លោក ហ៊ុន សែន ថ្លែងសុន្ទរកថា២ នៅអង្គការសហប្រជាជាតិនៅចុងសប្តាហ៍នេះ

ជាតិ

នយោបាយជាតិ

លោក ហ៊ុន សែន ថ្លែងសុន្ទរកថា២ នៅអង្គការសហប្រជាជាតិនៅចុងសប្តាហ៍នេះ

21, Sep 2015 , 6:44 pm

រូបភាព

លោកនាយករដ្ឋមន្ត្រី ហ៊ុន សែន

ដោយ: សារព័ត៌មានថ្មីៗ

ប្រមុខរដ្ឋាភិបាលខ្មែរលោក ហ៊ុន សែន នឹងត្រូវការថ្លែងការណ៍ថ្ងៃសៅរ៍ចុងសប្តាហ៍នេះនៅលើវេទិកាអង្គការសហប្រជាជាតិ ក្នុងឱកាសដែលលោកត្រូវចូលរួមក្នុងកិច្ចប្រជុំកំពូលអង្គការសហប្រជាជាតិដើម្បីអនុម័តរបៀបវារៈអភិវឌ្ឍន៍ក្រោយឆ្នាំ២០១៥ ។ កិច្ចប្រជុំកំពូលនេះនឹងត្រូវប្រព្រឹត្តទៅនៅទីក្រុងញូយ៉កពីថ្ងៃទី២៥ ដល់ថ្ងៃទី២៧កញ្ញានេះ។

តាមគម្រោងលោកនាយករដ្ឋមន្ត្រីនឹងត្រូវថ្លែងសុន្ទរកថាទីមួយនៅថ្ងៃសៅរ៍ទី២៦កញ្ញានៅក្នុងកិច្ចប្រជុំកំពូលអង្គការសហប្រជាជាតិដើម្បីអនុម័តរបៀបវារៈអភិវឌ្ឍន៍ក្រោយឆ្នាំ២០១៥ និងសុន្ទរកថាមួយទៀតនៅថ្ងៃទី២៧កញ្ញា ស្តីពីសមភាពយេនឌ័រ និងការលើកកម្ពស់ស្ត្រី៖ ការប្តេជ្ញាចិត្តឆ្ពោះទៅរកវិធានការ។

កម្មវិធីរបស់លោកនាយករដ្ឋមន្ត្រីនេះត្រូវបានផ្សាយឲ្យដឹងដោយសេចក្តីប្រកាសព័ត៌មាននៃ ក្រសួងការបរទេសកម្ពុជាដែលបញ្ជាក់បន្ថែមថា លោក ហ៊ុន សែន ក៏មានគម្រោងសហគមន៍ខ្មែរដែលរស់នៅសហរដ្ឋអាមេរិកផងដែរ៕