កិច្ចប្រជុំICC-Angkor លើកទី២៤ធ្វើឡើងនៅថ្ងៃស្អែក

ជាតិ

សង្គមជាតិ

កិច្ចប្រជុំICC-Angkor លើកទី២៤ធ្វើឡើងនៅថ្ងៃស្អែក

03, Jun 2015 , 8:05 am

រូបភាព

ដោយ: អុីសា រ៉ហានី (Isa Rohany)

សៀមរាប៖ កិច្ចប្រជុំគណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍរមណីយដ្ឋានប្រវត្តិសាស្ត្រអង្គរ ហៅកាត់ថា ICC-Angkor នឹងបើកសម័យប្រជុំលើកទី២៤របស់ខ្លួន នៅថ្ងៃទី៤ ដល់ថ្ងៃទី៥ ខែមិថុនា ឆ្នាំ២០១៥ ហើយកិច្ចប្រជុំនេះ ធ្វើឡើងនៅស្នាក់ការអាជ្ញាធរជាតិអប្សរា។

យោងតាមសេចក្តីប្រកាសព័ត៌មានរបស់អាជ្ញាធរជាតិអប្សរា ដែលចេញផ្សាយនៅទី២៦ ឧសភា បានឲ្យដឹងថា របៀបវារៈសំខាន់នៃកិច្ចប្រជុំបច្ចេកទេសនេះ ផ្តោតសំខាន់លើ ការងារចំនួន៣ ដែលរួមមាន ទីមួយ តាមដានការអនុវត្តអនុសាសន៍ កិច្ចប្រជុំលើកទី២៣កន្លង និងកិច្ចប្រជុំពេញអង្គលើកទី២១ គណៈកម្មាធិការអន្តរជាតិ ICC-Angkor អំពីកិច្ចការអភិរក្ស ជួសជុល និងការអភិវឌ្ឃប្រកបដោយចីរភាព។ ទីពីរ ការងារអភិរក្ស ស្រាវជ្រាវបុរាណវិទ្យា និងបណ្តុះបណ្តាល និងទីបី គម្រោងថ្មីៗនៅរមណីយដ្ឋានអង្គរ។

ក្នុងសេចក្តីប្រកាសព័ត៌មានដដែលបានបញ្ជាក់ថា កិច្ចប្រជុំ ICC-Angkor លើកទី២៤នេះ មានការចូលរួមពី លោកឧបនាយករដ្ឋមន្ត្រី សុខ អាន ប្រធានអាជ្ញាធរជាតិអប្សរា រួមនិងសហប្រធានគណៈកម្មាធិការអន្តរជាតិ ICC-Angkor លោក តាកាហ៊ីសា ហ្សូហ្គាវា (Takahisa Tsugawa) អនុប្រធានបេសកកម្មនៃស្ថានទូតជប៉ុន និងលោក រ៉ូមុំាង លូវ៉េ (Romain Louvet) ទីប្រឹក្សាផ្នែកសហប្រតិបត្តិការ និងកិច្ចការវប្បធម៌នៃស្ថានទូតបារាំង៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

6 ថ្ងៃ

«ប្រទានកម្ម»មានន័យដូចម្តេច?

1 ថ្ងៃ

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

2 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

3 ថ្ងៃ

រវាង «លស់» «លួស» និង «លោះ» មានអត្ថន័យខុសគ្នាដូចម្តេច?

1 សប្តាហ៍

អត្ថបទពេញនិយមបន្ថែម