កីឡាជាតិ
ជាតិ
បឹងកេតប៉ះប៉ូលិស បៀលប្រាយជួបណាហ្គា វេស្ទើនទទួលថាយហ្គឺរ មុនស្វាយរៀងស្វាគមន៍ក្រោន ខ្សែការពារ ឱ សោភ័ណ្ឌ របស់ក្លិបខេមបូឌានថាយហ្គឺរ
× ក្របខណ្ឌមិត្តហ្វូនខេមបូឌានលីកឆ្នាំ២០១៥ ឈានដល់ការប្រកួតបញ្ចប់ជើងទី១ហើយនៅពាក់កណ្តាលសប្តាហ៍នេះ ដោយមានការប្រកួត៤គូនៅថ្ងៃពុធ។
នាវេលាម៉ោង៣ និង៣០នាទី ក្រុមកំពូលតារាងបឹងកេតអង្គរដែលយកទីលានស្តាតចាស់សម្រាប់ការប្រកួតក្នុងទឹកដីនោះ ត្រូវស្វាគមន៍អគ្គស្នងការដ្ឋាននគរបាលជាតិ។ បឹងកេតអង្គរកំពុងឈរលើកំពូលតារាងដោយនាំមុខក្រុមលេខ២ភ្នំពេញក្រោន២ពិន្ទុ ខណៈអគ្គស្នងការដ្ឋាននគរបាលជាតិត្រូវព្យាយាមចូលទៅក្នុងតំបន់ Top 4។
នៅមជ្ឈមណ្ឌលបាល់ទាត់ជាតិបាទី នាវេលាម៉ោង៣ និង៣០នាទី ដូចគ្នា បៀលប្រាយយូណាយធីត ត្រូវប៉ះជាមួយណាហ្គាវើល។ ណាហ្គាវើលកំពុងស្ថិតនៅចំណាត់ថ្នាក់លេខ៦ ខណៈបៀលប្រាយស្ថិតនៅលេខ៨ ដោយខុសគ្នា២ពិន្ទុ។
រីឯនៅលើទីលានវេស្ទើននាវេលាម៉ោង៣ និង៣០នាទីដដែល ក្រុមម្ចាស់ផ្ទះត្រូវទទួលក្រុមខេមបូឌានថាយហ្គឺរ។ វេស្ទើនធ្លាក់ទៅចំណាត់ថ្នាក់លេខ៩ក្រោយចាញ់ផ្ទួនៗ ខណៈថាយហ្គឺរ ចង់បាន៣ពិន្ទុដើម្បីឈរនៅចំណាត់ថ្នាក់លេខ៣បណ្តោះអាសន្ន។
ដោយឡែកនៅម៉ោង៦ល្ងាច ស្វាយរៀងដែលកំពុងឡើងយីអ៊ុន ត្រូវស្វាគមន៍ក្រុមខ្លាំងភ្នំពេញក្រោន។ ស្វាយរៀងកំពុងប្រទាញប្រទង់ជាមួយថាយហ្គឺរ និងនគរបាលជាតិ នៅតំបន់ Top 4 ខណៈភ្នំពេញព្យាយាមតាមប្រកៀកបឹងកេតនៅលើកំពូលតារាង៕
© រក្សាសិទ្ធិដោយ thmeythmey.com