ជាតិ
អ្នករាយការណ៍ពិសេសថ្មីរបស់ UN ជួបលោក ហ៊ុន សែន ពិភាក្សាពីតួនាទីខ្លួន
× អ្នករាយការណ៍ពិសេសរបស់អង្គការសហប្រជាជាតិ (UN) លោកស្រី រ៉ូណា ស្ម៊ីត ជួបជាមួយ លោកនាយករដ្ឋមន្ត្រី ហ៊ុន សែន នៅព្រឹកថ្ងៃទី ២១ ខែកញ្ញានេះ នាវិមានសន្តិភាព ដើម្បីពិភាក្សាគ្នាអំពីតួនាទីរបស់ខ្លួនក្នុងអាណត្តិដែលត្រូវបំពេញក្នុងប្រទេសកម្ពុជា។
លោកស្រី រ៉ូណា ស្ម៊ីត ត្រូវបានតែងតាំងដោយក្រុមប្រឹក្សាសិទ្ធិមនុស្ស UN ក្នុងខែមីនា ឆ្នាំ២០១៥ ស្នងតំណែងរបស់លោក សុរិយា ប្រាសាទ ស៊ូប៊ែឌី ដែលបានបញ្ចប់អាណត្តិ ៦ឆ្នាំ នៅខែមីនា ឆ្នាំ២០១៥ ដើម្បីធ្វើសេចក្តីរាយការណ៍ និងផ្តល់ប្រឹក្សាយោបល់ស្តីពី ស្ថានភាពសិទ្ធិមនុស្សនៅកម្ពុជា។
អ្នករាយការណ៍ពិសេសរបស់អង្គការសហប្រជាជាតិរូបនេះ បំពេញទស្សនកិច្ចផ្លូវការលើក នៅក្នុងប្រទេសកម្ពុជា រយៈពេល៩ថ្ងៃ ចាប់ពីថ្ងៃទី១៦ ដល់ថ្ងៃទី ២៤ ខែកញ្ញា ឆ្នាំ២០១។ក្នុងឱកាសបញ្ចប់ដំណើរទស្សនកិច្ច លោកស្រី Rhona Smith នឹងធ្វើសន្និសីទសារព័ត៌មាន នៅម៉ោង ៣រសៀល ថ្ងៃទី២៤ កញ្ញា នៅការិយាល័យសិទ្ធិមនុស្សអង្គសហប្រជាជាតិប្រចាំកម្ពុជា (OHCHR) ផ្ទះលេខ១០ ផ្លូវលេខ ៣០២ សង្កាត់បឹងកេងកងទី១ រាជធានីភ្នំពេញ៕
© រក្សាសិទ្ធិដោយ thmeythmey.com