កីឡាជាតិ
ជាតិ
កម្ពុជាយកឈ្នះប៊ូតាន់ ២-០ ក្នុងជំនួបមិត្តភាពអន្តរជាតិមុនប៉ះជប៉ុន ក្នុង World Cup
× រស់ សំអឿន នៃក្លិបបឹងកេតអង្គរ និង កែវ សុខផេង បានស៊ុតបាល់បញ្ចូលទីម្នាក់មួយគ្រាប់នៃតង់នីមួយៗដើម្បីនាំឲ្យក្រុមជម្រើសជាតិកម្ពុជាយកឈ្នះក្រុមជម្រើសជាតិប៊ូតាន់ ២-០ ក្នុងជំនួបមិត្តភាពអន្តរជាតិនៅកីឡដ្ឋានជាតិអូឡាំពិកនាល្ងាចថ្ងៃទី២០ ខែសីហា នេះ។
កម្ពុជា និងប៊ូតាន់ សុទ្ធតែកាតាព្វកិច្ចរៀងៗនៅក្នុងការប្រកួតជម្រុះទីពីរប្រចាំតំបន់អាស៊ីនៃព្រឹត្តិការណ៍ World Cup ឆ្នាំ២០១៨ ។ ក្រុមទាំងពីរសុទ្ធបានបរាជ័យនាការប្រកួតពីរលើកដំបូងនៅក្នុងពូល។ នៅក្នុងពូល E កម្ពុជាក្នុងនាមជាម្ចាស់ផ្ទះបានចាញ់ សឹង្ហបុរី ៤-០ និងចាញ់អាហ្វហ្គានីស្ថាន ១-០ ។
នៅមុនការចេញ ដំណើរទៅប្រកួតជាមួយក្រុមជម្រើសជាតិជប៉ុន នាថ្ងៃទី៣ ខែកញ្ញា ខាងមុខ លោក Lee Tae Hoon គ្រូបង្វឹកកូរ៉េខាងត្បូងដែលចូលដឹកនាំក្រុមជម្រើសជាតិកម្ពុជាសារជាថ្មីនោះ មានគម្រោងប្រកួតមិត្តភាពជាមួយក្លិប១របស់ថៃ និងប្រកួតមិត្តភាពអន្តរជាតិជាមួយក្រុមជម្រើសជាតិឡាវនៅក្នុងទីក្រុងបាងកក ប្រទេសថៃ នៅចុងខែសីហានេះ៕
Tag:
ជម្រើសជាតិកម្ពុជា
World Cup
© រក្សាសិទ្ធិដោយ thmeythmey.com