បទយកការណ៍ / បទសម្ភាសន៍
×![]()
ភ្នំពេញ៖ ភាពយន្តខ្មែរ និងភាពយន្តបរទេសមួយចំនួនធំ បានផលិត ភាពយន្តរឿងខ្មោចជាច្រើន ដើម្បីទាក់ទាញប្រជាប្រិយភាពពីសំណាក់អ្នកទស្សនា។ លើសពីនេះ ប្រជាជនមួយចំនួនបានអះអាងថា ពួកគាត់ធ្លាប់បានឃើញខ្មោច ឯមួយចំនួនទៀតបានអះអាងថា មិនដែលឃើញខ្មោចនោះទេ។ ប៉ុន្តែប្រជាជន ទូទៅបានសម្តែងអារម្មណ៍ថា ខ្លាចខ្មោច បើទោះបីជាមិនធ្លាប់ឃើញក៏ដោយ។ តើលើលោកនេះ ពិតជាមានខ្មោដែរឬទេ?
សូមអញ្ជើញស្តាប់បទយកការណ៍របស់លោក រ៉ឹម ភារី៖
ខ្មោច ត្រូវបានមនុស្សស្ទើរគ្រប់រូប ធ្លាប់បានស្គាល់ និងបានលឺ តាមរយៈខ្សែភាពយន្ត និងជួបប្រទះដោយផ្ទាល់។ អ្នកមិនដែលជួបខ្មោច ប្រកដជាពុំបានជឿថាមានខ្មោច តែមនុស្សខ្លះ ទោះបីជាមិនដែលជួប ក៏នៅតែមានអារម្មណ៍ថា ខ្លាចខ្មោច។
អ្នកស្រី សក សុខា ដែលជាមនុស្សម្នាក់ដែលធ្លាប់ខ្មោចលង បាននិយាយរៀបរាប់ពីព្រឹត្តិការណ៍ដ៏ព្រឺឆ្អឹងខ្នងនេះថា អ្នកស្រីធ្លាប់ខ្មោចនិយាយដាក់ត្រចៀក នៅពេលអ្នកស្រីគេងមិនទាន់លក់។ លើសពីនេះ អ្នកស្រីក៏ត្រូវខ្មោចស្រែកប្រាប់ ពេលអ្នកស្រីគេងលើដៃខ្មោចនៅក្នុងខ្ទមមួយ«កាលជំនាន់រដ្ឋកម្ពុជា ខ្ញុំយាមដល់យប់ គ្រាន់តែដល់ម៉ោង ចូលដេក ខ្ញុំដេកភ្លាមក៏លឺសំឡេង ដេកលើដៃអញៗ ពេលនោះខ្ញុំក៏រត់ចូល កន្លែងបងប្រុសខ្ញុំ ហើយខ្ញុំបែកញើសប៉ិនៗគ្រាប់ពោត»។ មិនត្រឹមតែលងត្រឹមអ្នកស្រីនោះទេ ខ្មោចបានលងឪពុករបស់អ្នកស្រី នៅពេលឪពុកអ្នកស្រីទៅដាក់ទ្រូពេលទៀបភ្លឺ។ កើតនៅក្នុងសម័យសង្គមរាស្ត្រនិយម អ្នកស្រីបានបន្ថែមទៀតថា «ពេលគាត់ទៅដាក់ទ្រូ គាត់ទៅជាមួយលោកតាខ្ញុំ គាត់ដើរបែកគ្នា គ្រាន់តែដើរមកជួបគ្នាវិញ ឪពុកខ្ញុំឃើញឆ្កែ ហើយគាត់ក៏វ៉ៃឆ្កែ តែពេលវ៉ៃទៅ ស្រាប់តែតាខ្ញុំស្រែកអូយៗ អ្ហែងវ៉ៃអញ»។ ជាអ្នករស់នៅខេត្តកណ្តាល អ្នកស្រីបានបន្ថែមថា អ្នកស្រុករបស់អ្នកស្រី ក៏ត្រូវបានខ្មោចលង ជាញឹកញាប់ផងដែរ «ពេលទៅឆ្លុះត្រី ពួកគេដេញ កាប់ៗ រហូតដល់ដំបូក ជួនកាលដល់ផ្នូរខ្មោចក៏មានដែរ ហ្នឹងខ្មោចវាបន្លំធ្វើត្រី»។
កញ្ញា តាន់ គឹមហឿង ជានិស្សិតមកពីសាកលវិទ្យាល័យអន្តរជាតិ បាននិយាយថា នាងជឿថា លើលោកនេះ ពិតជាមានខ្មោចមែន ពីព្រោះនាងធ្លាប់ឃើញ មនុស្សចូលរូប នៅពេលមានកម្មវិធីលេងអារក្ស។ វ័យ២៣ កញ្ញាមកពីខេត្តបន្ទាយមានជ័យរូបនេះ បាននិយាយថា« ខ្ញុំជឿថាមានខ្មោច ពីព្រោះខ្ញុំធ្លាប់ឃើញគេចូលរូប មើលទៅហាក់ដូចជា មែនទែនចឹង»។
រីឯកញ្ញា ហេង គីមឡេង ជានិស្សិតនៅសាកលវិទ្យាល័យអន្តរជាតិ បាននិយាយដោយត្រង់ៗថា នាងមិនដែលធ្លាប់ជួបខ្មោចនោះ ប៉ុន្តែកញ្ញានៅតែមានអារម្មណ៍ថា ខ្លាចខ្មោច។ និស្សិតមកពីខេត្តកណ្តាលរូបនេះ បាននិយាយថា ទោះបីមិនដែលឃើញខ្មោច តែនាងមិនហ៊ានដើរពេលយប់តែម្នាក់ឯងនោះទេ។ វ័យ២១ឆ្នាំ គីមឡេងបានបន្តថា« ទោះខ្ញុំមិនធ្លាប់ឃើញវាផ្ទាល់ តែខ្ញុំមើលក្នុងភាពយន្តឃើញថា រូបរាងវា គឺអាក្រក់ មានភ្នែកធ្លាក់ សក់វែង មើលទៅគួរឲ្យខ្លាចណាស់»។
ចំណែក លោក ផាន់ ចាន់ពៅ ជាសាស្ត្រាចារ្យផ្នែកចិត្តវិជ្ជា និងជាអ្នកជំនាញព្យាបាលជំងឺផ្លូវចិត្ត បានលើកឡើងថា ខ្មោចមាននៅក្នុងចិត្តមនុស្ស ប្រសិនបើមនុស្សជឿថាមានខ្មោច ប៉ុន្តែបើក្នុងចិត្តមនុស្សគ្មានអារម្មណ៍ខ្លាចខ្មោច នោះពួកគេគិតថា គ្មានខ្មោចនោះទេ។ លោកសាស្ត្រាចារ្យបានបន្ថែមថា ការខ្លាចខ្មោច ភាគច្រើន គឺចេញពីភាពយន្តខ្មោច។ លោកបញ្ជាក់យ៉ាងដូច្នេះថា «ការដែលមនុស្សខ្លាចខ្មោច គឺដោយសារតែភាពយន្តខ្មោច គេតុបតែងតួអង្គឲ្យមានរូបរាងអាក្រក់ៗ ប្រសិនបើតួអង្គជាមនុស្សស្អាត ដូចមនុស្សរស់ នោះប្រហែលជាគ្មាននរណាខ្លាចខ្មោចនោះទេ»។
ចំពោះសំណួរដែលថា តើលើលោកនេះពិតមានខ្មោចដែរឬទេ? សម្រាប់អ្នកជំនាញផ្នែកចិត្តវិជ្ជារូបនេះ បានអះអាងថា លោកមិនជឿថា មានខ្មោចនោះទេ ហើយលោកក៏មិនខ្លាច ខ្មោចនោះដែរ ពីព្រោះ នៅពេលមនុស្សស្លាប់ទៅ មនុស្សពុំបានបន្សល់ទុកនូវព្រលឹងនោះទេ គឺនៅពេលមនុស្សស្លាប់ ព្រលឹងក៏សាបសូន្យទៅជាមួយរាងកាយដែរ «កាលពីខ្ញុំនៅជាកុមារភាពដូចគេដូចឯង ខ្ញុំជឿថាមានខ្មោច មានព្រលឹង ប៉ុន្តែនៅពេលខ្ញុំបានចូលរៀននៅនៅឧត្តមសិក្សាផ្នែកចិត្តវិជ្ជា ខ្ញុំជឿថា មនុស្សនៅពេលស្លាប់គឺព្រលឹងក៏មិននៅដែរ» ។ លោកបន្ថែមថា «សម្រាប់ខ្ញុំ គឺខ្ញុំមិនជឿថាមានខ្មោចទេ ព្រោះនៅក្នុងមេរៀនចិត្តវិជ្ជាគេបានបញ្ជាក់ច្បាស់ថា នៅពេលយើងមើលឃើញខ្មោច បានន័យថា យើងកំពុងតែមានជម្ងឺផ្លូវចិត្តហើយ»៕
សូមអញ្ជើញស្តាប់បទយកការណ៍របស់លោក រ៉ឹម ភារី៖
ខ្មោច ត្រូវបានមនុស្សស្ទើរគ្រប់រូប ធ្លាប់បានស្គាល់ និងបានលឺ តាមរយៈខ្សែភាពយន្ត និងជួបប្រទះដោយផ្ទាល់។ អ្នកមិនដែលជួបខ្មោច ប្រកដជាពុំបានជឿថាមានខ្មោច តែមនុស្សខ្លះ ទោះបីជាមិនដែលជួប ក៏នៅតែមានអារម្មណ៍ថា ខ្លាចខ្មោច។
អ្នកស្រី សក សុខា ដែលជាមនុស្សម្នាក់ដែលធ្លាប់ខ្មោចលង បាននិយាយរៀបរាប់ពីព្រឹត្តិការណ៍ដ៏ព្រឺឆ្អឹងខ្នងនេះថា អ្នកស្រីធ្លាប់ខ្មោចនិយាយដាក់ត្រចៀក នៅពេលអ្នកស្រីគេងមិនទាន់លក់។ លើសពីនេះ អ្នកស្រីក៏ត្រូវខ្មោចស្រែកប្រាប់ ពេលអ្នកស្រីគេងលើដៃខ្មោចនៅក្នុងខ្ទមមួយ«កាលជំនាន់រដ្ឋកម្ពុជា ខ្ញុំយាមដល់យប់ គ្រាន់តែដល់ម៉ោង ចូលដេក ខ្ញុំដេកភ្លាមក៏លឺសំឡេង ដេកលើដៃអញៗ ពេលនោះខ្ញុំក៏រត់ចូល កន្លែងបងប្រុសខ្ញុំ ហើយខ្ញុំបែកញើសប៉ិនៗគ្រាប់ពោត»។ មិនត្រឹមតែលងត្រឹមអ្នកស្រីនោះទេ ខ្មោចបានលងឪពុករបស់អ្នកស្រី នៅពេលឪពុកអ្នកស្រីទៅដាក់ទ្រូពេលទៀបភ្លឺ។ កើតនៅក្នុងសម័យសង្គមរាស្ត្រនិយម អ្នកស្រីបានបន្ថែមទៀតថា «ពេលគាត់ទៅដាក់ទ្រូ គាត់ទៅជាមួយលោកតាខ្ញុំ គាត់ដើរបែកគ្នា គ្រាន់តែដើរមកជួបគ្នាវិញ ឪពុកខ្ញុំឃើញឆ្កែ ហើយគាត់ក៏វ៉ៃឆ្កែ តែពេលវ៉ៃទៅ ស្រាប់តែតាខ្ញុំស្រែកអូយៗ អ្ហែងវ៉ៃអញ»។ ជាអ្នករស់នៅខេត្តកណ្តាល អ្នកស្រីបានបន្ថែមថា អ្នកស្រុករបស់អ្នកស្រី ក៏ត្រូវបានខ្មោចលង ជាញឹកញាប់ផងដែរ «ពេលទៅឆ្លុះត្រី ពួកគេដេញ កាប់ៗ រហូតដល់ដំបូក ជួនកាលដល់ផ្នូរខ្មោចក៏មានដែរ ហ្នឹងខ្មោចវាបន្លំធ្វើត្រី»។
កញ្ញា តាន់ គឹមហឿង ជានិស្សិតមកពីសាកលវិទ្យាល័យអន្តរជាតិ បាននិយាយថា នាងជឿថា លើលោកនេះ ពិតជាមានខ្មោចមែន ពីព្រោះនាងធ្លាប់ឃើញ មនុស្សចូលរូប នៅពេលមានកម្មវិធីលេងអារក្ស។ វ័យ២៣ កញ្ញាមកពីខេត្តបន្ទាយមានជ័យរូបនេះ បាននិយាយថា« ខ្ញុំជឿថាមានខ្មោច ពីព្រោះខ្ញុំធ្លាប់ឃើញគេចូលរូប មើលទៅហាក់ដូចជា មែនទែនចឹង»។
រីឯកញ្ញា ហេង គីមឡេង ជានិស្សិតនៅសាកលវិទ្យាល័យអន្តរជាតិ បាននិយាយដោយត្រង់ៗថា នាងមិនដែលធ្លាប់ជួបខ្មោចនោះ ប៉ុន្តែកញ្ញានៅតែមានអារម្មណ៍ថា ខ្លាចខ្មោច។ និស្សិតមកពីខេត្តកណ្តាលរូបនេះ បាននិយាយថា ទោះបីមិនដែលឃើញខ្មោច តែនាងមិនហ៊ានដើរពេលយប់តែម្នាក់ឯងនោះទេ។ វ័យ២១ឆ្នាំ គីមឡេងបានបន្តថា« ទោះខ្ញុំមិនធ្លាប់ឃើញវាផ្ទាល់ តែខ្ញុំមើលក្នុងភាពយន្តឃើញថា រូបរាងវា គឺអាក្រក់ មានភ្នែកធ្លាក់ សក់វែង មើលទៅគួរឲ្យខ្លាចណាស់»។
ចំណែក លោក ផាន់ ចាន់ពៅ ជាសាស្ត្រាចារ្យផ្នែកចិត្តវិជ្ជា និងជាអ្នកជំនាញព្យាបាលជំងឺផ្លូវចិត្ត បានលើកឡើងថា ខ្មោចមាននៅក្នុងចិត្តមនុស្ស ប្រសិនបើមនុស្សជឿថាមានខ្មោច ប៉ុន្តែបើក្នុងចិត្តមនុស្សគ្មានអារម្មណ៍ខ្លាចខ្មោច នោះពួកគេគិតថា គ្មានខ្មោចនោះទេ។ លោកសាស្ត្រាចារ្យបានបន្ថែមថា ការខ្លាចខ្មោច ភាគច្រើន គឺចេញពីភាពយន្តខ្មោច។ លោកបញ្ជាក់យ៉ាងដូច្នេះថា «ការដែលមនុស្សខ្លាចខ្មោច គឺដោយសារតែភាពយន្តខ្មោច គេតុបតែងតួអង្គឲ្យមានរូបរាងអាក្រក់ៗ ប្រសិនបើតួអង្គជាមនុស្សស្អាត ដូចមនុស្សរស់ នោះប្រហែលជាគ្មាននរណាខ្លាចខ្មោចនោះទេ»។
ចំពោះសំណួរដែលថា តើលើលោកនេះពិតមានខ្មោចដែរឬទេ? សម្រាប់អ្នកជំនាញផ្នែកចិត្តវិជ្ជារូបនេះ បានអះអាងថា លោកមិនជឿថា មានខ្មោចនោះទេ ហើយលោកក៏មិនខ្លាច ខ្មោចនោះដែរ ពីព្រោះ នៅពេលមនុស្សស្លាប់ទៅ មនុស្សពុំបានបន្សល់ទុកនូវព្រលឹងនោះទេ គឺនៅពេលមនុស្សស្លាប់ ព្រលឹងក៏សាបសូន្យទៅជាមួយរាងកាយដែរ «កាលពីខ្ញុំនៅជាកុមារភាពដូចគេដូចឯង ខ្ញុំជឿថាមានខ្មោច មានព្រលឹង ប៉ុន្តែនៅពេលខ្ញុំបានចូលរៀននៅនៅឧត្តមសិក្សាផ្នែកចិត្តវិជ្ជា ខ្ញុំជឿថា មនុស្សនៅពេលស្លាប់គឺព្រលឹងក៏មិននៅដែរ» ។ លោកបន្ថែមថា «សម្រាប់ខ្ញុំ គឺខ្ញុំមិនជឿថាមានខ្មោចទេ ព្រោះនៅក្នុងមេរៀនចិត្តវិជ្ជាគេបានបញ្ជាក់ច្បាស់ថា នៅពេលយើងមើលឃើញខ្មោច បានន័យថា យើងកំពុងតែមានជម្ងឺផ្លូវចិត្តហើយ»៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
