មក បន្ទាប់ពីពួកគេទទួលបានលទ្ធផលស្មើ ១-១ ជាមួយ Real Madrid កាលពីរាត្រីថ្ងៃពុធ ខណៈលទ្ធផលសរុបទាំងពីរជើង ក្លិបអ៊ីតាលី ឈ្នះក្លិបយក្សអេស្ប៉ាញ ៣-២ ។
កាលពីថ្ងៃអង្គារ៍ ក្លិប Barcelona របស់ Messiបានយកឈ្នះ Bayern Munich ក្នុងលទ្ធផលសរុប ៥-៣ ។ Tevezបាននិយាយប្រាប់សារព័ត៌មាន Sky Sports ថា៖ «Messiគឺជាកីឡាករឆ្នើមលើពិភពលោក។ គេជាកីឡាករដែលមកពីភពមួយផ្សេងទៀត។ ប៉ុន្តែយើងត្រៀមខ្លួនរួចជាស្រេចដើម្បីប្រជែងយកពានជាមួយ Barcelona នៅក្នុងទីក្រុងប៊ែរឡាំង»។
សូមបញ្ជាក់ថា ក្នុងជំនួបកាលពីរាត្រីថ្ងៃពុធ Alvaro Morataបានស៊ុតបាល់បញ្ជូលទីតាមស្មើ Real Madrid ដែលជាក្រុមចាស់របស់ខ្លួនក្នុងលទ្ធផល ១-១ ក្រោយការស៊ុតបាល់ពិន័យ១១ម៉ែត្ររបស់ Cristiano Ronaldo។ វាជាការលុបចោលនូវក្តីសុបិនរបស់ Real Madrid ក្នុងការឈានទៅប៉ះ Barcelona នៅវគ្គផ្តាច់ព្រ័ត្រ។
ដូចជាជើងទីមួយផងដែរ Alvaro Morataដែលបានផ្ទេរពីRealMadrid ទៅកាន់ Juventusកាលពីរដូវក្តៅនោះមិនអបអរនឹងគ្រាប់បាល់ដែលខ្លួនរកបាននោះឡើយហើយគេរំពឹងថានឹងត្រលប់ទៅកាន់ក្លិបចាស់របស់គេវិញនៅថ្ងៃណាមួយ។
សរុបលទ្ធផលទាំង២ជើង សេះបង្កង់ Juventusយកឈ្នះសមោសរ Real Madrid ៣-២ហើយក្រុមជើងឯកទ្វីបអឺរ៉ុប២សម័យនេះ នឹងប៉ះក្រុមជើងឯក៤សម័យកាលBarcelona នៅទីក្រុងប៊ែរឡាំង ប្រទេសអាល្លឺម៉ង់ នាថ្ងៃទី៦ ខែមិថុនាខាងមុខ៕
ក្លិប Juventusបានកក់កៅអីនៅវគ្គផ្តាច់ព្រ័ត្រក្របខណ្ឌ Champions League ជាលើកដំបូង បើគិតចាប់តាំងពីឆ្នាំ២០០៣ មក បន្ទាប់ពីពួកគេទទួលបានលទ្ធផលស្មើ ១-១ ជាមួយ Real Madrid កាលពីរាត្រីថ្ងៃពុធ ខណៈលទ្ធផលសរុបទាំងពីរជើង ក្លិបអ៊ីតាលី ឈ្នះក្លិបយក្សអេស្ប៉ាញ ៣-២ ។កាលពីថ្ងៃអង្គារ៍ ក្លិប Barcelona របស់ Messiបានយកឈ្នះ Bayern Munich ក្នុងលទ្ធផលសរុប ៥-៣ ។ Tevezបាននិយាយប្រាប់សារព័ត៌មាន Sky Sports ថា៖ «Messiគឺជាកីឡាករឆ្នើមលើពិភពលោក។ គេជាកីឡាករដែលមកពីភពមួយផ្សេងទៀត។ ប៉ុន្តែយើងត្រៀមខ្លួនរួចជាស្រេចដើម្បីប្រជែងយកពានជាមួយ Barcelona នៅក្នុងទីក្រុងប៊ែរឡាំង»។
សូមបញ្ជាក់ថា ក្នុងជំនួបកាលពីរាត្រីថ្ងៃពុធ Alvaro Morataបានស៊ុតបាល់បញ្ជូលទីតាមស្មើ Real Madrid ដែលជាក្រុមចាស់របស់ខ្លួនក្នុងលទ្ធផល ១-១ ក្រោយការស៊ុតបាល់ពិន័យ១១ម៉ែត្ររបស់ Cristiano Ronaldo។ វាជាការលុបចោលនូវក្តីសុបិនរបស់ Real Madrid ក្នុងការឈានទៅប៉ះ Barcelona នៅវគ្គផ្តាច់ព្រ័ត្រ។
ដូចជាជើងទីមួយផងដែរ Alvaro Morataដែលបានផ្ទេរពីRealMadrid ទៅកាន់ Juventusកាលពីរដូវក្តៅនោះមិនអបអរនឹងគ្រាប់បាល់ដែលខ្លួនរកបាននោះឡើយហើយគេរំពឹងថានឹងត្រលប់ទៅកាន់ក្លិបចាស់របស់គេវិញនៅថ្ងៃណាមួយ។
សរុបលទ្ធផលទាំង២ជើង សេះបង្កង់ Juventusយកឈ្នះសមោសរ Real Madrid ៣-២ហើយក្រុមជើងឯកទ្វីបអឺរ៉ុប២សម័យនេះ នឹងប៉ះក្រុមជើងឯក៤សម័យកាលBarcelona នៅទីក្រុងប៊ែរឡាំង ប្រទេសអាល្លឺម៉ង់ នាថ្ងៃទី៦ ខែមិថុនាខាងមុខ៕
© រក្សាសិទ្ធិដោយ thmeythmey.com
